天婦羅
24
Jul 17
18:55
博客

東京築地市場「魚がし横丁」 在地人教路必食3選!

擁有悠久歷史嘅築地市場對香港人嚟講一啲都唔陌生,但當你要真正去當地食好野,你又知唔知應該點食法?   今次為大家搜羅日本人逢到必食3選,店舖位於築地市場一角嘅「魚がし横丁 」內,入到店內冇客人的話唔使驚,絕對唔係伏,而係極少遊客知道嘅在地人私藏小店,咩先係地道美食,跟住食實無錯!   1. 天ぷら 和食 天房 「天房」主打天婦羅,識食嘅日本人想食天婦羅的話十居其九都會嚟呢度覓食,貪佢夠新鮮之餘份量亦夠大,朝早整返碗,成個胃都暖哂!店內嘅座位唔多,只有2張order枱同4個counter位,一入到去已經聞到天婦羅同醬油嘅香味,個肚勁打豉!   好典型嘅小店格局,座位唔多,如果唔一早去最少要等30分鐘。   必食嘅一定係呢個又食到吞拿魚又食到招牌天婦羅嘅吞拿魚定食「マグロ定食」(¥1,000),有幾件大大件嘅天婦羅仲有一大碟吞拿魚刺身。   吞拿魚以唔同部位嘅赤身為主,睇得出好新鮮!  
18
Jul 17
22:56
博客

【窮遊必到】1500円就食到 神奈川縣超大碗「豪華刺身丼」!

好食嘅料理多多都食到,自問去親旅行都會變成大胃王嘅你,今次呢間位於神奈川縣,以極平民價錢就可以食到超多料超大碗海鮮丼嘅小店「一里塚」,一定會成為check list入面嘅其中一間!   招牌唔係好明顯,不過認住個「魚」字就唔會去錯地方。   店內座位唔多,有order枱亦有counter位,如果係自己一個嚟,counter位會坐得更自在。   望望個menu發現都有幾多選擇,價錢亦中規中距,如果貪心啲想試多一種食材,強烈推介超豐盛定食set!   必食之一:海鮮一里塚丼 ¥1,650 雖然menu上已經寫明「多種・多量・大滿足」,但真係估唔到係多到咁大量到咁!海鮮丼嘅食材會因應店主當日入咩貨而定,眼見最少有
17
Jul 17
23:50
博客

即釣即食超好味!新手零失敗「釣魚Cafe」

釣魚好麻甩?No No!釣魚絕對可以係好女仔嘅活動,只要你識嚟呢間叫做「つりぼりカフェCatch and Eat」嘅cafe,地方乾淨又有哂釣具,兩手揈揈都可以有大堆收穫!呢度一小時收費¥1,500,頭5條會免費為客人即席烹調,有得玩有得食,帶埋小朋友去輕鬆又好玩!   「りぼりカフェCatch and Eat」5大特點: 1. 唔使早起! 去過海釣都知想有所穫就一定要晨咁早出發,對於瞓教大過天嘅人嚟講簡直係一大挑戰,不過如果係嚟呢間Cafe釣的話就絕對冇呢個問題。Cafe位於吉祥寺站北口附近,營業時間由中午12點到夜晚11點,想幾時去都得!   2. 有冷氣兼超乾淨! 有冇諗過釣魚嘅地方可以乾淨過街市?地下冇漬水不特止,室內仲要冷氣充足,夏天過嚟都唔會玩到身水身汗。店內總共有3個大魚池,池內分別有唔同魚類或者蝦,圓形設計嘅魚池無論坐喺邊個位都一樣咁好釣!   魚池入面有勁多魚,釣唔到嘅機會基本上係零。   嚟到呢度唔一定要釣魚,慢慢
15
Jul 17
02:56
博客

3HK漫遊數據儲值咭特約《胃食日本》:¥1000即叫即炸新鮮熱辣天婦羅定食 みやこし

去日本食天婦羅就緊係要新鮮熱辣先好食啦~ 但通常要食即叫即炸仲要即放到係面前都可能會好貴, 今日胃食日本就同大家去到只需要¥1000! 就可以食到嘅熱辣辣天婦羅定食~「天婦羅 みやこし」! 「天婦羅 みやこし」位於東京新御徒町站大約5分鐘位置~   Lunch係11:00至13:10, 除咗有一般嘅天婦羅套餐之外,仲有超抵食嘅Service Lunch定食同天丼等等~ Service Lunch係即叫即炸嘅天婦羅加白飯,味噌湯同漬物~ 全部都係師父喺你面前炸完送到你面前㗎~! 而天婦羅分別有蝦,穴子,魷魚,鮎魚,茄子,青椒等等  熱辣辣而且非常鬆脆好好食~!   想食濃味啲嘅人亦都可以揀佢哋嘅天丼(¥1400) 天婦羅專用醬
25
Apr 17
22:22
博客

