富士急
29
Apr 17
01:42
博客

富士急極快過山車改名為「ド‧ドドンパ」復活!

富士急高原樂園嘅「ドドンパ」極快過山車復活! 2016年10月停止運作嘅「ドドンパ」過山車將會改名為「ド‧ドドンパ」以更快速度登場~ 2001年12月開幕「ドドンパ」只需1.8秒就能將速度由0加速至時速172km高速運行,今次佢地停止運作嘅理由係「追求更快」,喺世界記錄保持“世界第一加速力”。最新消息2017年7月15日將會重開,今次係以1.8秒由0加速至時速180km高速運行,而且有直徑39.7m世界最大嘅過山車迴旋圈,仲打入左世界記錄添! 舊「ドドンパ」 全新「ド‧ドドンパ」 【詳細】 「ド‧ドドンパ」 開幕預定:2017年7月15日 全長:1,244m(舊ドドンパ1,189m) 迴旋圈高度:由地面計起約49m 迴旋圈直徑:39.7m 可載人數:8人 制限:10歳以上、身高130cm以上 價錢:1,000円 ※可用pass 地址:山梨県富士吉田市新西原5-6-1 https://www.fujiq.jp/
28
Apr 17
21:52
新聞

期間限定!富士急高“火”車?!

富士急高原樂園於4月29日至5月7日期間,舉行「フジQ Hee(ヒー)ランド」event,其中最注目係呢個將「高飛車」變成「高“火”車」嘅剌激機動遊戲!「高“火”車」真係有火噴出!車去到最高點時,前面會噴出約5m嘅巨大火柱!!Σ(*゚д゚ノ)ノ 另外仲有進撃的巨人動感影像體驗「進撃の巨人 THE RIDE~トロスト区奪還作戦~」 餐廳都有驚喜 金沢咖喱店同「ゴーゴーカレー」合作推出咖喱,園內有得收集印仔,收集嘅印仔喺食咖喱嘅時侯可以換1 種配料 園內到處有「ゴーゴーカレー」嘅logo~ 可以買埋期間限定手信~ 期間:2017年4月29日~5月7日 地址:山梨県富士吉田市新西原5-6-1 https://www.fujiq.jp/ 入場費:大人1,500 yen/小童 900yen Pass:大人 5,700 yen/中學生 5,200 yen/小童 4,300 yen
20
Mar 17
19:49
新聞

【富士急巨人來襲!】「進撃の巨人園區」4/22 震撼登場!

唔止得大阪USJ有《進擊的巨人》嘅主題園區,由4月20日至2018年5月6日連富士急Highland都有得玩啦!雖然「進擊的巨人×富士急Highland」呢個園區係只開放一年左右,但入面嘅新設施大部份都係意料之內地刺激,絕對唔係只有幾個影相位咁簡單!   4大必睇必玩焦點!   1. 進撃の巨人 THE RIDE トロスト区奪還作戦 ¥1,000   如果唔係好玩得超刺激嘅機動遊戲,又想親身感受吓臨場嘅震撼同刺激感,呢個視覺體感型嘅「進撃の巨人 THE RIDE」就啱哂(簡單啲講即係3D影院)!玩家只要坐喺專為飛行訓練而經過精密設計嘅特製座椅上,前方高達20米嘅半球形大銀幕就會帶你周圍飛對抗巨人,配合強勁嘅音響,10個有8個都會不期然地伸長對手係咁擋!   同館仲可以玩埋喺富士山高空飛翔嘅「富士飛行社」,但要留意返「富士飛行社」同「進撃の巨人 THE RIDE」身高都必須最少達110cm以上自玩得。   2. 360°VRシアター“哮”(こう) ¥600   而家度度都話有得玩VR Game,呢度當然亦有得玩!戴上VR Box之後玩家即瞬間進入進擊的巨人嘅世界,感受360°嘅浮遊感同被巨人追殺嘅恐怖感,玩到手心都出哂汗!
07
Jul 16
19:09
新聞

富士急最新驚險遊樂設施登場!

日本富士急樂園推出全新遊樂設施「テンテコマイ」。     遊戲概念源自天空中嘅雀仔,你會喺離地32米嘅高空上面旋轉飛翔。     遊戲將於7月16日正式啟用。到時真係「呀下~~~我要飛往天上~~」   但留意返,要身高130cm以上同60歲以下先可以玩㗎!     【富士急ハイランド】 地址:山梨県富士吉田市新西原5丁目6−1 官網:http://www.fujiq.jp/index.html?mode=pc 詳細收費詳情請參考官方網站
24
Mar 16
00:52
博客

富士急樂園 EVANGELION:WORLD

我細細個就睇 EVA 嫁喇!今次就去咗富士急嘅 Evangelion: World 朝勝! 去富士急個路途真喺好遠… 選擇坐捷運去喺錯誤嘅選擇   方法一:池袋搭 JR中央本線至大月駅>富士急行線,全程用咗差唔多三小時! 方法二:新宿西口バスターミナル(Shinjuku Highway Bus Terminal) 乘高速巴士直達富士急ハイランド駅,相信呢個高速巴士應該會更快。 (但喺要留意巴士車票,可能需要早一日買定!)   好喇,坐咗三個鐘,去到富士急食埋個午餐,就去 Eva 館喇~   如果唔喺買通行票(5,200 日圓),而只係買入園票(1,400 日圓) 就要再另外買 Eva 館嘅入場卷:800日圓   地圖:呢個館喺無固定路線,鐘意去睇咩先都得   唔講咁多,入到 PROLOGUE 就見到初號機!一嚟就 show 把朗基努斯長槍比個下馬威我地~   跟住就去到 SEELE MONOLITH ,重現碇司令同 SEELE 開會場景 枱面