情人節
25
Feb 16
18:40
新聞

為白色情人節奮鬥吧!手造朱古力的理想與現實...

2月14情人節就過左啦,男仔食朱古力食得好開心啦? 但係日本人既習慣,男生要係3月14白色情人節回禮,請返女性朋友/女朋友食朱古力! 想花啲心思就梗係親手整啦。 但係最近好多網民都比呢款DIY朱古力玩死...   ▼包裝好正常,幾靚,應該會好食嫁喎!   ▼入面有餅底,朱古力同朱古力筆,工具齊晒   ▼製作過程非常簡單,究竟邊一 part 出錯呢?   ▼答案永遠都係:最後果 part...   ▼每隻都好有個人性格!(呢位已經算整得好...) (圖片來源:@ichimayo0 twitter)   ▼網上係唔止一位「中伏」
04
Mar 16
02:29
博客

【思人日語教室】白色情人節篇

白色情人節話咁快又到啦! 我覺得呢個節日好搞笑, 因為日本同香港嘅白色情人節係有好大分別嫁!   香港呢,無錯係人都知無論2月14定3月14都係男仔送禮物, 女仔收禮物嘅。這是定律OK?港男們無得反抗嫁啦。   但係日本呢,2月14就係女仔自己整或者買朱古力送比心儀嘅男仔/男朋友, 又或者送比普通朋友,即係「義理巧克力」, 之後個男仔如果都對個女仔有意思嘅話呢, 就會喺3月14號回禮,咁就有情人終成眷屬嫁啦!   係度教幾個關於情人節嘅日文生字俾大家先: バレンタイン - Valentineホワイトデー - 白色情人節義理チョコ - 女仔送比異性朋友的巧克力友チョコ - 送比同性朋友的巧克力本命チョコ - 送比心儀男仔/男朋友的巧克力   但注意喎,到底個男仔真係想同個女仔拍拖定係禮貌上回禮都要講清楚, 又或者係喺女仔送朱古力比你嘅時候就要get清楚, 呢D野誤會左就好老尷嫁啦嘛!   咁到底日文禮貌上回禮/真係鐘意人而回禮係要點講呢? 而家我就教你啦!等你做足準備, 廢事突然有架妹同你表白而因為你講錯野就白白送走呢個機會嘛! 睇片啦!!!(呢D情境FF下就好啦,唔係講下你就覺得有機掛)   回禮-嘔心表白篇
12
Feb 16
23:58
博客

一粒朱古力嘅真心!本命?義理?我得到嘅只係一粒朱古力嗎?

情人節個個都俾朱古力,點先知對方對我係唔係有意思呢?係日本有「本命」同「義理」就分得好清楚,只要留意以下幾點,就一定唔會自作多情啦~1. 包裝/價錢 人靠衣裝,禮物當然係靠包裝!心形都唔一定就係嘅,但通常包得好靚,唔會就咁俾一粒(除非好大粒)打開粒粒唔一樣款式都可以係。雖然日本人對上司都會送高級朱古力,咁都代表左越重要嘅人就會送越貴重嘅野。2. 手工朱古力 無人會花咁多心機時間去整野食俾自己唔鍾意嘅人囉~ 所以就算係好鍾意自己整野食都好,日本都唔鼓吹女仔係情人節當日送手工朱古力俾普通朋友。3. 贈送情景 成堆人面前送俾你,又個個收到嘅款色都一樣,咁就真係唔洗諗咁多。但如果專登叫你埋一邊,單獨情況下,仲要含情脈脈咁唔樣,你唔好話我知你真係鼓佢唔到囉~4. 朱古力以外 對方可能只係靜悄悄咁放係你枱面,但入面好有可能係放左卡片,寫左啲甜言蜜語俾你架!
12
Feb 16
22:40
博客

日本情人節大不同!?

