學生
08
Apr 16
01:36
新聞

日本學生超水準黑板塗鴉!

係咪日本D學生寧舍得閒,寧舍有創意,藝術天份又特別高呢? 上次就有教科書塗鴉,今次就有黑板塗鴉。 我就覺得黑板塗鴉難好多啦,剩係可以用粉筆畫喎! 讀書時有比老師叫過出黑板寫答案嘅就知,D粉筆鬼死咁難控制,字都好難寫得靚,何況係畫畫?   睇下日本學生D傑作!有時真係不得不佩服佢地! 到底係點樣畫到咁detail?   去圖! 慶祝入學嘅作品: 係暗殺教室呀!   人物篇:
12
Apr 16
23:07
新聞

超可愛!女星靚爆畢業照排行榜!

女大18變,個個女仔都唔願意比人睇到自己學生時代嘅相,因為果時仲未識打扮,甚至成個薯仔咁。之但係!總有人天生麗質嘅,細細個已經係美人胚子,呢D真係恨唔得咁多!就好似下面呢10位女星咁,不但止唔薯,仲好清純好可愛,點解會咁唔公平嫁!?我都好想天生就咁靚女嗚呀!!   冠軍:佐々木希 呢張係佢小學畢業嘅學生相。先11,12歲就咁靚女,真係贏哂呀!   亞軍:榮倉奈々 呢張應該係高中左右畢業嘅相。果個時候佢好似已經開始緊模特兒嘅活動嫁啦,所以好可愛呀!加埋個清澀嘅笑容,不得了!   季軍:上戶彩 呢張係佢小學畢業相。佢岩岩出道果時比人懷疑過係男仔定女仔,但一睇呢張相就個佢係一個實實在在嘅kawaii小女孩啦!   第四:中島美嘉 中學嘅畢業照
24
Feb 17
02:09
新聞

高手在民間神作出現!日本教科書「改圖」笑爆咀

日本人到底係食咩生長!?點解一本教科書好地地一經佢地手就可以變成全世界獨一無二嘅藝術品!小編只係想講,睇完佢地嘅作品,完全睇唔返原圖到底係咩樣!返唔到轉頭啦!!   1. 數字中的裸男 望住呢個抆住自己條底底嘅光頭人,已經完全唔在意條題目到底問緊乜......   2. 自己料理自己食! 呢幅圖識郁嘅喂!?如果唔係仲隱約見到原圖啲印,真係以為原圖就係個男仔塞緊個女仔個頭入個煲度!加工都不特止,仲可以將原本嘅痕跡抹得一乾二淨,好野!   3. 有事嗎學者們!? 雖然玩弄偉大嘅學者們好似好唔應該,但啲圖又真係改得太搞笑太生動!(笑)   4. Where is my UNDER? 望咗好耐極度懷疑條股隙都係同學仔加上去嘅,搞到四眼先生好似冇著褲!加埋隻牛口中嘅可疑物品同啜核對白,問個女人知唔知佢條底底去咗邊,成功製造底褲失蹤玄案一宗。
23
Mar 16
01:13
新聞

超爆笑日本學生教科書塗鴉!!

「我又何嘗唔想做一個偉大嘅畫家..」 日本人有創意,唔係一時三刻變出黎嫁,而係由細培養到大嘅。 點解咁講?你睇下呢D日本學生喺教科書上面畫嘅爆笑圖畫就明嫁啦! 雖然呢類圖好耐之前都睇過,但當中呢D真係好好笑囉! 唔講啦,快D笑下啦!   創意篇: 企得咁誘人嘅~ 呢個到底屬於浪漫定靈異..? 見到D數學,大雄都喊啦! um..我相信畫嘅果個人心底裡一定係想做健美先生!除非唔係! 你好急尿? 賜予我力量賜予我力量!   咸濕篇: 係
18
Sep 16
08:14
新聞

