廣告
20
Jul 17
00:44
新聞

山田孝之 新PS4廣告扮細路賴地大扭計

日本人氣個性男演員山田孝之演乜似乜,所以成日都有機會拍啲搞笑又出位嘅廣告。長期身為日本PlayStation代言人嘅佢又推出左最新廣告宣傳日本國民遊戲《勇者鬥惡龍XI》發售,今次仲挑戰「爸爸」角色添呀! 不過唔好以為呢位爸爸好有父愛...一開始先係癲過自己個小朋友,訓曬地扭計大叫話要打機... 連你個小朋友都唔係好想睬你... 好彩崩壞只有頭半段,之後個半段就演番一個正常老豆...呀唔係,係努力控制心底裏想搶左小朋友個手製自己玩嘅老豆。不過最後都係做番一個「好爸爸」,捉實仔仔對手玩! 呢排《勇者鬥惡龍XI》正式公開發售,日本方面都有好多廣告推廣! 例如有美女本田翼邊整指甲邊發癲FF買PS4定3DS版好。 仲有藤原龍也提及勇者竟然被稱為「惡魔之子」嘅廣告。真係認真豪華!(果然係Square Enix!)
18
Jul 17
18:18
新聞

【完美身材?】長澤雅美於泳裝廣告展示最強Body

大家最近還有留意長澤雅美嗎?她最近與美國運動用品公司UNDER ARMOUR合作所拍出的泳裝廣告在網絡上引起不少反應,廣告中她隨著音樂在日本公共浴池突然跳起舞來,鏡頭一轉她一邊躍動一邊在磨砂玻璃後換上泳衣,並走到浴池邊跳進裡面在水中繼續舞動:     UNDER ARMOUR公司表示他們之所以會與長澤雅美合作,是因為大家都認同「希望向日本女性傳遞出運動的魅力,以及保持健康體態的必要性」,以泳裝示人的長澤雅美不但在影片裡展示其完美身材,更充分表示出UNDER ARMOUR公司其「強而美的女性形象」。   (傳送門:長澤雅美超型運動廣告曝光 運動世家背景功不可沒?!)  
18
Jul 17
02:42
新聞

澤尻英龍華 拍廣告清唱宮崎駿動畫名曲

相信大家都知道澤尻英龍華係知名日本女演員啦,不過大家又知道澤尻英龍華其實都有唱過歌、推出過單曲呢?之前Suntory搵來一班水著女星拍攝啤酒廣告引起非議(傳送門:【AV既視感?】SUNTORY啤酒廣告被批低俗下品 即遭停播),今次佢地旗下嘅微醉「ほろよい」系列就搵番女明星代言人澤尻英龍華,表演一路微醉一路清唱宮崎駿經典作品《夢幻街少女》入面,改編自外國民謠嘅日語版主題曲《Country Road》! 女神輕輕按下超懷舊錄音機就開始表演清唱,雖然唔係激昂式爆肺唱法,但就聽得更加舒服入耳。唔知各位又buy唔buy從良嘅Erika sama嘅歌喉呢?廣告最後更有一張寄俾自己、清楚寫明地址嘅明信片,唔知呢個廣告系列係咪又好似之前一樣,準備玩伏線呢?(傳送門:澤尻英龍華超短髮廣告流出電話號碼 真係可以打俾女神!)
12
Jul 17
22:33
博客

日本2017上半年度廣告天王天后結果發表 19歲廣瀨鈴封后!

尋日日本就發表左2017年上半年度代言最多廣告嘅排行榜。男性方面排首位嘅有兩位,分別係同樣係2016年第一位嘅相葉雅紀,同埋日本著名網球選手錦織圭,同時代言達10間公司。女性方面就由19歲既美少女演員廣瀨鈴以代言14間嘅成績獲得第一位。 相葉雅紀已經係連續兩年稱霸,而2017年(連續第三年)上半年繼續獲得第一位。除了以嵐成員身分出演JAL、麒麟啤酒、日立等廣告,仲有以個人身分出演既卡樂B、Benz等等廣告,形象健康爽朗、受廣泛年齡層家庭觀眾歡迎相信都係Aiba受廣告商青睞嘅主要原因。 錦織圭選手亦為久光製藥、森永製菓、UNIQLO、NTT docomo等大型日本企業拍攝廣告及代言,連續兩年都係處於頭三名嘅狀態。另外男性方面排第二嘅就係嵐嘅松本潤同埋長青男演員遠藤憲一。 首次奪廣告天后第一位嘅廣瀨鈴由舊年嘅第二位躍升至今年上半年度第一位,出演大塚製薬、資生堂、SUZUKI、SoftBank、明星食品等專打年輕人市場嘅商品及廣告。 排第二位嘅有一班出演達10間公司廣告嘅女
09
Jul 17
00:09
新聞

