山下智久
08
Apr 16
01:17
新聞

日本神準測驗!10秒測出你人生中最重要嘅三個人!

風水佬呃你十年八年,但係以下呢個圖,絕對無呃你! 好似係,除非唔係! 唔信!?有圖有真相!   最先睇到嘅三個名就係你人生中最重要嘅三個人!!!!! 不過,亦有可能係三樣野!!!!!   10秒時間!唔准諗!即刻答! START!!!     我睇到嘅係……   山下智久! (神準!當年,為咗睇佢演唱會,通頂訓街排con票!!!)   中丸雄一! (天呀!點解!?難忘同佢係機場講byebye!)   錦戶亮! (呀!真係好準!小亮呀!呀呀呀!我要暴走喇喇喇!!!)   我覺得真係堅準!因為三個我都好有愛!都係好重要嘅男人!(掩面)   你呢?你呢?你睇到嘅係咩呀? 快d話我知!話我知!  
12
May 17
03:08
新聞

山下智久 x 石原聰美 被爆進入半同居狀態!

日本頂尖級男神女神、山下智久同石原聰美嘅緋聞都傳咗一年,上年9月已經被爆兩位嘅家居密會,上個月又影到石原搭的士去參加慶祝山P嘅生日派對。不過今期日本八卦雜誌更加影到山下智久多次出入石原嘅香閨,內容更指二人已經係半同居狀態! 《FRIDAY》拍到山P搭的士前往石原香閨。 落車後山P全程以袋遮面,貌似怕被媒體認出。 根據《FRIDAY》報導 ,石原上月底已經有公司安排嘅保母車接送前往山P屋企約會。之後連續2天,就輪到山P去石原屋企約會。而石原嘅戀情睇嚟都受到公司認可。不過兩位事業都如日中天,唔知結婚要等幾耐呢~~ 資料來源:《FRIDAY》
20
Oct 16
02:56
新聞

石原聰美 山下智久 超認真交往家居密會

超級小惡魔女神石原聰美舊年同Johnny’s男神山下智久一齊拍月9檔《朝5晚9》飾演情侶,戲入面亦有唔少親密鏡頭。其實日本狗仔隊就傳咗兩位嘅緋聞都一段時間,不過今日八卦雜誌《女性Seven》又有新料喎!   據報山下智久出席完位於大阪嘅Kinki Kids演唱會後坐新幹線回到東京,一落車就即刻轉私家車前往石原聰美嘅屋企。日本狗仔隊就話兩位只會乘搭相熟人士開嘅私家車,從來唔搭的士,而且只會去雙方嘅屋企約會,喺非常非常保密嘅做法,睇得出兩位都好保護戀情,亦對戀情非常認真㖭!今年5月,《女性Seven》同樣發現山下智久喺自己屋企開party邀請咗石原,呢段關係先開始引起關注。   兩位戀情從拍劇時已經傳出,當時指山下智久力追石原。   其實石原同一齊合作嘅男星傳緋聞係家常便飯...分別被報導過同瀧澤秀明、佐藤健、三代目J Soul Brothers嘅岩田剛典去約會,亦同小栗旬、長谷川博己好親近。至於石原同山下,兩位而家都係事業高峯期,加上山下係J家嘅藝人,睇嚟短期內都唔會有任何意外發展呢~   兩位喺劇中嘅濃情一吻非常深刻,連富士電視台都話會成為富士月9嘅歷史。   資料來源:
10
Mar 17
10:02
新聞

山下智久、新垣結衣、戶田惠梨香三劍再次合壁拍Code Blue 3!

山下智久、新垣結衣及戶田惠梨香已落實將出演富士電視台7月夏季日劇《Code Blue》第三季!今次係呢套人氣醫療劇集事隔7年復活,再加上三位人氣已經上晒神檯,相信將會成為富士月9收視努力翻身之作! 山下智久將會係第5次主演富士電視台嘅月9日劇,亦係歷年嚟主演最多月9嘅第三位。劇中5位飾演實習醫生嘅班底包括淺利陽介以及比嘉愛未都落實演出,佢實在感到非常興奮可以再次以同呢個班底合作,會全情投入拍攝,希望大家留意佢哋嘅成長。 《Code Blue》講述5個搭乘直升機為人急救嘅實習飛行醫生受訓嘅故事。2008年7月播出第一彈嘅時候平均收視有15.9%,當時仲未係月9劇。2010年1月正式升格成月9嘅第二季同樣有良好成績,平均收視達16以上。 (話說今季嘅《雖然很突然,明天要結婚》只得6點幾,成為歷史上收視率最低嘅月9,情況都真係幾令人擔憂...) 製作組話今次第三季將描繪5位已經技術獨當一面嘅主角如何訓練後輩,而時間方面將會同現實一樣,訴說前作7年後嘅事。 可以同時睇兩大女神
25
Nov 16
06:06
新聞

