布甸
04
Apr 16
19:48
新聞

布甸狗20週年慶祝活動登陸渋谷!

  為慶祝布甸狗20週年,繼上次係新宿駅展出多隻軟綿綿嘅布甸狗之外,今次就輪到渋谷!   今次布甸狗除左表情,仲有多款唔同嘅造型!好想同晒咁多隻影相呀   現場仲設有電影播放布甸狗嘅片段,夠晒豐富!得一個禮拜咋,係日本嘅你地唔好錯過啦!   期間:2016年4月4日(月)~4月10日(日) 場所:京王渋谷駅改札外2F中央大廳      
18
Oct 16
21:52
博客

【食乜好】5大東京必食正到痺布甸

日本啲布甸點解可以做到咁靚咁誘人,就連便利店嗰啲都好鬼好味,軟綿綿嘅口感、香濃嘅雞蛋香,一入口勁幸福嘅感覺,諗起又好想食啦......如果你同我一樣都勁鍾意食日本嘅布甸,快啲mark低下面呢5間,就算日頭冇時間食都一定要買返酒店慢慢歎,唔試真係一定會後悔!   1. TestaRossa Cafe     呢間Cafe嘅絲綢布甸勁出名,選用咗奶味較濃嘅牛奶同茨城産嘅新鮮雞蛋,加埋來自北海道嘅鮮忌廉,先可以做到個布甸嘅口感好似絲綢咁幼滑。一啖挖到底連埋帶有少少苦味嘅焦糖放入口,甜中帶苦,好味到一啖接一啖咁不停食,唔覺唔覺就好快食哂一樽......   舖頭入面嘅布甸已經好香濃好好味,呢個「Premium Silk」味道更濃,因為用咗2倍嘅雲呢拿豆去整,仲只係用蛋黃唔加蛋白,令到個布甸有勁香濃嘅雲呢拿味同雞蛋味!不過呢個布甸屬於期間限定,唔係咁易食到,所以見到有得買就千祈唔好錯過!   布甸一共有9種味,除咗原味而家有得食黑芝麻、焦糖、抹茶、草莓、芝士同咖啡,推介一定要食原味,咁先食得出個布甸原本嘅味道。  
18
Oct 16
23:46
博客

【食乜好】去北海道食布甸放題!

布甸都有放題,係咪好神奇呢,日本人真係好有諗頭,為咗可以畀布甸迷一次過試哂唔同款嘅布甸,特登整咗呢個平日限定嘅布甸放題,對於勁鍾意食布甸嘅布甸迷嚟講真係超幸福啊!   呢間可以食到布甸放題嘅cafe「Santa Cream」位於北海道江別市,由大麻站行過去大概1分鐘倒,都幾方便。     間舖頭相當易認,紅當當嘅外牆遠遠就見到!呢度其實係一間照相館,為咗客人等影相嗰陣唔會等得太悶,特登開設咗呢間cafe畀客人慢慢坐,邊食邊等,好貼心。     間舖頭叫Santa Cream,唔怪得裝修咁有聖誕氣氛。     呢個布甸放題係平日限定,即係星期六日同公眾假期去係唔會食到嘅,大家要留意設。唔好以為放題佢地就會畀cheap野你食,menu嘅布甸個個都過¥300,有啲淨係睇個樣都覺得高級!     個放題由下奏3點開始入場,6點就完,當中你會有1個鐘可以不停咁食,不過開始食之前係要同店員講你要邊種食法。Set A ¥1,200包一杯茶、咖啡或橙汁;Set B ¥1,400
07
Mar 16
18:29
新聞

布甸狗誕生20週年慶祝活動

  為慶祝布甸狗Pom Pom Purin今年誕生20週年,SANRIO將會推出唔同嘅慶祝活動! 其中一樣首先就係東京METRO丸の内線新宿駅放左11款唔同表情造型嘅布甸狗比大家影相攬攬~ 11隻布甸狗全部高110CM,而且全部都軟腍腍,真係好可愛,好療癒呀,我都好想攬下佢呀 只係係3月7日-13日期間限定推出咋!!布甸狗FANS真係唔好錯過!   詳情: 場所:東京METRO丸の内線新宿駅(B1F)新宿駅 構内図 期間:3月7日(月)〜3月13日(日) 時間:6:00〜23:00               資料來源:http://www.sanrio.co.jp/news/pn-dakitsuki-shinjuku-20160307/?utm
18
Oct 16
18:15
新聞

布甸狗電車期間限定登場!今日起渋谷見!

為慶祝布甸狗20周年,嚟緊10月18日至11月1日期間會喺渋谷設置一台布甸狗列車俾大家任影唔嬲。     除咗招牌嘅黃色車身之外,裡裡外外都佈滿布甸狗公仔同裝飾,仲身穿Halloween裝做埋大家嘅車長?!     地址:渋谷・ハチ公前広場 期間:2016年10月18日(火)〜11月1日(火) 時間:10:00~20:00  
12
Dec 16
18:36
新聞

【OMG!7仔又有新作!】「草莓忌廉牛奶布甸」華麗登場!

