快餐
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
18
Dec 16
14:51
新聞

日本人食雞都唔同啲?

唔知大家食炸雞嘅時候有冇煩過整到成手都係油,但戴手套之後基本上就要食完先可以除,唔係好方便?日本出名體貼,近日日本KFC就試推出咗呢個手指膠套,只需要戴上拇指同食指,方便大家食食下完電話都可以輕鬆除同輕鬆戴番,又可以唔洗怕整到成手都係油!     呢隻手套食法叫做Fingernap,暫時係222間日本KFC推行,遲下會再增加至1000間分店。雖然去日本旅行好少食KFC(XD)不過如果有炸雞fans都可以試下玩下喎!  
29
Oct 16
22:49
新聞

20cm高 季節限定信州鹿肉漢堡登場!

2016年11月1日至2017年1月31日起,JR飲食店「Becker’s」會提供季節限定嘅『別格 信州野生肉 THE★鹿肉漢堡』。使用信州產嘅鹿肉同杏鮑菇,加上特製醬汁,成個包仲有成20cm高,真係好吸引! 自2013年發售起,累積已經售出超過5萬個鹿肉漢堡。   雖然期間限定日子比較長,但就會有數量限定(只售2萬個),售完即止,價值720yen!       販賣店舖:   資料來源:Becker's 官方網站   鹿肉漢堡背景小知識: 鹿肉屬於野生鳥獸肉,係人氣嘅高級食材。根據日本狩獵振興協會消息表示,日本嘅野生鳥獸數量增加至危害國民農作物同田野嘅地步,對農業同自然環境都做成極大問題,每年農作物被害額已超過200億日圓。因此自2011年起,日本狩獵振興協會與JR東日本聯手制定「鳥獸被害政策」,以自然捕獵提供高級食材、並解決野生動物繁殖過剩帶來嘅影響。