心齋橋
20
Jul 16
23:55
博客

大阪近心齋橋牛雜火鍋店推介!

今次要介紹呢間由大阪起家嘅新世界もつ鍋屋,もつ意思喺牛雜,姐係大腸、小腸、胃等內臟。牛雜香港就成日食,不過好似都未聽過拎嚟做火鍋,咁我地香港人又鐘意打邊爐又鐘意食牛雜。梗係要去試吓啦!今次就去西心齋橋嘅分店。   喺心齋橋站7號出口行 5分鐘左右就可以去到,不過門口就比較細,仲要落地下一層   因為我五點鐘啱啱開門就去到,所以仲未有人嚟,座位唔係好多,大約得 30個左右。唔想排隊都係早啲去好   3000円就有放題喇!有牛雜、豬肉同雞肉鍋揀。   仲有英文菜單。不過我就無叫到放題,單叫咗個牛雜鍋,都係 810円   鍋嚟喇,點解全部都係菜嚟嘅喂!   圖文不符喎…  
31
May 17
19:12
新聞

Eggs'n Things「橫浜」及「大阪」店限定!2款Special Pancake即將開賣!

唔經唔覺Eggs'n Things 橫浜店同大阪店已經分別開咗5年同4年,為咗紀念咁得別嘅日子,呢兩間店舖會喺6月1日起分別推出「檸檬白朱古力Pancake」同「4色Cream Cheese Pancake」,前者清新得嚟又keep到招牌pancake嘅特色,後者更加可以一次過試哂4種唔同味道嘅cream cheese,兩款睇落都好似好好食,嚟緊去日本一定要試!   Elima Pancake@横浜山下公園店 ¥1,350 呢個pancake除咗幾片清新醒神嘅檸檬之外,整個甜品嘅靈魂就係嗰堆白朱古力!食嘅時候一定要將pancake沾滿白朱古力,唔好睇個樣好似好漏,全靠嗰幾片檸檬,呢個甜品意外地清新。   Eha Pancake@心齋橋店 ¥1,500 四種唔同顏色嘅Cream Cheese分別係士多啤梨、藍莓、Raspberry同原味,單單係個色彩繽紛嘅賣相已經攞滿分!   Eggs'n Things 横浜山下公園店  住所:神奈川県横浜市中区山下町11 スターホテル横浜1F 電話:045-222-8481Eggs'n Things 心斎橋店  住所:大阪市中央区西心斎橋2-10-2 CriceNikko西心斎橋1階  電話:06-6214-6214
04
Oct 16
01:11
新聞

遊客喊住食辣辣壽司 大阪壽司店涉歧視外國食客

大阪難波一間深受遊客歡迎嘅壽司名店發生針對遊客落重手、於壽司狂加芥末事件。事源今年9月尾至10月頭,於Twitter及Google均出現指證位於難波嘅「市場ずし難波店」會針對遊客提供加入大量wasabi嘅壽司嘅證供。當大家都懷疑緊事件嘅真假之時,經營壽司店嘅藤井食品於官方網站發表道歉聲明,承認的確有員工為食客提供加料壽司,不過就網民懷疑壽司店嘅做法係咪歧視外國人一事,壽司店就話未能確認員工嘅行為舉動有冇呢個意思。   壽司店負責人聲稱,因為好多外國食客嚟食壽司都會係咁講「wasabi,wasabi」,所以壽司師傅就覺得外國人口味係鐘意食多啲wasabi嘅壽司,所以先向外國食客提供加料壽司。當然有網民唔接受呢個解釋,覺得壽司店只係喺度狡辯。   有日本人食客A子小姐之前帶韓國籍男友去幫襯壽司店時,表示感受到壽司店裡面都係熟客比較多,令首次幫襯嘅佢哋咁都有少少唔自在。雖然男朋友能夠講日文,不過發音未算標準,店員聽口音就猜測到佢男朋友唔係日本人。如是者,佢哋點嘅魷魚、鯛魚、金槍魚壽司等都被放入大量芥末。A子小姐表示佢同男友平時都好少去呢種專門店食壽司,但見其他食客完全冇問題,自己就食到喊晒口,唯有啞忍,同男朋友一邊流淚一邊苦吞壽司。幫兩位握壽司嘅係同一個店員。  
24
Apr 17
23:04
博客

【心齋橋必逛可愛小店】愛麗絲的異想世界!