  日本7仔啲甜品使唔使出得咁快,就嚟跟唔上佢地嘅步伐啦!   今次呢個全新登場嘅「草莓忌廉牛奶布甸」一定係相機食先,睇佢最頂層以完美角度唧出嚟嘅草莓忌廉蛋白塔加埋啲七彩繽紛嘅朱古力糖, 少女們仲唔即刻變心心眼!   因為個忌廉蛋白塔加咗草莓醬去整,所以除咗呈現柔柔嘅粉紅色之外,亦隱隱地散發住微微嘅草莓味,酸酸地甜甜地,配襯底層嫩滑嘅牛奶布甸,成件事又好似幾夾。   苺クリむみるくぷりん 發售日期:12月13日~ 發售地點:日本各大7-11 售價:¥270
04
Jul 16
23:01
新聞

第31屆 Sanrio人物大賞結果出爐

歷時2個月投票嘅Sanrio人物大賞最終排名終於喺7月2日出爐,投票數共得到超過7百70萬票,   首先公布咗綜合排名第100至11位先。 戴定頭盔先,我唔熟Sanrio嘅角色。呢100位入面好多角色我都未見過,有啲唔知原來係Sanrio旗下角色,好似Mr. Men Little Miss原來係Sanrio旗下嘅真係依家先知。   而TOP 10排名如下,比較多熟悉臉孔。 第10位 KUROMI 第9位 KIRIMIちゃん. 第8位 ShinganCrimsonZ 第7位 YOSHIKITTY 第6位 LITTLE TWIN STARS 第5位 HELLO KITTY
06
Mar 17
22:57
新聞

【日本7-11又出新甜品!】6款新品抹茶控非試不可!?

日本7仔周不時都會推唔同甜品,不過好似今次咁一次過推出6款抹茶甜品就真係比較少見!如果有抹茶控嚟緊會去日本,可能要晚晚都食一款先食得哂!   1. 宇治抹茶わらび ¥120 厚厚嘅抹茶粉下面係煙韌軟糯嘅mochi同滑一滑嘅宇治抹茶忌廉,中心仲包住流心黑蜜醬。   2. 宇治抹茶あずきロール ¥210 抹茶蛋糕捲住滿滿嘅抹茶忌廉,夾屠仲抹咗層薄薄嘅以北海道產紅豆製作嘅紅豆蓉,香而唔會覺得太甜。   3. とろ生食感ショコラ(宇治抹茶) ¥210 白朱古力加咗濃濃嘅抹茶味道,口感超細滑,抹茶香濃嘅程度猶如食緊極為杰身嘅抹茶醬!   4. 豆乳抹茶ぷりん ¥175 布甸以豆乳取代牛奶,味道更清淡同清新,加埋略帶苦澀嘅抹茶味,係一個食多幾啖都唔會覺得滯嘅甜品。   5. まっちゃもこ ¥130
07
Jul 16
02:42
新聞

勢掀課金潮 Sanrio推手遊與男高中生談戀愛

做咩呀!男仔鍾意Sanrio唔得咩! 冇錯,呢五個美男子係超級鍾意Sanrio嘅五位高中生「Sanrio男子」。分別鍾意Hello Kitty、Melody、布甸狗、肉桂狗同Little Twin Star。 其實如果有留意開Sanrio嘅話,都知呢隊組合推出咗一段時間,仲有自己嘅官方Twitter,其實係日本嘅Sanrio二次元愛好者粉絲中已經好有人氣。官方Twitter仲成日放圖討好粉絲,不過本系列就講明話嚴禁二次創作嘅。   Wallpaper仲可愛過我。   上個月,Sanrio男子突然嚟個聲優發表,姐係話呢班高中生係會講嘢!但個秘密計劃就無揭曉,而今日!終於都知道,原來Sanrio男子會推出手機戀愛遊戲!俗稱溝仔game嘅乙女遊戲!   事實上,雖然畫風同人設到唔錯,但我真係未接受到呢班靚仔鍾意咁可愛嘅卡通人物嘅事實。(非歧視,純粹未接受到lol)   有埋關係圖,但點解可以複雜到...   遊戲唔單止可以享受DOKI DOKI(讓人心跳加速)嘅校園戀愛生活,每個
20
Oct 16
18:52
博客

【買乜好】當布甸變成JAM?

布甸都可以做JAM?聽落好似好不可思義,但想像吓個味道同口感又好似合情合理,同好多野食都好夾。   呢種布甸JAM喺東京真係可以買到,仲好受歡迎添,好多日本人一試就迷上,鐘意用佢嚟搽餅乾、麵包、水果,甚至就咁挖嚟食,唔怪得個個都叫呢種JAM做萬能JAM啦~     布甸萬能JAM用典型嘅布甸樽裝,唔講真係會當係布甸咁買咗返去食!不過都冇咩所謂嘅,因為製作呢個JAM嘅材料同整布甸嘅材料都係差唔多,只係口感上JAM會比布甸稀啲啫~   呢隻JAM總共有紅茶布甸、濃厚原味布甸、帶甜味嘅布甸、同埋帶苦味嘅布甸4種,當中最受歡迎嘅係濃厚原味布甸,保存期平均有成8個月,大家可以買多啲返去做手信,不過一定要寄倉,因為我試過Hand carry係上唔到機㗎......   最大路嘅食法就係搽面包喇!   用餅乾點嚟食係好多日本女仔鐘意嘅食法,每一塊餅乾都可以點勁多布甸JAM,好過癮!   店入面可以布甸JAM連餅乾一set咁買,咁就唔使自己再四圍搵餅乾啦。   呢間有得賣布甸JA