富士
08
Sep 17
01:20
博客

【賞花懶人包】日本全年花季 總整理!

每年大家都期待日本櫻花盛開的日子吧!其實日本四季分明,地勢由東北向西南延伸,各區自然有唔同嘅季節花卉,值得一賞嘅又點止櫻花一種呢?我哋就根據日本網站資料,幫大家整理出日本嘅全年花季,方便大家隨時查閱賞花情報! 日本嘅花種咁多,我哋就揀出咗7種花卉,按月份整理出全年花季。   1. 富士芝櫻 (4月中至5月底) 芝櫻喺北美洲傳入嘅品種,一般有白、粉、紅、紫等顏色。而日本首都圈中最大級嘅芝櫻會場就喺富士山芝櫻祭啦!每年4月中旬起,富士山山腳下就會開滿芝櫻,數量多達800,000棵,形成一片搶眼嘅花海! 芝櫻顏色有好多種,而富士芝櫻就有7個品種,除咗上面6隻顏色,仲有桃紅色嘅Scarlet Frame! 唔少由東京出發嘅人,因為車程偏長,會選擇喺箱根住一日,第二日先去河口湖賞櫻,咁就唔洗趕頭趕命啦! 富士山芝櫻祭 地址:山梨縣南都留郡富士河口湖町本栖212 電話:0555892127   2. 粉蝶花 (4月底至5月中) 提到粉蝶花,好多人都會諗起非茨城縣嘅國營日立海濱公園!每年4月底,就會開春天嘅代表花種-粉蝶花,粉藍色嘅花開滿成個山丘,同天空嘅藍色融合成一片,好夢幻!唔少日本人都會特登搭車去朝聖㗎!
05
May 17
18:16
博客

進入「粉紅色夢幻世界」,富士芝櫻祭現場實況!

多年前早已聽說,除了長在樹上的櫻花外,日本還有一種長在地上的櫻花叫芝櫻。在網絡上看到一大片鮮艷奪目的粉紅色花海照片,一直以為是修圖得來的效果,直至這次有機會親身一到,終於知道這種風景全屬天然,簡直美得令人不能置信。   位於山梨縣的富士芝櫻祭,每逢五月上旬都擠滿了來賞花的人。距離河口湖站約30分鐘車程,絕對是富士山春天遊玩路線的必到一站。這個號稱首都圈內最大規模的芝櫻園裡種有約80萬棵芝櫻,而且這裡最獨一無二及無可匹敵的正是作為背景的那座富士山。   售票處   會場入口 當天我從新宿出發,抬頭看到萬里無雲的藍天經已萬分期待。雖然已經不是第一次看富士山,但過去有幾次拜訪富士山時它也好像不太想露面,山頂被厚厚的雲遮蔽著。我一直相信,看富士山,運氣非常重要。而那天看來運氣真的不錯,天公造美。到達芝櫻會場時,富士山旁邊連一片雲也沒有,是最清澈的藍天。 出發前幾天一直在留意芝櫻祭的官網有關芝櫻開花的情況,一星期前還只是開了三成,一星期後就變成繁花怒放的樣子。   芝櫻花圃   櫻花為什麼長在地上?
29
Apr 17
01:42
博客

富士急極快過山車改名為「ド‧ドドンパ」復活!

富士急高原樂園嘅「ドドンパ」極快過山車復活! 2016年10月停止運作嘅「ドドンパ」過山車將會改名為「ド‧ドドンパ」以更快速度登場~ 2001年12月開幕「ドドンパ」只需1.8秒就能將速度由0加速至時速172km高速運行,今次佢地停止運作嘅理由係「追求更快」,喺世界記錄保持“世界第一加速力”。最新消息2017年7月15日將會重開,今次係以1.8秒由0加速至時速180km高速運行,而且有直徑39.7m世界最大嘅過山車迴旋圈,仲打入左世界記錄添! 舊「ドドンパ」 全新「ド‧ドドンパ」 【詳細】 「ド‧ドドンパ」 開幕預定:2017年7月15日 全長:1,244m(舊ドドンパ1,189m) 迴旋圈高度:由地面計起約49m 迴旋圈直徑:39.7m 可載人數:8人 制限:10歳以上、身高130cm以上 價錢:1,000円 ※可用pass 地址:山梨県富士吉田市新西原5-6-1 https://www.fujiq.jp/
28
Apr 17
21:52
新聞

期間限定!富士急高“火”車?!

