奧運金牌
02
Apr 17
06:11
新聞

花式滑冰王子羽生結弦再創奇蹟! 再次破世界紀錄逆轉勝奪金

22歲日本花式滑冰王子羽生結弦今日於芬蘭赫爾辛基舉行ISU世界花式滑冰錦標賽中刷新自己最佳成績並破世界紀錄奪冠!日前於短曲比賽中表現未如理想,僅列第五名,但今日嘅長曲表演成功完成完成了4次4迴旋跳躍,刷新佢個人所保持嘅世界最高紀錄(219.48分),拿到223.20分,以總分321.59分,成功逆轉勝。今次係羽生隔三屆第二度於ISU奪冠! 賽後訪談中,羽生絕對無一絲驕傲或興奮,反而話對短曲表演失準感到非常後悔,並強調會繼續加多訓練。當主持人問到佢係點樣準備比賽時,佢搞笑地話佢自己都唔知,亦都已經唔記得咗今日滑咗啲乜,只係好努力咁跟住音樂滑,並感激支持者對佢嘅信心! ▲睇下佢見到自己打破世界紀錄嘅時候嘅反應!!(真係好可愛!) ▲因為羽生中意小熊維尼,所以每次比賽完都會有好多好多粉絲將小熊維尼
28
Feb 17
22:21
新聞

比卡超最新日本廣告搵嚟牙買加閃電飛人保特!

Pokémon Sun同Pokémon Moon出咗都一段時間,但佢喺日本嘅廣告就一個比一個有噱頭!繼上次搵嚟有「靈長類最強」之稱嘅女子摔跤奧運金牌選手吉田沙保里同美國紐約洋基棒球選手田中將大合作之後,今次居然畀佢搵埋金牌男飛人、有「牙買加閃電」之前嘅保特一齊拍廣告! 保特化身阿羅拉地區嘅惡霸分派「骷髏團」嘅成員,頭頂仲戴埋標誌性嘅骷髏帽,雖然好有霸氣但又好QQ(反差萌!?) 過去廣告精選: 睇到無玩開嘅小編都忍唔住有少少想買黎玩啊XD 資料來源:Pokemon 官方Youtube
15
Dec 16
19:27
新聞

著婚紗打乒乓波!福原愛德國甜蜜婚照曝光!

 日本金牌(喊包)乒乓球選手福原愛9月宣布同台灣乒乓球選手江宏傑結婚,前日終於公佈咗嘅佢哋嘅靚靚甜蜜婚照喇!見到福原愛勁甜蜜嘅笑容,真係戥佢哋開心!     因為老公喺德國比緊賽嘅關係,呢對新婚夫婦係喺德國度過緊佢哋嘅新婚生活~而今次嘅婚紗相都係喺德國斯圖加特(Stuttgard)拍攝嘅。呢個地方係佢哋兩人宣布婚訊後第一個一齊生活嘅地方,所以對兩人有特別嘅意義,象徵住佢哋幸福嘅發源地同有著佢哋一齊訓練嘅甜蜜回憶添呀!     兩人將會於2017年1月1日喺台北晶華酒店舉辦婚宴,並會於婚宴前舉行記者會宣告對未來嘅規劃。衷心祝福呢對新人幸福快樂呢!   婚照來源:Starfish Concept 
22
Nov 16
23:43
博客

2016最有風格成功男人 - GQ Men of The Year 結果公佈!

權威男性雜誌GQ每年都會由各國《GQ》編輯團隊從各領域選出最有風格嘅成功男人代表,堪稱全球男士最高榮譽。日本版尋日就舉行咗「GQ Men of The Year 2016」頒獎典禮,並頒發共7個Men of The Year 獎項畀今年分別喺電影、音樂、體育及綜藝界發熱發亮嘅當紅代表。一齊睇下結果啦!   菅田將暉(演員) 今年23歲嘅菅田將暉共拍攝9套電影,並奪得日本電影電視製作人協會選出嘅新人獎。不論電影定電視劇嘅作品都成為話題,即使係廣告表演都show咗充滿個性嘅形象同演技。今年最hit唔係Masaki係邊個?   貝克茉秋(奧運柔道男子90kg級金牌選手) 21歲嘅貝克選手今年首次出戰里約奧運即成為第一個奪得90kg級賽事金牌嘅日本運動員。膽識與知識兼備嘅貝克茉秋被稱爲「千禧年世代」嘅柔道家,並象徵住一個新時代嘅柔道。大家都好期待佢4年後嘅表現呀!   Trendy Angel(搞笑藝人) 2015年於吉本興業主辦嘅全日本漫才大賽嘅