【AV既視感?】SUNTORY啤酒廣告被批低俗下品 即遭停播

近日SUNTORY在7月4日發佈的新啤酒廣告受到各方批評,不但被指「下品」、「噁心」及「低俗」,更被形容為「像AV」。雖然SUNTORY公司已經馬上停止播放相關廣告,但眼明手快的網民早就將廣告留底並上載到YouTube,到底內容像不像AV?自己看就最清楚:     在主題為「絕頂美味的出差」啤酒廣告裡,六位分別來自北海道、東京、神奈川、愛知篇、大阪、福岡篇的女生一邊品嚐道地美食,一邊以當地方言交談,她們的表情及語氣亦表現得相當享受啤酒及食物的美味。六位出鏡女性原來都是人氣的寫真model,美女們再配上「出了滿滿的肉汁」等台詞以及最後以不尋常的高音大呼「爽啊~~」的擬態詞「コックぅ~ん」,令觀眾認為廣告含意淫成分。
06
Jul 17
01:30
新聞

抽到乾晒! AC JAPAN廣告 怒抽鍵盤戰士大獲好評

今時今日抽水、食花生文化盛行,總之「有水就抽咗先算」呢家野真係世界大同。好似日本就經常都會見到「炎上」一詞。總之無論邊個發生咩事,都總有機會畀其他網友開罵開火再開砲。 針對環保、校園霸凌、幼教或其他社會議題廣泛活動嘅民間社團法人「AC Japan」……其實咩係「AC Japan」呢? 其實呢個機構都已經有幾十年歷史,而且單係企業會員已經過千,由NHK到各大傳媒,再到廣告公司都有。 佢哋主要係負責緊急提供一啲「公益性內容」畀旗下會員可以江湖救急「攝位」。例如: 突發事件引致節目時間有大幅調動。 直播時播放器材等故障 贊助商臨時抽起預算做成空檔 冇廣告 不過AC Japan嘅廣告就真係一啲都唔馬虎。好似最近佢哋以下呢個「苦情殺到!桃太郎」廣告,就搏得網友一致認同同讚好! 故事開始同普通桃太郎故事冇咩分別,直至婆婆發現個桃沿住條河飄埋去佢度,就出事啦! 網上瞬間因為佢執走個桃而「炎上」: 「這是盜竊吧W」 「小朋友有樣學樣點算?」 「報咗警未?」 「唔交畀警察?」 「有冇考慮過個桃嘅感受?」 「報警啦!」 「佢老公好似上山斬柴喎」 「炎上案件嚟啦!!」 「佢有冇玩SNS?」 「個桃係好似幾好味嘅」 「個桃好可憐」 「呢啲CASE坐幾多碌?」 「睇背景可能睇得出佢
11
Jun 17
23:31
博客

日本新生代暖男竹內涼真 4款造型攻陷年上系女性!

