岩手
09
Mar 17
02:49
博客

【自認大胃王必試!】 挑戰岩手名物「碗子蕎麥」

岩手縣有樣好得意嘅料理嘅叫「碗子蕎麥麵」,每個人閒閒地都會食到幾十碗,店員會不斷將細細碗嘅蕎麥麵倒入你個碗度,中途完全冇喘息嘅空間,食到頂唔順仲要同店員鬥快,喺佢將麵今入碗之前就要合埋個碗蓋,慢咗?咪食多碗囉~   就係呢間位於岩手縣盛岡市已經有110件歷史嘅蕎麥老舖「東家」啦!呢度嘅碗子蕎麥已經出名到全日本幾乎無人不知,到左夏天更加有係唔少學校修學旅行必到之點,成班人一齊鬥食得多,氣氛超熱鬧!   如果你都想喺咁安靜嘅環境下挑戰碗子蕎麥,咁就一定要揀平日嘅下午時段,但如果想感受吓熱鬧嘅戰鬥氣氛,就一定係星期六日嚟,一到假日呢度基本上坐無虛席!   店方通常中午前就會打好哂啲麵備用,高峰期店主真係會淥麵淥到冇停手,由朝淥到晚!   過冷河呢個步驟好重要,要做到彈牙效果,就係靠呢個step啦!   淥好嘅蕎麥麵會即刻放入每日新鮮製作嘅特製鰹魚醬汁入面稍稍調味,然後就會分開放入碗仔。由於醬汁味道比平時食嘅蕎麥汁稍濃,所以全程都要快手快腳,幾秒之內就已經要完成。
19
Dec 16
10:46
博客

光與天然的完美配合 東北自然奇景鐘乳「龍泉洞」

[冇雷公咁遠系列VOL.1!!]   每次去日本,唔係東京就係京阪神,最遠都係北陸,有時會唔會覺得有少少悶﹖如果你係有咁嘅諗法,不妨參考下[冇雷公咁遠系列!!]嘅介紹,或者你會得到新嘅答案啊!     今次要介紹嘅地方係位於東北嘅岩手縣(話明冇雷公咁遠嘛~)。以往去東北地區旅行,除非係自己租車,否則基本就只有坐JR去,不過以前由於只有最貴嘅「JR全國PASS」(大人7日2:9110日圓,14日:46390日圓,21日:59350日圓,兒童半價)係包東北地區,重要連續7日,真係又貴又唔方便。不過自從今年出咗「JR東日本鐵路周遊券」(海外售價 大人19000日圓,兒童 9500日圓)之後,換證後14日內可任選5日任坐JR,令到行程安排彈性咗好多,真係超級方便,而且東京(上野)去青森單程已經去咗16940日圓,隨時行程第一日已經回本。   JR東日本鐵路周遊券   好! 入正題!(而家先入!?) 今次介紹嘅就係位於東北岩手縣岩泉町嘅鐘乳洞「龍泉洞」,而與山口縣美禰市的秋芳洞及高知縣香美市的龍河洞並列日本三大鐘乳洞,秋芳洞排第一,龍泉洞則排第二。  
14
Oct 16
00:23
博客

全日本蒸氣火車乘坐攻略上編

之前都有人喺伸手區度問過,喺東京附近有無蒸氣火車可以坐 咁我就介紹近半年至一年内有得坐嘅SL(蒸氣火車)出黎 由日本北至南計,因為比較多,所以先介紹住一半先   JR北海道 SL冬の湿原号 用車喺小型蒸氣火車C11連結3卡客車及1卡咖啡館車 喺釧網本線嘅釧路駅~標茶駅間行駛。但喺下年1月至3月時間仲未出。 特別之處在於SL冬の湿原号會喺冬天駛過釧網濕原,中途會見到虎頭海雕、丹頂鶴同北海道梅花鹿等等,車上會有日文沿途介紹同送出乗車記念証書! http://www.jrhokkaido.co.jp/train/tr022_01.html   JR東日本 SL銀河 通常喺中型蒸氣火車C58連結4卡銀河柴油客車 喺釜石線嘅花巻駅~釜石駅間,毎年4月至10行駛。 特別之處在於SL銀河喺為咗喺東日本大地震後,為咗恢愎釜石線嘅観光而愎出 車外以銀河鐵道之夜作為車身圖案及花式,1號車車身喺天蝎座,2號車車身喺人馬座,3號車車身喺天鷹座,4號車車身喺天鵝座,而1號車内有天象儀,會播放宮沢賢治喺銀河鐵道之夜入面嘅宇宙,仲有其他作品如下:   エクステリア・インテリアデザイン: KEN OKUYAMA DESIGN  奥山清行   沿線や東北ゆかりの品々の展示: ファッションジャーナリスト  生駒芳子