女神
12
May 16
23:26
新聞

[又有靚相睇] 大膽露玉背 有村架純公開21吋半纖腰好身材秘密

呢期到底有邊個紅得過有村架純?人地又上雜誌喇~知名髮型雜誌《ar》今期主題講「美Body」搵黎有村BB做封面人物同專題特輯,仲影左輯帶空氣感得黎又充滿仙氣嘅靚相、約隱約現地show有村架純嘅好身材添。簡直隔住個mon都feel到啲色氣呀!       有村架純仲同雜誌分享自己得到好身材嘅秘密。原來之前上呢本雜誌嘅時候有村BB話過希望可以得到55cm既腰圍(即21.5吋)。透過勤力做gym付出努力的汗水鍛鍊腹筋同側筋運動,有村已經成功實現左呢個承諾,勁啊!      
30
Jun 16
02:02
新聞

【生命滿希望】51歲漫畫家藤島康介同20歲J cup女神御伽ねこむ結婚!

今日全日本嘅搜尋排行榜第一位都應該係「藤島康介」同「御伽ねこむ」。今年51歲嘅漫畫家藤島康介係唔少男士心目中尊敬嘅老師,因為當年留下經典作品《幸運女神》同《皇家雙妹嘜》,亦都擔當大作《櫻花大戰》嘅角色設計。而今日,呢位人氣日本宅男女神御伽ねこむさん就係自己Twitter宣布同大自己31歲嘅藤島老師結婚,仲要有咗BB!       呢個消息簡直就為日本Twitter投下粒炸彈咁,大家都起勢討論呢對忘年戀嘅雙重喜訊。 1995年12月15月出世嘅御伽ねこむさん係《秋葉原男子票選Cosplay美少女總選權》第一名,最近仲加入大型藝能事務所Horipro開始接拍日劇同繼續cosplay拍攝工作,同綾瀨遙、石原里美做同門藝人。因為驕人嘅J cup同還原度極高嘅Cosplay力,好多網民都被佢馴服架!(小編都係係Twitter見到佢cos《幸運女神》cos得勁靚嘅相先follow佢Twitter架!)     不過比起怒罵同羨慕妒忌恨,竟然好多網民都話崇拜老師,話成功為日本大叔爭光!其實之前都有唔少網民想溝御伽ねこむ,但人哋一早講明只鍾意畫畫靚嘅人。  
22
Jan 16
17:49
博客

仲整容!?化個兔妝就可以好似有村架純咁變做女神啦!

女神呀女神!點解你可以咁「卡華依呢」架? 有村架純,日本新一代超人氣女神,憑住佢既清純外表,配上令人憐憫既兔妝,你話叫人點樣唔迷戀佢呢? 而家係日本,人人都模仿佢化兔妝,等顏值高D! 但唔係人人睇完雜誌既化妝教學就可以變成另一個有村架純!你睇! 嘩!心血少D真係俾佢嚇到魂飛魄散! 喇喇喇!我絕對唔係因為佢肥先咁講,而係因為佢化妝化到「堅離地」! 化到咁紅卜卜做咩姐?邊有兔仔係紅卜卜架? 呢個又係俾佢激到我反白眼! 係!兔仔多數係白色,但唔係就叫你化到成塊面咁樣囉!死人化妝呀? 算喇!等我黎分析一下有村架純點解咁成功啦! 1‧毛茸茸既眉 2‧好似兔仔既圓碌碌眼仔 3‧倒三角形瓜子面 4‧向上揚既嘴角 5‧半月形淚袋 6‧櫻桃小咀 如果你本身有齊以上既條件,恭喜你!你素顏已經完勝!絕對係香港版有村架純! 無既話都唔洗灰心!因為可以靠化個兔妝黎
17
Apr 17
10:42
新聞

