姐姐
24
Aug 16
20:09
新聞

日本瘋傳!最強基因!堀北真希親妹現身?

其實上年開始喺Twitter就已經流傳過號稱「堀北真希妹妹」嘅貼紙相,網民仲即刻整咗個對比圖,話佢哋一模一樣。可惜消息曝光無耐,呢個Twitter account就即刻關閉咗。     本名「原麻里奈」嘅堀北真希亦曾經喺節目入面提過屋企有三姐妹。二妹叫「原麻美」,三妹叫「原奈奈美」。不過據聞兩個妹妹都比較低調,今次三妹被發現嘅原因係因為工作關係經常曝光而被認出,擅長起底嘅網民仲搜尋埋佢就讀學校位置等等嚟查證。唔少網民亦大讚佢同堀北好似樣同好可愛?。     身為三妹妹嘅「原奈奈美」除咗擔任美睫師外,仲經常做唔同嘅模特兒工作。  
30
Nov 16
19:21
新聞

到底真定假?坂口健太郎與高畑充希戀情曝光 事務所否認

24歲嘅女演員高畑充希同25歲嘅大熱鹽面男演員坂口健太郎被爆已經正式交往半年有多!兩人曾於NHK晨間劇《當家姐姐》飾演情侶、亦喺日劇《那一年我們談的那場戀愛》同場演出。今朝就有日本傳媒報導兩人由舊年年尾到今年年初起關係越來越親密,更指佢哋其實已經拍咗半年拖添!   (NHK晨間劇《當家姐姐》劇照)   不過粉絲又唔使心碎住...雙方事務所已經即刻發表聲明指對方都只係朋友關係,完全否認咗戀情~不過兩位都係依家上緊位嘅新晉演員,就算戀情係真嘅都一定唔會公佈架喇。   新聞來源:Yahoo.jp、Oricon