娛樂
29
Jun 17
23:49
新聞

日本人投票 「最襯著浴衣男女藝人排行榜」結果出爐!

福士蒼汰 、 新垣結衣 分別獲得男女榜首位
又到夏天,又到可以欣賞俊男美女著靚靚浴衣嘅季節!日本權威娛樂網站Oricon就發表咗「最襯著浴衣的男女藝人排行榜」,搵嚟1000個日本人投票,即刻睇下結果啦! 男藝人排行榜: 10)菅田将暉 9)西島秀俊 8)玉木宏 7)阿部寬 6)木村拓哉 5)相葉雅紀(嵐) 4)櫻井翔 (嵐) 3)齋藤工 2)福山雅治 1)福士蒼汰
25
May 17
18:18
新聞

J家偶像組合KAT-TUN前成員 田中聖涉藏大麻被捕

人氣組合KAT-TUN嘅前成員田中聖於5月24日涉嫌藏有大麻於澀谷被捕。據悉田中聖否認指控。 根據警視廳資料所知,日本警察於當日下午6時左右截停田中聖駕駛嘅車輛,問問題之際發現車內司機位於副駕位之間發現大麻,而當時田中聖係一個人嘅。不過田中聖否認大麻屬於自己。 資料來源:Yahoo! JP,ANN News
16
Apr 17
08:12
新聞

回憶滿滿!ORANGE RANGE 結成15週年紀念Live High爆港迷

嚟自沖繩嘅人氣樂隊ORANGE RANGE於4月15日晚上喺九展開騷紀念結成15週年。今次係佢哋時隔三年再喺香港開show,雖然係公眾假期不過仍然成功聚集滿場香港歌迷!佢哋仲唱咗多首經典歌曲,例如「以心電信」、「LOCOLOTION」、動畫《BLEACH》主題曲「*~米字鍵~」、「路標~a road home~ 」、電影《電車男》主題曲「愛的大行進」等。 三位主唱一直超high帶熱香港觀眾,仲大笑雖然佢哋唔識廣東話同英文,而且日文都講得唔係好好,所以希望用音樂去團結大家,傳達心意畀大家。主唱HIROKI就話一諗到佢哋創作嘅歌曲可以喺跨越海洋嘅另一邊、喺香港歌迷嘅人生中有聽過佢哋嘅歌,帶過回憶同影響畀大家,佢就覺得好感動。 低音主場RYO就表示其實有擔心過喺香港開live會唔會有人嚟,但見到咁多歌迷出現,而且live嘅時候非常投入畀反應佢哋,真係令佢心存感激。 而最high嘅主唱YAMATO都同大家約定,只要大家繼續支持佢哋,佢哋一定會再返嚟香港演出,而佢哋亦會繼續為下次可以再嚟公演努力!貝斯手YOH就話見到各位歌迷嘅笑容都好開心,希望大家好好enjoy今次嘅公演。
10
Apr 17
04:57
新聞

【已確認消息】佐佐木希親自承認 即將與渡部建結婚!

又一個女神要榮升人妻啦~前幾日有週刊傳佐佐木希(29歲)同廣告商透露即將與搞笑藝人UNJASH嘅渡部建(44歲)拉埋天窗。 就係啱啱,當事人喺電視節目《行列のできる法律相談所 》直播上確認呢個消息,佐佐木希仲喺IG上傳sweet到爆合照,真係恭喜晒兩位當事人呀!     私、渡部は佐々木希さんと結婚します! 結婚! おめでとうございます㊗️#行列のできる法律相談所 pic.twitter.com/htotjh6rL8 — ばいばいきーん03 (@miu_ray) 2017年4月9日   其實之前佢哋已經被雜誌影到同居,但二人都冇承認或否認戀情,估唔到半年唔夠仲宣佈埋結婚嘅消息。佐佐木希前排先出完頗性感嘅寫真集,唔少粉絲都話可能係封山之作! 佐佐木希仲喺IG向fans道歉,話一直以來都未有機會向大家談及戀愛嘅事,真係非常抱歉。傻豬嚟嘅,見到女神開心,一眾粉絲即使傷心都會含淚祝福嘅TvT  
30
Mar 17
19:35
新聞

日本最可愛高中生選美比賽 冠軍係堀北真希+山本美月混合體?!

