忍屋
13
Jun 16
21:20
博客

忍者雜貨專門店 變身火影不是夢

我相信好多人都同我一樣,對忍者嘅認識唔係嚟自《火影忍者》就係嚟自《甲賀忍法帖》,簡單嚟講就係二次元世界囉。 不過早排我去大阪旅行,喺以下依間日本最大型嘅戰國、和裝小物專門店「忍屋」逛完一圈之後,就發現原來想成為三次元世界嘅「忍青」,其實唔難!(而其實明明東京今年都開咗忍屋……)     若要成功,必先練功!不過想做忍者第一步緊係唔係練「多重影分身」,而係擲手裹劍!「 忍屋」有嘢睇、有嘢買又有嘢玩,一次過滿足你三個願望~係咪好開心呢~   300yen(廿蚊左右)可以擲1回,每回有5次機會~想玩就入錢入去拎券玩啦~   好啦,擲擲擲擲完一輪之後可以換咩禮物呢?答案就係相入面嘅膠手裹劍、金幣、苦無之類~ 店主特別提大家依個係用嚟換嘅禮物,你地班人唔好詐傻扮懵拎嚟擲啊!   不過望向精品部依邊,啱啱個硬膠手裹劍係有得買嘅,仲只係需要99yen……7蚊……會唔會太平啊!