在大阪心齋橋近美國村的位置有一間具童話風格又有點神秘的藍色小店,牆身有幾個不同size的門,而真正的門口是一個迷你版的門口,一般成人都要彎身低頭才能進入。   穿過門口,你就會立即進入了愛麗絲夢遊仙境的異想世界。   愛麗絲夢遊仙境是很多少女都非常喜歡的童話故事,裡面的角色和場景都充滿夢幻感,Alice on Wednesday(水曜日のアリス)就是一間以此童話故事為主題的商店,在日本總共有4間分店,包括大阪、名古屋、東京及福岡,是少女們不能錯過的精品店!   ハートの女王の間 Alice on Wednesday分兩部份,一部份是「ハートの女王の間」 (紅心女王的房間),裝潢以紅色和黑色為主,燈光偏暗,帶點神秘及華麗的感覺,跟童話中的紅心女王角色很搭配。櫃子上方的彩色花窗玻璃設計好美,有點像教堂的玻璃窗,還有笑容曖昧的妙妙貓大頭。   紅心女王的房間主要售賣愛麗絲夢遊仙境的精品和首飾。首飾部份很吸引,因為都好精緻而且價錢合理,大多不用港幣$100就可以入手,好抵買。  
10
Jun 17
02:58
博客

邊食 甜品 邊歎 靚景,超 人氣 「軟綿班戟2選」!

愛吃甜品的少女們去日本一定會非常興奮,因為日本的甜品精緻又好味,賞心悅目之餘,胃口也得到大滿足!其中必定要食的是質感軟綿的班戟,推介「bills」及「Eggs'n Things」兩間人氣班戟店,雖說排隊少不免,但揀岩時間都可以減輕輪候之苦,輕鬆享受由班戟帶給你的甜美時刻。   1. bills 第一間是來自澳洲的bills,擁有「世界第一早餐」的美譽,來頭不少。東京有幾間分店,表參道、台場、橫濱都有,但識食一定是去鎌倉食,因為鎌倉的分店環境極優美,室外座位能欣賞蔚藍海景,美食配美景,鎌倉比其他分店略勝一籌。   乘搭江ノ電在七里ヶ浜駅下車,向海邊行大約3分鐘,見到相中四四方方的白色建築物就是bills啦。   我去的時候是平日大約下午4點半,完全不用排隊,不過室外位只有3-4張枱,所以想坐靚位還是要多等一會。室內位都好舒適寬敞的,可以用一種超寫意的心情享受下午茶。
29
Dec 16
22:20
新聞

【PABLO「半溶白玉芝士撻」】人類味覺終極誘惑!

芝士迷應該唔會未聽過「PABLO」呢間芝士撻專門店,每次去親日本,無論係咩時段,門外都總係會大掛長龍,可想而知半溶嘅芝士撻對於人類嚟講呢幾大誘惑!     不過2017年年頭推出嘅呢個「黑豆白玉芝士撻」仲不得了,中心除咗有例牌半溶芝士之外,仲加入咗「丹波黒」黑豆同12粒白玉(冇多冇少係12粒,唔信到時自己數吓),令到個撻有極鮮明嘅口感對比,先係入口即溶嘅芝士,緊接住就係煙韌嘅黑豆白玉,搞到人越食越想食!     呢個芝士撻售賣期超短,由2017年1月1日到1月9號為上,仲要數量有限,想食都唔係咁容易。   焼きたて黒豆きなこチーズタルト 發售地點: PABLO各店 發售日期:2017年1月1日~1月9日 售價:¥1,500 官網:www.pablo3.com
04
Mar 16
20:16
博客

【貝遊日本】日本香港大不同-日本牛角燒肉放題超好味

大阪心齋橋區域真係有好多燒肉店,繼我之前推介過嘅六甲燒肉,今次我想推介比大家嘅係牛角! 大家心裡面係咪有個疑問,牛角香港都有啦,做乜要去日本食呀? 原因好簡單,就係因為日本嘅牛角好味過香港嘅牛角! 同埋日本牛角有香港冇嘅燒肉放題!! (利申:本身係香港都幾鍾意食牛角)   ▼牛角係日本有好多分店,淨係大阪府都有90間,而我地今次去嘅呢間就係全日本最大嘅分店-道頓堀分店, 係跑步人後面道頓堀橫街右手邊。   ▼地址:大阪府大阪市中央区道頓堀1-6-10 ふるさとビル 電話:06-6484-0129 營業時間:全日17時~翌5時   ▼我地係食8:30時段,大約3點左右WALK-IN去BK左位先,因為其實呢次已經係我第二次黎呢間分店食,上次冇BK位,足足等左35分鐘先入到去。   ▼呢間牛角係開到零晨5點,岩晒零晨機先到嘅旅客,一到步即刻食燒肉係咪正先~