情人節嘅由來我就唔多講啦~ 但點解香港會搞到又要送禮,又要燭光晚餐咁大件事,令到男士們咁頭痕呢?反之,係日本嘅男士們當日只要坐定定等收朱古力就得!? 其實日本本來就冇情人節送朱古力嘅習慣。直到1936年,「モロゾフ製菓」係一份英文報紙登左個以送朱古力俾男人為主題嘅朱古力廣告。 之後其他糖果公司都爭相仿傚,令大家慢慢有左「情人節就應該係女性向男性送朱古力」嘅概念。 去到了60年代,已經演變成大家會係情人節當日向自己心儀嘅男仔送朱古力表白。後來又因為日本人真係太好禮,所以連同事朋友都會送以示感謝。為左分清邊啲朱古力係表白用,邊啲係表達感激之情,就發展出「本命チョコ」同「義理チョコ」兩種朱古力啦~ 1977年,又有商人想進利促銷,而推出「送糖日」,慢慢變成「白色情人節」,係男士回禮俾女士,以代表接受佢愛意嘅日子。 去到近年,朱古存已經唔止會送俾異性,仲會送俾同性,稱為「友チョコ」。而亦有男仔會係情人節送朱古力俾女仔,咁就會稱為「逆チョコ」。
09
Feb 17
21:56
博客

仲未買情人節禮物?送支日本產嘅酒都可能係浪漫好選擇!

下個星期就係情人節喇,相信唔少人都物色緊禮物黎送比另一半,如果大家R爆頭都仲未有Idea的話,可以考慮下送酒都可能係個好選擇,你送完,隨時最後都係同你Share一齊飲。   其實日本太多好酒不能盡錄,以下為大家介紹幾款我覺得可以襯返情人節主題嘅酒,適合唔同人嘅喜好: 1. [Whisky的浪漫與刺激] 信州Mars Single Malt駒ヶ岳「小彼岸桜」ABV:52%  之前都有同大家講過日本威士忌大家來來去去都淨係識「響」,唔想咁「行貨」的話今次為大家介紹一個大家可能無咁熟悉嘅品牌信州Mars。信州 Mars 蒸溜所位於長野縣駒ヶ岳山麓,其實母公司本坊酒造係1949年已經取得威士忌蒸餾執照,而信州 Mars 蒸溜所則係1985年營運6年後因供需求問題而暫停,直至2011年先重啓生產。   呢支「小彼岸桜」係以長野縣嘅群生櫻花「小彼岸桜」為主題,以2013年蒸溜嘅原酒配合1991年停產前珍貴嘅20年以上原酒調合而成。酒精度達52%帶有少少刺激,入口有清新花香同來自雪梨桶嘅杏脯等乾果,楓糖,香氣,而且因為有高年份原酒加持,口感有層次。成件事就好似新舊記憶合而為一咁,加上包裝上嘅「小彼岸桜」都好靚好有詩意,用黎送比喜歡飲Whisky嘅另一半十分唔錯!   2. 
15
Mar 16
23:54
新聞

唔係呀嘛!?白色情人節竟然收到……

琴日係白色情人節,係日本黎講,就係男仔回禮俾女仔既日子。 一般人都會送朱古力、曲奇或者糖俾女仔既~ 點知…有日本網友話返到班房見到……       下!?咩話?香蕉!?咁咪姐係叫人食蕉!?OH NO!!! 有無搞錯呀!?咁都有既!? 雖然話有草莓同棉花糖姐~~~       明明一個月前,2月14日情人節,係超多朱古力~~~ 嘛…呢個算唔算係男仔同女仔既分別呢???   話說,我都收到原宿某店既哥哥送既曲奇~     哥哥知我中意玉森裕太,所以送左4塊俾我~ 原本每個客人只可得到一塊架咋~哥哥靜雞雞送夠9塊俾我(心)   PS~琴晚送左盒朱古力俾之前係[不敗日記]講果個好似周國賢既男仔~ 佢好開心,即刻拆黎食,之後仲餵我食左粒呀(心)
28
Jan 16
18:20
博客

東京情人節景點推介-Caretta汐留燈飾最後召集

東京聖誕出名有好多靚燈飾,但如果聖誕節錯過左咁點算? 唔緊要,因為汐留燈光SHOW Caretta Illumination 2015將會持續到2016/2/14情人節先會結束!*排隊拍照位 Caretta汐留的燈飾已經係第10年舉辦,而且更加係「關東三大必看冬季燈飾」之一! 今年主題為「藍色的星谷」,使用左20萬顆LED燈點亮整個主燈區域,小編親身到過真係覺得非常浪漫!! 每隔20分鐘嘅燈光SHOW,搭配埋音樂演奏,真係會靚到你呆左,唔好諗啦,如果你係情人節前會到東京嘅話,就一定唔好錯過啦~真係好浪漫架! 但如果你係情人節前係冇辦法到東京嘅話,就睇下我條片啦^^差唔多係足本播放呀!當然同親身去睇係冇得比,但都頂住先啦! 展出日期:2015.11.19 - 2016.2.14 展出時間:18:00~23:00 (每20分鐘一場燈光SHOW,每場約6分鐘) 表演時間:http://www.caretta.jp/event/Illumination2015/about/top.html 交通:大江戸線汐留駅徒步1分/ 浅草線新橋駅徒步3分/銀座線新橋駅徒步5分  
05
Feb 16
01:22
博客