繼之前嘅日本最美大學生選美比賽,尋日「日本最可愛高中生選美比賽」亦都順利舉行。今屆嘅冠軍係來自關西大阪、17歲嘅高中二年級生船越雪乃!就咁睇一眾參賽者會覺得佢係樣貌比較清純嘅,而獲獎後好多網民都大讚佢個樣極似堀北真希同山本美月mix埋添! Twitter:@spyaironepark  唔知大家覺唔覺得似呢? 今次比賽有成37萬人報名,最後篩選剩低14個嚟自日本唔同地區嘅美少女。 除咗封后嘅船越雪乃之外,第二名嘅係18歲嚟自福岡嘅高中三年級生龜井南美。(Twitter @mnm_k0623)
28
Mar 17
19:41
新聞

日本最美大學生選美比賽結果出爐!

日本大學生選美比賽「Miss of Miss CAMPUS QUEEN CONTEST 2017」尋日已經係東京順利舉行,而今年成功突圍而出被選為全日本最美大學生嘅係嚟自立命館大學嘅2年級生松田有紗(下圖中)。 來自日本53間大學、總共81人參賽者之中成為優勝者嘅松田有紗就話真係冇諗過自己會得到冠軍寶座,而佢十分多謝佢嘅屋企人同支持佢投票畀佢嘅人添。佢話都幾憧憬喺晨間新聞節目報天氣嘅廣播員,所以唔排除之後會加入幕前活動。 跳咗14年芭蕾舞嘅佢身材非常均稱纖瘦,笑起上嚟甜美得嚟帶有自信,非常明白點解佢會得第一呀! 同場加映:「日本最靚仔大學生」得獎者:駒沢大學 2年級生 佐藤雅也(上圖左) 「Mr. of Mr. CAMPUS CONTEST 2017」就吸引來自34間大學嘅59位校草嚟參加比賽,最後由駒沢大學係嘅2年級生佐藤雅也優勝。佢仲非常憧憬北村一輝,希望可以加入娛樂圈成為演員。 我就覺得出咗冠軍之外,特別賞嘅囝囝都唔差! 新聞
07
Mar 17
02:54
新聞

昔日女神小倉優子證實與出軌老公離婚

昔日瘋魔萬千少男嘅水着女星小倉優子(33歲)終於落實同佢個星級髮型師老公菊地勲氏離婚。舊年8月佢老公被文春踢爆於小倉優子二度懷孕時同佢嘅同門師妹馬越幸子偷食,引起一時轟動(詳情按此)。最後呢對夫妻都係走上結束5年5個月嘅婚姻之路。 小倉優子尋日首度於產後復出錄影,並大方提及自己已離婚一事,佢承諾會努力兼顧養育兩個兒子及佢嘅事業,即使成為單親媽媽亦都會堅強地生活落去。佢嘅事務所亦證實兩位小朋友嘅監護權歸佢所有。 雖然網上有傳佢向丈夫索取7000萬日圓嘅贍養費,但佢就於自己網誌上否認。據知情人士透露,佢並冇向前夫索取任何贍養費,不過菊地都承諾會負責付上養育費支持兩位兒子嘅成長。 希望小倉優子走出離婚嘅傷痛,可以努力兼顧做媽媽同藝人嘅生活啦! 資料來源:Livedoor News
01
Mar 17
18:33
新聞

堀北真希正式宣布退出娛樂圈!!

為照顧心愛家庭 當全職媽媽
突發! 人氣氣質派女演員堀北真希(28歲)於2月28日正式從藝能界引退。3月1日佢同個所屬事務所向粉絲及工作上嘅相關人仕發表親筆撰寫嘅信件致謝。 信中內容提及佢本人想全心全意守護家族,並指佢而家同老公及已出世嘅孩子過得非常幸福。40歲嘅老公山本耕史亦尊重佢嘅決定。 以下為中譯信件內容: 今次,我已經下定決心要從從事至今嘅工作中抽離。 現在嘅我已經身為人母,每日都幸福地同最愛嘅家人生活。 我想全心全意地去守護呢份溫暖、無可替代嘅幸福。 同丈夫商量之後,佢都尊重我嘅心情。 自此起我哋兩個會合力繼續建築一個充滿愛嘅家庭。 一直支持我嘅各位粉絲、 曾經工作上關照過我嘅相關人仕, 呢14年嚟真係好美好,真係非常感謝你哋。 2017年2月28日 堀北真希 ---------------------------- 堀北真希於2003年成功從甄選中突圍而出,獲得演出電影《COSMIC RESCUE》並出道嘅機會。2005年主演超人氣日劇《野豬大改造》、2007年主演《花樣少年少女》,於帥氣男星飾演偶像劇亦毫不失色,演技受到好評。2015年8月與曾經瘋狂追求佢嘅山本耕史閃電結婚,2016年12月產子。 雖然會掛住佢,不過真心替女神感到欣慰,
26
Feb 17
22:38
新聞

