宮崎駿
29
Jul 17
02:42
博客

[那些年,我們一起聽過的日文歌] 平原綾香 再次相遇

宮崎駿電影《千與千尋》經典插曲
久石讓明年就會黎香港開音樂會!唔知大家最想聽到邊幾首久石大師嘅作品?講起久石讓大師當然不得不提佢為動畫大師宮崎駿創作嘅電影配樂啦~而小編就特別鍾情 宮崎駿 X 久石讓 X 平原綾香 呢個鐵三角! 平原綾香把聲真係真係真係太好聽啦,話係天籟之音都絕對無誇大!今晚送上《千與千尋》嘅插曲「ふたたび(再次相遇)」啦~保證一聽腦海就會浮現《千與千尋》嘅經典場面!
18
Jul 17
02:42
新聞

澤尻英龍華 拍廣告清唱宮崎駿動畫名曲

相信大家都知道澤尻英龍華係知名日本女演員啦,不過大家又知道澤尻英龍華其實都有唱過歌、推出過單曲呢?之前Suntory搵來一班水著女星拍攝啤酒廣告引起非議(傳送門:【AV既視感?】SUNTORY啤酒廣告被批低俗下品 即遭停播),今次佢地旗下嘅微醉「ほろよい」系列就搵番女明星代言人澤尻英龍華,表演一路微醉一路清唱宮崎駿經典作品《夢幻街少女》入面,改編自外國民謠嘅日語版主題曲《Country Road》! 女神輕輕按下超懷舊錄音機就開始表演清唱,雖然唔係激昂式爆肺唱法,但就聽得更加舒服入耳。唔知各位又buy唔buy從良嘅Erika sama嘅歌喉呢?廣告最後更有一張寄俾自己、清楚寫明地址嘅明信片,唔知呢個廣告系列係咪又好似之前一樣,準備玩伏線呢?(傳送門:澤尻英龍華超短髮廣告流出電話號碼 真係可以打俾女神!)
15
Nov 16
00:30
新聞

退休真係咁困難!? 宮崎駿第N度復出!!

三年前隨著宮崎駿宣佈『風起了』係佢嘅告別作,最後甚至聲稱連吉卜力工作室嘅製作部門都要解體,以示日後唔會製作長篇動畫。   不過,由於宮崎駿以往戰績實在太「彪炳」,已經習以為常嘅大家反應基本都係「娘子,同牛魔王一齊睇耶穌」咁上下。宮老果然「不負眾望」,昨日於NHK電視節目「『NHKスペシャル 終わらない人 宮崎駿』」中透露:「我又復出啦☆」。   今次嘅主角係於吉卜力博物館播放的短片『毛虫のボロ』,話說宮崎駿於節目中表示,由於『毛毛蟲波蘿(毛虫のボロ)』嘅故事概念已經醞釀咗20年,如果只係得短篇會好浪費喎。於是8月佢就主動提出製作一個逾百個分鏡嘅「加長版」。   「加長版」就預計2019年起貨,話說今次製作人鈴木敏夫收到宮崎駿嘅構想時,宮崎駿同佢講「與其咩都冇做就死咗,佢寧願做到一半時死。」所以就決定「去碼」。      
03
Oct 16
22:30
新聞

AKB48島崎遙香宣佈畢業 夢想成為吉卜力聲優

要嚟嘅終於都要嚟,人稱Paruru嘅AKB48人氣成員島崎遙香今日正式宣布將會於今年年底前畢業!自此Paru將會繼續向女演員夢想進發,佢仲公開談論自己嘅夢想係成為吉卜力電影嘅聲優添!身旁嘅一姐指原莉乃同渡邊麻友仲即刻鼓勵佢話佢絕對有機會實現夢想呀。   就今次嘅畢業發表,Paru就話自己做偶像嘅7年時間、如果要講返以前嘅嘢就一匹布咁長。但係喺餘下嘅三個月,佢都會盡AKB48成員嘅本份,繼續努力做偶像,希望畢業後粉絲們都會繼續支持佢!想見身為Idol嘅Paru最後一面,佢最後嘅握手會係12月24日,而畢業公演就係12月26日,真係今年年內畢業呀!粉絲們要把握機會喇!   其實今次CM都係以畢業同轉工為主題,廣告入面宮脇咲良留住眼淚問Paru係咪要畢業,而Paru就話係呢度經歷左好多好多,終於搵到自己想做嘅事,仲叫其他成員支持佢啊!一齊睇下堅定眼神嘅Paru啦:       指原莉乃喺自己Twitter表示雖然會唔捨得Paruru,但希望喺餘