富士急高原樂園於4月29日至5月7日期間,舉行「フジQ Hee(ヒー)ランド」event,其中最注目係呢個將「高飛車」變成「高“火”車」嘅剌激機動遊戲!「高“火”車」真係有火噴出!車去到最高點時,前面會噴出約5m嘅巨大火柱!!Σ(*゚д゚ノ)ノ 另外仲有進撃的巨人動感影像體驗「進撃の巨人 THE RIDE~トロスト区奪還作戦~」 餐廳都有驚喜 金沢咖喱店同「ゴーゴーカレー」合作推出咖喱,園內有得收集印仔,收集嘅印仔喺食咖喱嘅時侯可以換1 種配料 園內到處有「ゴーゴーカレー」嘅logo~ 可以買埋期間限定手信~ 期間:2017年4月29日~5月7日 地址:山梨県富士吉田市新西原5-6-1 https://www.fujiq.jp/ 入場費:大人1,500 yen/小童 900yen Pass:大人 5,700 yen/中學生 5,200 yen/小童 4,300 yen
20
Mar 17
19:49
新聞

【富士急巨人來襲!】「進撃の巨人園區」4/22 震撼登場!

唔止得大阪USJ有《進擊的巨人》嘅主題園區,由4月20日至2018年5月6日連富士急Highland都有得玩啦!雖然「進擊的巨人×富士急Highland」呢個園區係只開放一年左右,但入面嘅新設施大部份都係意料之內地刺激,絕對唔係只有幾個影相位咁簡單!   4大必睇必玩焦點!   1. 進撃の巨人 THE RIDE トロスト区奪還作戦 ¥1,000   如果唔係好玩得超刺激嘅機動遊戲,又想親身感受吓臨場嘅震撼同刺激感,呢個視覺體感型嘅「進撃の巨人 THE RIDE」就啱哂(簡單啲講即係3D影院)!玩家只要坐喺專為飛行訓練而經過精密設計嘅特製座椅上,前方高達20米嘅半球形大銀幕就會帶你周圍飛對抗巨人,配合強勁嘅音響,10個有8個都會不期然地伸長對手係咁擋!   同館仲可以玩埋喺富士山高空飛翔嘅「富士飛行社」,但要留意返「富士飛行社」同「進撃の巨人 THE RIDE」身高都必須最少達110cm以上自玩得。   2. 360°VRシアター“哮”(こう) ¥600   而家度度都話有得玩VR Game,呢度當然亦有得玩!戴上VR Box之後玩家即瞬間進入進擊的巨人嘅世界,感受360°嘅浮遊感同被巨人追殺嘅恐怖感,玩到手心都出哂汗!
10
Mar 17
10:02
新聞

山下智久、新垣結衣、戶田惠梨香三劍再次合壁拍Code Blue 3!

山下智久、新垣結衣及戶田惠梨香已落實將出演富士電視台7月夏季日劇《Code Blue》第三季!今次係呢套人氣醫療劇集事隔7年復活,再加上三位人氣已經上晒神檯,相信將會成為富士月9收視努力翻身之作! 山下智久將會係第5次主演富士電視台嘅月9日劇,亦係歷年嚟主演最多月9嘅第三位。劇中5位飾演實習醫生嘅班底包括淺利陽介以及比嘉愛未都落實演出,佢實在感到非常興奮可以再次以同呢個班底合作,會全情投入拍攝,希望大家留意佢哋嘅成長。 《Code Blue》講述5個搭乘直升機為人急救嘅實習飛行醫生受訓嘅故事。2008年7月播出第一彈嘅時候平均收視有15.9%,當時仲未係月9劇。2010年1月正式升格成月9嘅第二季同樣有良好成績,平均收視達16以上。 (話說今季嘅《雖然很突然,明天要結婚》只得6點幾,成為歷史上收視率最低嘅月9,情況都真係幾令人擔憂...) 製作組話今次第三季將描繪5位已經技術獨當一面嘅主角如何訓練後輩,而時間方面將會同現實一樣,訴說前作7年後嘅事。 可以同時睇兩大女神
11
Nov 16
20:46
博客

【初心者東京自遊行秘笈】LikeJapan4日3夜建議行程(DAY 2)

【初心者東京自遊行秘笈】LikeJapan4日3夜建議行程(DAY 2) 想睇返第1日行程的話,可以去呢度   第2日嘅推介行程當然係遊東京必去嘅以迪士尼樂園! 不過有啲團友可能對機動遊戲嘅興趣不大,而純粹想入去行個圈感,睇下巡遊感受氣氛嘅,咁就可以考慮日頭去台場,夜晚去迪士尼嘅組合。   Plan A~全日喪玩迪士尼樂園!~ 品川➡︎東京廸士尼樂園➡︎品川(回程)   前往廸士尼樂園,可以跟循以下路線 (310日圚/車程約26分鐘): 1 於JR品川站乘坐東海道本線/山手線/京濱東北線(東京方向)前往東京站 2 於東京站轉往京葉線月台乘坐紅色京葉線火車,於舞濱站(舞浜駅)落車,出南口,左邊就會見到廸士尼售票處。 接駁廸士尼樂園、廸士尼海洋世界之交通 舞濱站右邊就有前往樂園嘅轉車站「渡假區總站」(リゾートゲートウェイ・ステーション駅)
10
Nov 16
17:57
博客