名企劃復活!網球王子情人節送禮活動再度歸來

過埋個新年,話咁快又到情人節。喺日本情人節由女仔送朱古力俾男仔就係人都知,但無講過朱古力係要送俾「人」。動漫界就有個好出名嘅活動,就係《網球王子》嘅朱古力送禮! 呢個活動由2001年已經開始,歷史都相當悠久。玩法係由FANS喺情人節前一星期至當日呢段時間送抵JUMP SQ編輯部,記得寫埋係送俾邊個角色,最後由編輯統計點數,睇下邊個角色收到最多朱古力。因為呢個活動,近呢幾年都吸引到朱古力生產商同《新網球王子》趁情人節搞CROSSOVER CAMPAIGN。 有人會將朱古力整得靚靚再寄,但亦有人買現成嘅一箱箱咁寄。 至於點解無啦啦拎出黎講呢,係因為舊年情人節呢個活動竟然取消咗!根據記錄,由2001收到305份至2013年收到約4萬份,每年編輯部收到嘅朱古力都有增長,但喺2013年至2014年期間,朱古力數量突然有飛躍性突破。 2014總共收到18萬份!係食一世都未必食得晒嘅18萬份!淨係統計都計咗5個月。 2014年就有人一次過寄咗8000份俾不二周助。 2014年嘅第1,2名結果,留意左下角,有人一次過寄2萬份。 就係因為18萬份太多,對食物管理同物流都有
06
Feb 16
00:41
博客

慎入!日本五大重口味情人節朱古力!

仲有一個星期就到情人節喇! 相信唔少人都幻想個呢個情節~~~ 唔好以為收到人地親手整既朱古力就好威好開心呀! 因為,原來日本好興整重口味朱古力俾男仔食架!!! 而原因竟然係希望向中意既男仔落咒,令佢食左朱古力後就愛上自己! 天呀!問世間情為何物呀??? 好!我地一於睇下有幾重口味!!! 我會先俾d食物圖大家睇,估下日本絲打放左d咩野!第五位! 估唔估到係咩?係下體毛!?痴線!一黎就咁重口味!!! 日本巴打話係2012年,收到朋友整既朱古力,食既時侯發現有陰毛!!!!!第四位! 相信有睇過電影<<細路祥>>就知紅茶包係代表M巾! 呢位絲打求神保佑佢整朱古力個日黎M,等佢可以用M血黎整朱古力! 係咪傻架?不過,我突然諗起近年睇新聞話D工人姐姐都係咁樣煮飯,希望老細會聽佢話……第三位!
14
Feb 17
05:42
博客

[東京街訪]NO朱古力NO TALK!日本人嘅情人節超現實!

情人節單身人士(狗)唔帶返副黑超護眼分分鐘比人閃到盲~ 不過放心,此PO並無放閃成分,仲赤裸裸地話比你地知日本人係幾咁現實!   首先依個男士都算係好唔錯㗎啦,雖然問佢2月有咩大日子淨係諗起節分(其他所有人,係包括晒所有男人同女人宧係秒回情人節!),但佢話情人節唔洗收到啲咩嘢禮物,只要女朋友陪係身邊就夠晒,幾sweet丫~~~ 可惜而家冇女朋友,希望情人節可以搵到個女朋友咁話~   依對情侶話情人節有活動唔得閒見so sad~不過女仔就話想要食男朋友親手,係呀,係親手整嘅蛋糕,嚇到男朋友吓一聲www   右邊依位姐姐好似唔太情願接受訪問(笑) 「姑且有男朋友,姑且會送朱古力」,同埋想男朋友買蛋糕比自已食~係咁多~   至於依位男生就明確地表示想要耳機,仲已經暗示晒比女朋友聽,希望你真係收到你想要嘅耳機啦哈哈~ btw佢收過最唔想要嘅情人節禮物係…夾咗條頭髮喺入面嘅朱古力!!!會否太噁心啊! 佢話嗰個女仔可能係特登嘅,傳說將自己嘅頭髮同心儀對象嘅頭髮搓堆一齊就可以長長久久…估唔到真係有人會送頭髮…