有村架純健康性感秀好身材 登雜誌封面成話題

最近主演NHK晨間劇嘅人氣年輕女演員有村架純登上日本雜誌「ar」5月號封面,一身小背心同熱褲造型露出美腿同均勻好身材,引起粉絲迴響。 今次為雜誌拍攝嘅照片全部都屬於健康嘅輕性感造型,性感得嚟完全沒有一點俗氣,果然係女神先carry到!唔單止着泳衣露出胸口位置,仲有focus美背嘅圖片! 以下附上部分圖片,想要高清大圖就自己買雜誌啦~ 資料來源:Twitter+Model Press 舊圖重溫:[又有靚相睇] 大膽露玉背 有村架純公開21吋半纖腰好身材秘密
20
Feb 17
23:48
博客

[澀谷街訪]唔講內涵齋睇樣 第一屆Like Japan港產男女神選舉(下)

第一屆Like Japan港產男女神選舉終於強勢回歸啦~~~ 今次唔問美男美女,而係問大家最唔鍾意嘅港產男女神到底係邊個(講樣唔講心㗎)!   首先我諗大家都好緊張,想知道trailer入面被嫌棄「頭髮咁長好噁心」嘅本地薑係邊個w 我唔會話「相信大家都估到係達哥」咁衰嘅…我只可以話單憑一張木村二世達哥美照冇成功地孚虜到依位㗎妹嘅芳心咁解。 唔好唔開心啦,希望在明天吖嘛!   嗱,唔洗等到明天,希望馬上就送到啦~ 依個姐姐話原版同港版木村都好有型靚仔,仲係咁卡卡笑㖭!(笑咩啫笑到人地個心仔都亂埋啦) 不過如果真係要比嘅話…佢都係揀咗原裝正版嘅木村…泣   咁男仔們又唔鍾意邊個女明星先?係阿嬌(其實都係2票w)! 有人嫌佢太白,話佢「白得滯唔係我杯茶」,依位人兄就話覺得佢好惡咁話… 坦白講我日本男仔真係見到10個港9個佢地都會話覺得好強勢乜乜乜,真係唔小心啲都會搞到一地玻璃碎…啊,又或者係佢地會走佬(哭) 咁睇異性到底係睇邊到先? 最多人答嘅就係眼啦~啲咁標準嘅答案我諗都冇咩人想知,咁就講吓有咩其他意見啦~ 好似依位金髮美男(?)就係睇腳先! 咩都唔好講,望下面!
10
Apr 17
04:57
新聞

【已確認消息】佐佐木希親自承認 即將與渡部建結婚!

又一個女神要榮升人妻啦~前幾日有週刊傳佐佐木希(29歲)同廣告商透露即將與搞笑藝人UNJASH嘅渡部建(44歲)拉埋天窗。 就係啱啱,當事人喺電視節目《行列のできる法律相談所 》直播上確認呢個消息,佐佐木希仲喺IG上傳sweet到爆合照,真係恭喜晒兩位當事人呀!     私、渡部は佐々木希さんと結婚します! 結婚! おめでとうございます㊗️#行列のできる法律相談所 pic.twitter.com/htotjh6rL8 — ばいばいきーん03 (@miu_ray) 2017年4月9日   其實之前佢哋已經被雜誌影到同居,但二人都冇承認或否認戀情,估唔到半年唔夠仲宣佈埋結婚嘅消息。佐佐木希前排先出完頗性感嘅寫真集,唔少粉絲都話可能係封山之作! 佐佐木希仲喺IG向fans道歉,話一直以來都未有機會向大家談及戀愛嘅事,真係非常抱歉。傻豬嚟嘅,見到女神開心,一眾粉絲即使傷心都會含淚祝福嘅TvT  
12
May 17
03:08
新聞

山下智久 x 石原聰美 被爆進入半同居狀態!

日本頂尖級男神女神、山下智久同石原聰美嘅緋聞都傳咗一年,上年9月已經被爆兩位嘅家居密會,上個月又影到石原搭的士去參加慶祝山P嘅生日派對。不過今期日本八卦雜誌更加影到山下智久多次出入石原嘅香閨,內容更指二人已經係半同居狀態! 《FRIDAY》拍到山P搭的士前往石原香閨。 落車後山P全程以袋遮面,貌似怕被媒體認出。 根據《FRIDAY》報導 ,石原上月底已經有公司安排嘅保母車接送前往山P屋企約會。之後連續2天,就輪到山P去石原屋企約會。而石原嘅戀情睇嚟都受到公司認可。不過兩位事業都如日中天,唔知結婚要等幾耐呢~~ 資料來源:《FRIDAY》
08
Jun 17
02:00
新聞