*UPDATE 2017年7月11日* Menard嘅網上投票已經圓滿結束,結果由成熟系暖男「大人Beauness君」以高票數、61.5%支持率榮獲第一位!第二位就係同意系暖男,不過已經被大幅拋離,有21.5%嘅票數。第三位同第四位分別係熱血系同理科系。今次嘅投票總票數有成245,478票,而第一位嘅廣告亦會於7月10日至8月15日起於電視播出。 為了紀念大人Beauness君勝出,官方YouTube Channel已經上載咗拍攝花絮。另外因為今次投票人數眾多,官方話會考慮秋天嘅時候將其他嘅廣告都擺係電視播添! -------------------------------------------------------------- 曾演過假面騎士Drive嘅新世代演員竹內涼真身材高大卻有溫柔嘅外表,令佢最近喺年上姐姐界非常受歡迎!最近佢就被化妝品牌Menard相中拍攝一系列廣告,將旗下嘅化妝水擬人化,一共有四個造型,代表著四個唔同性格嘅Beauness君!一齊睇下佢點演繹呢四個唔同性格但都係關心女主角嘅暖男啦! (上Like Japan Facebook有中文字幕短片睇!) 成熟系暖男:   理科系暖男:   熱血系暖男:   同意系暖男:  
12
Apr 17
20:15
博客

完美捕捉新垣結衣最美一面 歷代雪肌精CM系列

新垣結衣身為最炙手可熱嘅日本女藝人,年中都拍唔少廣告。不過睇結衣BB咁多廣告,真心覺得雪肌精嘅廣告拍得佢最靚,最自然!佢由2012年開始已經係雪肌精嘅代言人,每次拍廣告都係大天使級嘅可愛同清新!今日同大家重溫番佢歷年來一啲最精彩嘅雪肌精CM等大家慢慢回味啦~~(睇見都覺得治癒呀~~) 2017年最新廣告(4月)女神哼歌篇 2017年1月 可愛許願篇 2016年9月 女神與貓篇 2016年5月 白色CC Cream篇 2016年6月 女神洗臉篇 2015年6月 雪肌精30週年:女神素顏篇 2015年4月 女神曬太陽篇 2014年3月 女神超可愛等人防曬篇 2013年 同超多表情女神一齊漫步公園篇
31
Mar 17
19:38
博客

石原聰美化身可愛水手帶你遊浦安魚市場!

2017年石原聰美繼續帶大家坐東京地鐵好悅目發掘新奇好去處!今次就搭東西線去到浦安市,不過唔係嚟Disney,而係去食新鮮海鮮同捕魚!另外,大家有冇覺得BGM把聲好熟?今次係由小林武史製作,邀請咗中島美嘉同Salyu合作為廣告演唱廣告歌「Happy Life」~ 今次小惡魔石原聰美著住開肩水手風服裝帶大家嚟到位於海邊嘅浦安,呢度唔單止有歡迎大家光臨嘅魚市場,仲可以喺東京灣體驗搭船釣魚(吉野屋),仲可以食到呢度嘅名物:蛤蜊串燒! ▲女神個吃貨樣真係好幸福咁~~ 一如既往,Find My Tokyo廣告系列YouTube都有得睇石原唔同嘅小挑戰影片。 首先係喺離浦安站步行三分鐘,去浦安魚市場入面揀條好魚~~ 石原仲畀大家三個tips揀條好魚:1)有鮮艷色澤 2)魚身發漲 3)魚目係黑黑實實 浦安魚市場 地址:千葉県浦安市北栄1-10-20 電話:047-351-4171 營業時間:4:00~12:00 ※也有部分店鋪午後繼續營業
28
Mar 17
20:24
新聞

為宣傳《逃恥》去到幾盡 四大報齊登全頁抱抱照宣傳DVD

#星期二是抱抱日
不得了!人氣高日劇出手就係唔同啲。話說聽日起日本會開始推出新垣結衣同星野源主演嘅超人氣日劇《逃避雖可恥但有用》嘅DVD,而今日日本四大報紙一齊刊登全頁廣告,仲要全部唔同Design,認真巴閉! 有睇開嘅都知戲中飾演合約夫婦嘅結衣BB同星野源定咗每個禮拜二為「抱抱日」,今次4幅廣告都係以抱抱為主題!好有愛呀~~~ 四大報分別為:每日新聞、讀賣新聞、朝日新聞、日經 每日新聞: 讀賣新聞: 朝日新聞: 日經: 官方IG仲要出咗新圖,而一眾hashtag嘅最後兩個hashtag係「春假一口氣連續睇」同埋「然後」,個「然後」之後就冇打字喇,令一眾觀眾粉絲想入非非,唔知係咪會有續~~~篇~~~(冇續集都一定有SP啦下話)