學熊本熊跳笨豬跳?日本跳笨豬全攻略

想學熊本熊同一眾明星及藝人跳笨豬跳? 車長教你去~ 日本跳笨豬全攻略、   1.竜神バンジー(龍神笨豬跳) 位於茨城県常陸太田市天下野町竜神大吊橋橋上 係日本最高嘅笨豬跳,高達100米 全年無休! 營業時間:0900-1630 参加條件: 15歳以上,體重限制:40ー105kg 收費:毎日第一次15000円、第二次起7000円 東京出發的話,坐JR常磐線去到水戸站轉水郡線,去到常陸太田站,再坐茨城交通巴士去到竜神大吊橋停留所落車   2.五木村バンジー(五木村笨豬跳) 位於熊本県球磨郡五木村甲頭地大橋 係西日本唯一嘅笨豬跳,高達66米(以前有試過77米) 熊本熊、熊本熊女友?いつきちゃん(五木妹妹)同日職聯J2熊本羅亞素嘅羅亞素君都喺度跳過~     今個季度已經完左,但仲開多2日係喺11月12日(星期六)同13日(星期日) 營業時間:0900-1130及1230-1630 参加條件: 15歳以上,體重限制:40ー105kg 收費:毎日第一次12000円,第二次起7000円
19
Oct 16
19:35
博客

好消息?日本2019年可以全面係網上睇電視?

以前喺海外想睇日本電視,免費就解像度差到不得了(大時大節仲要窒到唔睇好過睇)。 收費就月費貴到飛起,仲要買個超貴嘅專用TV Box同交一年費用。萬一間公司執左,咁就欲哭無涙...結果為荷包安全都喺要搵Download先得。   家下算喺好少少,有提供大概月費200左右兼可以毎個月畀嘅服務。車長都用緊,但最怕之後又無得睇...   未來呢?可唔可以喺香港睇到就未知道,但至少喺好消息先~今日朝日新聞報導,日本総務省決定禁止電視節目喺網上同時同歩嘅放送法,將於2019年全面解除。   即係話,以後各電視局可以自由決定喺咪好似香港咁,喺電視台網站直播Live!   其實唔只香港,連日本都越黎越多屋企無電視得電腦嘅家庭,総務省希望可以吸引番無電視族睇電視~~ 好似美國Netflix咁,無論係電視、電話、遊戲機定係平板電腦都可以睇到!   叧外家下不論喺咩地方,都只能睇當地電視台決定播嘅節目。以後不論喺日本咩地方,都可以睇到全日本嘅電視節目喇!! 不過喺香港睇唔睇到就喺另一回事。 有機嘅,有機嘅!  
19
Oct 16
00:36
博客

日本網民倡議東京都全面禁止萬聖節活動?!

之前都同大家介紹過東京涉谷萬聖節有幾墟冚。前幾日喺富士電視台節目「バイキング」上,藝人水道橋博士就提出「東京都應該全面禁止萬聖節活動」,並得到節目上其他嘉賓嘅同意及支持。   節目上提出咗萬聖節帶畀其他市民嘅困擾,例如啲人用換尿片嘅房嚟換costume、用奇怪詭異嘅裝束去嚇人、搞到一地都係垃圾之類、吸引大量痴漢小偷等...雖然之前都有同大家講過喺日本萬聖節嘅經濟效益大過情人節,但好多人就指責不論係警力定係事後清潔嘅功夫都花咗大量經費。   水道橋博士就話:「原本呢個節日係用嚟慶祝農業嘅祭典,點解要係都市舉行?」當中,佢提出「喺鄉下搞就完全冇問題,但喺東京都搞就帶嚟好多問題!」6個節目嘉賓入面有4個都讚成佢嘅意見。   著名搞笑藝人後藤輝基就話雖然唔知係咪應該全面禁止,但就覺得因為啲人嘅不明地玩過火,所以引起好多騷動。   佢嘅拍檔岩尾望就話如果要慶祝,就去番自己屋企或者租一間舖頭去搞,唔好搞到街上啲人。佢仲話喺歌舞伎町事務所附近曾經見到過全身都係血嘅人,俾人嚇親㖭!