石原聰美有機會與山下智久年內「30歲電擊結婚」!?

上次同大家報導咗石原聰美同山下智久傳出同居「超認真交往家居密會」,今次就有《日刊大眾》報導石原聰美有機會於今年12月24日嘅30歲生日同山下智久電擊結婚喎!係真唔係呀!?   睇真啲個報導,就話山下智久雖屬於對旗下藝人結婚、交往超嚴謹嘅J家事務所,但由於最近SMAP解散騷動爆發,而山下智久同屬SMAP嘅前經理人飯島(詳情:SMAP解散騷動),所以如果唔畀佢結婚,佢有機會跟SMAP一齊離開J家!加上佢自從同石原拍完戲之後都冇再有新嘅電視劇作品,所以而家簡直係趁事務所立立亂嘅時候準備結婚嘅好時機!   不過,有電視臺相關人員就指出山下智久曾經同Johnny桑宣誓忠誠話唔會有任何獨立發展意向,所以就覺得佢唔會選擇結婚住。反而係,因為石原前排上綜藝節目話自己30歲前想做啲咩嘅時候,因為佢講話自己最近都開始咗學習看護嘅工作,令人猜測佢係咪已經鋪定後路如果人氣滑落可以有啲細藝。話說2010年佢被爆與電影攝影師同居,令工作減至得返一個波子機嘅廣告。到底而家紅
12
May 16
02:21
博客

[5招成為人氣王]日本最紅話題人物-糖果系男孩Ryuchell りゅうちぇる

要數日本最近最熱門嘅話題人物,就係呢個風靡日本綜藝節目,最近係電視見佢分分鐘多過你見啊媽嘅Ryuchell!     可能你都會好似我咁,第一眼睇完全唔明佢到底紅啲乜...驟眼睇根本只係個會化妝(仲要係宿醉妝)同埋着得好鮮艷好原宿嘅男仔。但點解Ryuchell會深得日本上下妹妹仔歡心(佢仲要有女朋友架喎),紅到最近瘋狂上綜藝節目成為家傳戶曉嘅人呢?等我同大家分析吓啦!   《Ryuchell 小百科》 真名:比嘉龍二(Higa Ryuji) 血統:1/4美國血統(爸爸是美日混血兒,媽媽是日本人) 生日:1995年9月29日(20歲) 出身地:日本南部一個非「都道府縣」嘅地方:Chel Chel Landちぇるちぇるランド (What?) 身高:172cm 喜好:卡拉OK 特技:服飾配搭、滾軸溜冰 職業:服飾店店員、模特兒   爆紅原因大解構!人氣高企原因係...   1)鮮明同印象深刻嘅人物設定 Ryuchell頭頂金毛帶80年代運動型毛巾hairband、愛穿美式復古但顏色鮮豔嘅衫同鍾意化妝,咁鮮明嘅style梗係出眾過螢火蟲啦!之前KAT-TUN嘅上田龍也仲搵Ryuchell過兩招改變其兇神惡煞嘅形象,雖然我唔係好接受到,但得到一致好評呀~
12
Feb 16
18:25
博客

[那些年,我們一起聽過的日文歌] 明日晴れるかな(明天會放晴嗎)

[那些年,我們一起聽過的日文歌] 今晚,為大家介紹既歌係,桑田佳祐既<<明日晴れるかな(明天會放晴嗎)>>。 俾張相你睇,應該知係邊套日劇既主題曲喇掛? 知道係邊套日劇嘛? 無錯,就係由山下智久同長澤正美主演既<<求婚大作戰>>! 直到而家,有唔少巴打都成日同我講… 想好似劇中既山下智久咁回到過去,因為好後悔當日無向自己中意既女仔表白。 亦有絲打同我講… 話諗返起讀書果時…曾經有個唔爭氣既男同學一直唔敢表白… 同大家分享幾句好到肉既歌詞…… 「これ以上もとには戻れない」 「泣きたい時は泣きなよ」 「これが運命でしょうか? あきらめようか?」 「微笑みよ もう一度だけ」 「嘆くようなフリ 残るのは後悔だけ!」
02
Feb 16
00:27
博客

