女兒節
04
Mar 17
00:46
博客

【熱愛日本嘅你知幾多?】「女兒節」點做先至夠傳統?

日本女兒節成日都聽,但其實係幾時,要做啲咩食啲咩大家又知唔知?作為當咗日本係鄉下、一年點都要最少返去一次嘅我地,係時候要深度了解呢個傳統節日啦!   1. 女兒節係乜東東!?   女兒節日文又叫「ひな祭り」,正日係3月3日,無錯,即係今日!呢個節日最初原來唔係專為女兒而設,而係祈福嘅日子,因為古時候嘅日本人認為呢一日係災禍之日,而佢地又相信只有用紙整成人形狀,就可以將厄運同病痛轉移到人偶,再藉住將人偶以木船送走,寓意所有唔好嘅野都會隨人偶而去,所以到而家,有部分神社依然保留呢個傳統習俗,當中比較出名嘅就有鳥取千代川嘅「用瀨放流人偶」。   鳥取千代川「用瀨放流人偶」   不過隨住時代嘅發展,人偶後來演變成擺放嘅裝飾品,而以前嘅上流社更加會為咗彰顯家族嘅材力,將人偶由一層變做兩層、三層甚至係七層嘅超豪華擺設陣容。   傳統嘅陳列台通常都係七層,由上而下分別係天皇皇后、三名宮女、五人樂隊、左右隨從同三名僕人,而最底嘅兩層就會擺放小型嫁妝家具同牛車、車轎等等。但而家普遍家庭通常都唔會有咁大地方擺,所以一般只放最頂嘅一對人偶就算。  
04
Mar 16
02:17
新聞

超抵!去原宿必買!540yen女兒節福袋!

頭先去左行原宿竹下通,發現平時買開飾物既店今日有福袋賣!     無標價錢既貨品,平時340yen一件,今日290yen就有交易!真係超抵!     仲有Hello Kitty既散紙包賣~超卡嘩依~     今日,3月3日,係日本既女兒節。有限定既福袋賣~ 540yen一個福袋,入面有8件飾物~     我就揀左呢個兔仔款,就算入面既飾物中伏,呢個袋仔拎黎做M巾袋都好丫~     返到屋企,就準備好心情去拆開喇~估下我有無中伏!?     為左唔好整爛個兔仔袋,我好小心咁去拆走釘書釘~~