日本校服「文青化」 短裙長襪不再是王道

講起日本女學生制服,你會起乜?水手服?短裙大象襪?長到死嘅冷背心同短到僅僅遮到屁股嘅超短裙? 10年前,喺日本講起女高中生制服就一定係短裙配藍色長襪。唔少女神想當年都喺日劇有作過呢個打扮。當年超多少女辣妹參拜嘅時尚聖經「Popteen」、「Seventeen」等雜誌都經常搵嚟模特兒配搭將校服著得有型、kawaii。   但今時今日,呢個風氣已成為過去!現代女高中生流行嘅標準係及膝長度校服裙+白色短襪!   「GIRL’S TREND 研究所」針對154個女高中生調查咗佢地嘅「校服裙長度」。結果顯示,37.7%嘅學生都話及膝先係主流!而且,第二位嘅膝頭哥上5cm以內有29.9%,而膝上5cm以上嘅得第三,有21.4%支持率。   俾大家睇個效果圖、其實即係:   除了裙長度之外,就連學生襪嘅潮流都變更緊。   90年代超級流行嘅大象襪沒落,就算啦。而家最興嘅係有成44.2%支持率嘅短襪,睇嚟係因為條裙長咗,而依家
23
Mar 16
19:52
博客

搞個學生VISA啫,洗唔洗係領事局流馬尿呀?(上集)

申請學生簽証真係一段漫長又艱苦既路, 不過捱過左之後就可以係日本做一條好漢,各位鄉親要頂住啊!   想留學首先就要搵學校(鬼唔知咩)。 好似我咁,我報讀嘅學校係4月開學,一般學校都係早一年嘅9月至11月報名,早報嘅蟲有學校讀~   咁我舊年10月就報左學校,12月個陣學校就「初步接納」咗我個申請,叫我交「入學金」。 交左錢之後,學校先會將你個名交比日本領事館,然後等等等等等,等到2月25號,yeahhhhhhh終於公布左結果,我個學生visa申請獲得批準啦!   交學費要快手! 公布左學生visa申請結果之後,學校會叫你交學費。學校收到入數紙,就會將幾份文件速遞去香港,依個過程最少需要2、3日,而去領事館搞visa又要等足5個工作天,萬一你咁唔好彩,晨早買咗機票,又整唔切visa,係絕對冇情講!就算你喊晒口求佢,領事館D人都只會好冷靜咁話:改機票啦。所以麻煩大家快快手手交學費,快快手手去領事館搞簽証!   去領事館做足準備~ 各位準備搞visa嘅朋友,你要帶住以下依堆野去日本領事館辦理入境簽証,缺一不可: 1.在留資格認定證明書(正副本)
25
Mar 16
23:59
博客

搞個學生VISA啫,洗唔洗係領事局流馬尿呀?(下集)

上集講到我比個實Q趕我扯,叫我下晝再返黎。其實我心入面真係好唔gur,明明上網睇過,話申請簽証係上晝搞㗎嘛……點解一定要人地下晝黎> <不過係領事館個門口,實Q就係上帝,佢地唔比我行入天堂個門口,我又有咩辦法?唯有死死氣地,lunch time再鼠過出黎囉……   嗱,係日本領事館個網頁到cap出黎嫁,有圖有真相! 不過可能我搞個個學生簽証唔係簽証所以唔關簽証部事呢(誤,唔明嘅可以睇返上集)   領事館下晝開1點半,我1點15分左右就到左啦。今次我醒目啦,一黎就拎住張「在留資格認定證明書」同身份証比個實Q睇,佢地認紙唔認人,馬上就叫我去另外一個門口到排隊(唔係正門)。排左一陣入到去一間大房,入面40幾個早到嘅朋友已經坐係到等緊。   大家一去到記得比實Q睇依張野呀!   上集都講過,申請VISA係要帶住一張已經填好左嘅「赴日簽証申請表」,當日我見到已經有唔少人一早已經填好左先黎領事館,不過未填/未拎紙嘅朋友都唔洗擔心!因為係個間大房入面有張長枱,上面放左依張申請表嘅中英文版,任你拎!  
18
Feb 17
08:58
博客

體驗日式校園祭@早稻田祭!

