幪面超人
22
Jul 16
01:57
新聞

MK造型新拉打? 幪面超人EX-AID登場!

近年嘅幪面超人造型同主題都愈黎愈兒童向,最近官方公佈咗新拉打嘅造型       新拉打會名為「幪面超人EX-AID」(仮面ライダーEX-AID),會用遊戲機做主題,大家可以留意到新拉打既心口好似打機嘅控制器咁   呢個新拉打造型一出,都係劣評居多,有人話主角顏色似巴斯光年,有人話好似潮童,唔知大家又點睇呢? 不過各位又唔駛咁快負評住,可能故仔好好呢~新拉打將會喺10月02日於朝日電視台放映。
24
Mar 16
19:40
新聞

70歲藤岡弘點做幪面超人?

日本3月26日就上《仮面ライダー1号》(幪面超人一號)電影版喇,當中最觸目當然係主角藤岡弘啦。 話晒係第一代元祖拉打,仲自幼習武,識柔道同空手道添!   不過話晒都年紀唔輕,啱啱過咗70歲,不過電影入面佢都仲有唔少動作場面!   佢最近就透露咗佢自己嘅鍛練方法 起身300下掌上壓 做嘢休息個陣拎住10kg啞鈴做訓練 臨訓又300下掌上壓   有冇令你諗起一拳超人?   不過藤岡弘就冇好似崎玉咁甩頭髮,仲好濃密!   電影預告:  
23
Jun 16
23:38
新聞

A BATHING APE x 幪面超人 45週年紀念服飾

尋日先講完GU x 幪面超人45週年服飾,今日A BATHING APE都發佈咗同幪面超人45週年嘅聯乘系列!   服飾將會喺7月2日發售,除咗T恤仲有外套,即刻睇下有冇款中!     詳
22
Jun 16
20:05
新聞

拉打迷必掃!GU拉打45週年紀念TEE!

今年係幪面超人(仮面ライダーシリーズ)放映45週年,除咗有電影上映之外,當然仲有唔少商品發售啦,上星期行過日本GU,就見到唔少拉打45週年嘅紀念產品!   一行入去就見到呢個招牌:仮面ライダーシリーズ x GU x 5Creators   其實呢個系列係搵咗5個日本設計師同畫家去設計呢一批拉打T恤,5種唔同嘅風格有啲係水彩有啲係平面設計,fans實有款中。   T恤設計都係用返昭和年代嘅人物為主,即係一號啊、榮光之七人、black甚至係嘰嘰兵等等,老鬼實鍾意。   好似呢件水彩black真係好有型,不過啲字型就爭啲 最緊要係價錢一啲都唔貴,790yen一件,買得多仲有折,買兩件平200yen,買三件平400yen,四件就平600yen 買四件嘅話真係每件50蚊都唔駛!   除咗T恤,仲有一系列家居衫同內褲,內褲就490yen一條,家居衫一set就要1490yen (會員價1290yen)
14
May 17
23:55
博客

昭和幪面超人 邊個係你童年回憶?

今次為大家介紹一下昭和幪面超人。動作同故事自然無後來嘅平成幪面超人咁多花款,不過以熱血程度計,真係一啲都唔輸蝕!   1971年:幪面超人1號 1971年,首套《幪面超人》系列正式開播,《幪面超人》嘅長遠歷史正式展開。主角係一位頭腦聰明,運動又叻嘅青年科學家——本鄉猛(洪大龍),練緊電單車嘅時候畀撒旦幫襲擊,捉咗返去研究所,仲畀佢地嘅科學家改造成改造人。當佢同恩師綠川博士一齊由研究所逃脫嘅時候,本鄉猛變身成為幪面超人1號,開始佢同撒旦幫漫長嘅戰鬥。全98集,係《幪面超人》系列最長嘅作品。   1973年:幪面超人V3 緊接《幪面超人》播放嘅第2部作品,故事亦延續自《幪面超人》,主角風見志郎(洪天馬)畀「毒蠍幫」殺全家,喺自己亦都就畀佢地派出嘅怪人殺死時,一號同二號一齊救咗佢。於是風見志郎就求佢地兩個將自己改造成同佢地一樣嘅改造人。本來2人一直反對,直至風見志郎為咗救佢地2個喺毒蠍幫嘅研究所畀改造人破壞光線打中而身受重傷,為咗幫佢保命而將佢改造成幪面超人V3。特別值得一提,當中後期先出現嘅盟友怪金剛英勇表現相信好多人都仲會記得,V3更稱佢為幪面超人4號。
07
Apr 17
22:18
博客

平成幪面超人 邊個係你童年回憶?

幪面超人由昭和到平成加加埋埋有成幾十人,由1971年到而家,都真係陪住幾代人成長,亦經歷唔少嘅轉變。由當年簡簡單單,一條腰帶,就咁幾個動作,就已經變身完成。不過去到平成,唔單止變身愈來愈複雜,由變身道具到武器,甚至套幪面超人都愈來愈多!   而家即刻同大家快速睇睇平成早期到底出咗幾多套『幪面超人』嘅電視作品!   2000年-幪面超人古迦 佢喺自1988年《幪面超人BLACK RX》結束後,首套再次於電上播放既幪面超人作品,亦都係平成幪面超人系列既首套作品。主角五代雄介自稱為探險家,在極偶然既情況下裝上了古代遺物腰帶,變身成戰士「古迦」自古代生物中保護人類… 五代雄介(小田切讓飾演) 當年ATV搵咗張崇基唱廣東話版主題曲   2001年-幪面超人亞極陀 平成系列既第2套作品。故事為《古迦》兩年後,「不明生命體」開始接連襲擊人類,失去記憶既青年津上翔一,憑本能變身成「幪面超人亞極陀」將來襲嘅「不明生命體」擊倒。除了主角幪面超人外,這是平成首次有反派幪面超人(GILLS)以及機甲服型幪面超人(G-3)登場。