撞面明星大比拼

有巴打留言俾我話咩「你的樣子如何,你的日子也必如何」喎。 咁我地不如睇下撞面既明星藝人有幾似樣~星途又係咪一樣~~~ 木村拓哉 VS 蔡貝思   最近夜晚9點半都做個套交通警,晚晚都見到木村…… 呀!係蔡貝思先岩! 木村既一哥地位就唔洗講啦,蔡貝思就選到港姐,唔知30年後仲見唔見到佢拍劇呢? 二宮和也 VS 關智斌 呢一pair可能比較少人講,但真係覺得幾似,可能因為佢地真係草食系男孩吧~ Nino呢幾年不停拍劇拍電影,佢既演技有目共睹。 而Kenny就返內地拍劇,都幾受歡迎架。 八乙女光 VS 張致恆 講起Kenny,就梗係講埋張……張敬軒!今次唔係!今次係講張致恆! 話說,當年有朋友追Boy'z,又係中意Ya-Ya-yah,於是拎住本日本雜誌俾Steven睇。 當時Steven仲講笑話八乙女光係佢失散多年既兄弟。 山下智久 VS 呂頌賢 之前D人話山P同林宥嘉似樣,我就覺得同呂頌賢似樣D喇!起碼兩個都係肌肉男! 山P就之前拍劇扮和尚,而呂頌賢就近年返內地拍劇,即使年近半百,但依然魅力不凡! 相信再過多20年後,山P都係一樣咁令仔架!!! 田口淳之介 VS 黃又南
24
Feb 17
20:06
博客

2017年春季日劇資料大全~(4/12更新)

4月 週一 貴族探偵 (貴族偵探) 圖片來源:http://t-drama.com/archives/1055 電視台:富士電視台 播放時間:21:00〜 開播日期:4月17日 演員:相葉雅紀,武井咲,生瀬勝久,中山美穂,仲間由紀惠 劇本:黒岩勉 原作:麻耶雄嵩「貴族探偵シリーズ」   週二 CRISIS 公安機動捜査隊特捜班 (CRISIS 公安機動搜查隊特搜班) 圖片來源:www.punchline.asia
24
Feb 17
20:29
博客

邊個最Man?「一番男前」J家男星排行榜!

J家藝人靚仔多就係人都知,但云云型男帥哥入面唔好講話年紀,就算係大家走嘅路線都非常唔同~今次日本調查網站Goo就共500名男女網友黎投票選出佢哋覺得最Man嘅J家男藝人,一齊睇下你嘅心水有冇上榜啦! 小補充:根據「語源由来辞典」、男前嘅意思即係「男らしい顔つきや態度。男振りのよいこと。」如果話一個人靚仔英俊通常就會用イケメン,但男前嘅意思除咗話一個男仔個樣較man之外,比較貼近形容一個人「有男子氣概」。此文章都係用後者嘅含意。 1)岡田准一(V6) 榮登第一位嘅係V6嘅人氣成員兼實力男優岡田准一! 由出道當時開始便因深刻輪廓嘅型男面孔迷倒一眾粉絲。近年來專注影視活動,拎過幾次最佳男主角嘅佢係J家藝人較出名好演技嘅男藝人。眼大鼻高再加上爽朗笑容,而隨年齡增長更加開始散發男性嘅色氣,事業有成又靚仔,雖然身高差少少但卻擊敗同門其他型男獲得第一位! 2)長瀬智也(TOKIO) 身為TOKIO主唱嘅長瀨智也身高超過1米8,有一副啱啱好嘅好身材同非常野性嘅外表~日本人形容佢為「女仔會覺得好靚仔、男仔會覺得好有型」。出演過唔少經典劇集嘅佢又唱得又搞笑得,仲曾經同一代歌姬濱崎步拍過拖,紋埋情侶紋身都叫幾傳奇!今年38歲嘅佢亦擊敗後