走入日本頂尖學府體驗學生主導年度盛事
相信好多睇開日劇嘅朋友都唔會對「校園祭」感到陌生。「校園祭」感覺就好似我哋所講嘅學校開放日,等公眾可以去參觀一間學校,了解佢哋嘅校園生活。而學生們亦都會落手落腳整攤位、裝飾班房等等。 不過平時日劇或動漫就睇高中校園祭多,今次我哋就嚟到日本頂尖學府之一嘅早稻田大學校園祭,一齊睇下同我哋香港嘅大學Open Day有咩分別啦! 呢個早稻田祭係一年一度嘅盛事,每年都係11月頭左右舉行,為期三日。雖然係短短三日嘅活動,但好多學生係會提早成大半年開始準備㗎! 成個祭嘅活動有分幾種: 1)露天舞台活動(比較多舞蹈、啦啦隊、唱歌、甚至特攝舞台劇等表演) 2)課室展覽(多個大學生社群會於唔同課室或講廳進行展覽、展出平時社團活動成果等) 3)特色攤位(部分社團會係課室或室內擺設買賣攤位,比較特別的例如有足湯或陶瓷
02
Sep 16
03:35
博客

【‪‎Like Japan 放送室】專訪日本網絡紅人-水手服伯伯

  今個禮拜嘅《Like Japan 放送室》,我哋請嚟係亞洲都有一定知名度同人氣網絡紅人、「水手服伯伯」Grow Hair(真名:小林秀章)先生!   5年前就已經著住水手服遊走東京,不時出現喺Comic Market等大型Cosplay活動,因為阿伯外形同水手服形成嘅反差萌成為焦點嘅Grow Hair其實係因為一次「膽量挑機」所以先會踏上呢條水手服之路!話說本身佢有去開一啲地下嘅活動,有時都會係個啲活動都著水手服,意外得到好評。而5年前,即係2011年嘅6月,佢發現一間拉麵店居然做緊一個優惠活動,就係30歲以上嘅食客著水手服幫襯嘅話,就可以得嘅到一碗免費嘅拉麵。佢就決定試下著住自己擁有嘅水手服答電車特登出去食喇。而呢次都成為第一次著水手服外出嘅經過。   水手服伯伯係有一份正職,所以平日都以普通嘅上班族造型返工。但放工或週末佢就會著住水手服周圍去。佢話公司嘅人而家都知道佢呢個身份。以前,佢嘅同事或上司有叫佢唔好再著,就俾唔到一個理由去說服佢。佢自己覺得又唔係做緊傷天害理嘅事,而且亦無害到佢哋,所以就一於懶理佢哋嘅要求。除此之外,水手服伯伯非常豁達。佢知道自己重口味嘅look唔係個個人都啱,所以佢唔會特登去睇或者理啲傷害或者鬧佢嘅留
19
Nov 16
20:53
新聞

向中一女生表白 42歲大叔被捕

是咁的。喺一架東京嘅電車上,有個人為咗向單戀咗好耐嘅女學生表白,將一封寫著「我鍾意你,可唔可以同我交換聯絡方式?」嘅字條攝咗落女學生個書包度。之後,呢個人就畀警察叔叔拉咗。 完!   簡短啲嚟講件事就係咁,講完笑等我補充返多少少資料啦。   名叫木田啓介嘅42歲疑犯涉嫌犯咗跟蹤管制法被捕。原因係自今年6月起多次於12歲中一女生受害人出現嘅地方等待該女生,及將「情信」放入女生書包裡。疑犯目前已認罪。   受害人於4月向父親講經常喺唔同地方見到同一個人,然後8月時決定向警署尋求協助。警署11月頭警告過犯人唔好再犯,但因犯人屢勸不改所以進行逮捕。有好多日本網民食花生就話如果個犯人係個靚仔大叔,可能就唔會俾人當跟蹤犯、甚至有機會發展成電影般嘅愛情故事。各位又點睇呢?   資料來源:每日新聞