橋本環奈告別標誌性黑長直 網民激讚新造型

尋日先同大家分享完天使級千年一遇美女橋本環奈嘅「女友FF圖」, 彼女とデートなう。 に使っていいよ😆笑 ちなみにこの写真は高校からバスで帰ってる時です。卒業式の日かな〜🤔 友達から送られてきた写真見てたら、これを見つけました🙌 遅れて流行りに乗ってしまいました。笑 pic.twitter.com/xgA3c3CQuY — 橋本環奈 (@H_KANNA_0203) 2017年6月5日   佢尋晚又po相,原來出道以來一直以標誌性黑色長髮示人嘅環奈BB已經剪咗頭髮,搖身一變成為短髮環奈!   髪切りましたーー!!! 凄く軽くなりましたー フワフワっ LINE LIVE見て下さった方ありがとうございます! 7月スタートのドラマ 「警視庁いきもの係」日曜21:00〜 ぜひ見てください! pic.twitter.com/oqn2y8vD5E — 橋本環奈 (@H_KANNA_0203) 2017年6月6日 由於環奈BB嚟緊7月會參演富士電視台日劇《警視庁いきもの係》飾演警察,所以就將原本到胸口嘅長髮剪到及肩短髮。呢個新鮮嘅形象轉變令一眾fans同網民熱烈討論!你哋又中意邊個look嘅橋本環奈?
07
Mar 17
02:54
新聞

昔日女神小倉優子證實與出軌老公離婚

昔日瘋魔萬千少男嘅水着女星小倉優子(33歲)終於落實同佢個星級髮型師老公菊地勲氏離婚。舊年8月佢老公被文春踢爆於小倉優子二度懷孕時同佢嘅同門師妹馬越幸子偷食,引起一時轟動(詳情按此)。最後呢對夫妻都係走上結束5年5個月嘅婚姻之路。 小倉優子尋日首度於產後復出錄影,並大方提及自己已離婚一事,佢承諾會努力兼顧養育兩個兒子及佢嘅事業,即使成為單親媽媽亦都會堅強地生活落去。佢嘅事務所亦證實兩位小朋友嘅監護權歸佢所有。 雖然網上有傳佢向丈夫索取7000萬日圓嘅贍養費,但佢就於自己網誌上否認。據知情人士透露,佢並冇向前夫索取任何贍養費,不過菊地都承諾會負責付上養育費支持兩位兒子嘅成長。 希望小倉優子走出離婚嘅傷痛,可以努力兼顧做媽媽同藝人嘅生活啦! 資料來源:Livedoor News
10
Mar 17
02:38
新聞

長澤雅美超型運動廣告曝光 運動世家背景功不可沒?!

世界知名嘅運動品牌UNDER ARMOUR邀請咗女神級嘅日本女演員長澤雅美擔任最新代言人,仲拍咗條廣告片,裡面充分展現長澤嘅「堅強美麗(Strong and Beautiful)」嘅一面! 據說UNDER ARMOUR想帶出「通過做運動可以令女性更充實」,而廣告入面長澤完美地做到呢個效果。正所謂女神不是一日練成的,見到廣告入面雖然影住佢好似平時咁甜美嘅鏡頭,但其實鏡頭背後佢係付出好多汗水同努力地做各種運動。 要擁有好身材並唔係必然~長澤平時都中意做gym去keep fit。另外,佢爸爸長澤和明係日本J1足球隊磐田喜悅嘅初代監督,相信品牌都係睇中佢同運動嘅淵源所以搵佢擔任代言人! 最後長澤希望可以打破日本人嘅古舊思想,令佢哋明白「即使係令自己失去信心嘅身材都可以靠運動去改變,唔好用因為自己係日本人呢個藉口就去逃避,要珍惜同重視跟住自己一世嘅身體。」 多謝呀女神,我而家充滿動力減肥喇! 資料來源:Sankei News