櫻井翔熱戀美女主播 電視台:早收到報告 會結婚的吧

35歲嘅人氣天團嵐嘅成員櫻井翔同朝日電視台嘅女主播小川彩佳(32歲)嘅熱戀報道喺25日傳出後引來極大迴響。櫻井翔於日本電視台主持晚上11時嘅新聞節目「NEWS ZERO」,而女方亦喺同時段主持朝日電視台嘅新聞節目「報道Station」,實屬100%嘅對家。偏偏呢兩位分別主持兩個電視台嘅金牌新聞節目嘅主播(兼明星)竟然傳出熱戀消息,令唔少日本觀眾們大感意外。 日媒《週刊POST》報道兩位甜蜜約會,連續11天嘅親密互動被拍到正一正,更加影到櫻井翔直奔女方香閨。報道更指出兩位非常門當戶對:櫻井翔父親為前總務省事務次官,而佢亦係慶應義塾大學畢業生,係尊尼斯嘅高學歷偶像代表;而女方亦畢業自名門青山學院大學,父親亦為慶應義塾大學嘅醫學部教授兼大學病院部長。 ▲今次緋聞女主角小川彩佳,為朝日電視台嘅王牌女主播 雖然尊尼斯事務所及朝日電視台嘅官方回應都係「雙方僅為好朋友」,但日媒就傳出朝日電視台方面有人透露兩位係認真交往中。自去年年底開始,節目完結後小川就一支箭咁返屋企,兩人嘅戀情疑似個陣開始。有關人士更加爆出該新聞節目嘅同事都非常驚訝但覺得兩位非常速配,更加感受到兩位即使事業繁忙但都非常努力擠出時間約會見面,非常難得。 ▲櫻井翔被拍到於朝日電視台門口等女方放工
24
Feb 17
20:29
博客

邊個最Man?「一番男前」J家男星排行榜!

J家藝人靚仔多就係人都知,但云云型男帥哥入面唔好講話年紀,就算係大家走嘅路線都非常唔同~今次日本調查網站Goo就共500名男女網友黎投票選出佢哋覺得最Man嘅J家男藝人,一齊睇下你嘅心水有冇上榜啦! 小補充:根據「語源由来辞典」、男前嘅意思即係「男らしい顔つきや態度。男振りのよいこと。」如果話一個人靚仔英俊通常就會用イケメン,但男前嘅意思除咗話一個男仔個樣較man之外,比較貼近形容一個人「有男子氣概」。此文章都係用後者嘅含意。 1)岡田准一(V6) 榮登第一位嘅係V6嘅人氣成員兼實力男優岡田准一! 由出道當時開始便因深刻輪廓嘅型男面孔迷倒一眾粉絲。近年來專注影視活動,拎過幾次最佳男主角嘅佢係J家藝人較出名好演技嘅男藝人。眼大鼻高再加上爽朗笑容,而隨年齡增長更加開始散發男性嘅色氣,事業有成又靚仔,雖然身高差少少但卻擊敗同門其他型男獲得第一位! 2)長瀬智也(TOKIO) 身為TOKIO主唱嘅長瀨智也身高超過1米8,有一副啱啱好嘅好身材同非常野性嘅外表~日本人形容佢為「女仔會覺得好靚仔、男仔會覺得好有型」。出演過唔少經典劇集嘅佢又唱得又搞笑得,仲曾經同一代歌姬濱崎步拍過拖,紋埋情侶紋身都叫幾傳奇!今年38歲嘅佢亦擊敗後