【沖繩分店限定!】丸龜脆卜卜「水雲天婦羅」

烏冬專門店「丸龜」分店遍佈日本各地,近年更加進駐埋香港,話唔定大家屋企附近都早已經有一間。不過如果你會去沖繩,都一定要去拜訪一下沖繩嘅分店,因為呢度有「沖繩限定」嘅特色配料!   就係呢件「水雲天婦羅」!水雲盛產於沖繩,沖繩人好鍾意將水雲整成炸物料理,所以水雲天婦羅亦順理成章地成為丸龜沖繩分店嘅地區限定特色配料。   呢個就係水雲嘅真身,最普遍嘅食法係以醋調味,香港某啲食肆都可以食到,但天婦羅就比較少見。   去到丸烏嘅沖繩分店只有一個目標,就係新鮮炸起熱辣辣脆卜卜嘅水雲天婦羅!認住「もずく」三個字,見到即刻夾返件冇走雞!   想食得簡單啲其實一件水雲天婦羅已經好夠。天婦羅除咗可以點天婦羅專用醬汁之外,仲可以成舊放入湯湯烏冬內浸淋佢,品嚐水雲特有嘅滑捋捋口感。   一件天婦羅加一碗湯烏冬都只係¥440,仲要係地區限定嘅美食,下次去沖繩識揀啦!  
16
Mar 17
19:33
新聞

想食天丼梗係去「てんや」! 必試全新「辣咀爆漿天婦羅丼飯」!

忌廉可樂餅嘅爆漿口感真係魅力沒法擋,估唔到原來用嚟整天婦羅一樣掂!想試咁特別嘅天婦羅,記得3月23日至4月26日去天婦羅專門店「てんや」走返轉,因為佢地將會推出全新配搭嘅天婦羅丼飯,當中包括一咬即爆漿嘅忌廉天婦羅,鍾意食忌廉可樂餅的話一定會大愛!   ベーコン・チキン天丼 ¥730 就係呢個「煙肉・雞肉天丼」!一碗入面有厚切煙肉、雞肉、爆漿忌廉、四季豆4種食材嘅天婦羅,淋埋層加咗芥末醬整成嘅特製醬汁,明明視覺上係一個天婦羅丼飯,但味道同口感上都非常嶄新,係一個非一般嘅天婦羅丼飯!   呢件爆漿忌廉天婦羅就係成個丼飯嘅靈魂,食嘅時候要做定心理準備,一咬開啲忌廉漿就爆哂出嚟!   厚切煙肉天婦羅   桜海老天丼 ¥850   除咗個 煙肉・雞肉天丼之外,將會喺同期推出嘅「桜海老天丼」都好值得一試!入面有櫻花蝦洋蔥天婦羅、小銀綠鰭魚天婦羅等等豐富食材,睇落好似好普通,但意外地好味!  
15
Feb 17
18:13
博客

AEON Card JAL 之《胃食日本》:簡單而隆重~即叫即炸流心蛋天婦羅定食~

日本有好多野真係特別好食過人,其中一樣一定唔少得雞蛋, 拉麵上嘅調味蛋,溫泉蛋等等對於日本人嚟講可能係只係一般野, 但對於我哋嚟講雖然簡單但已經足以好食到令人感動~ 今日就同大家去東京高円寺一間人氣長龍天婦羅店《天すけ》, 食佢哋嘅招牌流心蛋天婦羅定食~! 《天すけ》係位於東京高円寺北口行2分鐘嘅位置,12pm開始營業, 但當然..因為好有人氣所以未到12點已經有好多人開始排隊~ 我大約11點40分左右到,大約有12個人已經排緊隊, 入面坐位有12個,者係就算第一輪入哂啱啱到我入唔到... 加加埋埋大約等咗40分鐘左右就入得啦~ 佢係一排Bar枱,全對住個廚房,所以可以完全咁睇到佢哋嘅製作過程㗎~ 不過就真係好細,一個人僅僅過到或者過唔到左右咁窄, 所以最好唔好帶好多行李去會比較好啲~   佢嘅Lunch Menu唔多,Set嘅話就只有7個, 咁難得嚟到緊係叫招牌嘅蛋天婦羅Lunch啦(1300Yen)~
13
Dec 16
22:41
博客

【大阪在地舔脷激推!】「大件夾抵食」極品料理4選

自問已經去過大阪好多次,對於大阪燒、章魚燒呢啲必食大阪名物有啲厭倦的話,一般美食應該已經滿足唔到你,所以今次為大家推介連大阪在地人都大讚頂瓜瓜嘅正野畀大家,唔單止好味,價錢亦一啲都唔貴,仲大食夾抵件,下次帶朋友去就可以懶勁咁同佢地講「帶你去食本地人先知嘅美食」!   1. ¥580極黑炒飯@あじ家     あじ家係一間拉麵店,雖然呢度嘅拉麵好好味,不過今次要推介嘅係其貌不揚嘅極黑炒飯,除咗用墨魚汁令到個飯變到黑媽媽之外,仲加入咗黑胡椒、黑醬油等9種黑色食材,賣相同用料都咁突出,難怪會成為店內名物!   唔好睇個飯黑到咁就以為會好濃味,個飯入口意外地清淡,有啖啖嘅墨汁香味,亦因為加入咗大量蔥去炒,成個飯好香口,微微嘅辣味會令人一啖接一啖地不停將啲飯塞入口!   睇見每粒飯都均勻地畀墨汁包住,就想像到師喺廚房不停拋穫嘅英姿。   識食嘅在地人多數都會點Set,可以同時食到拉麵同炒飯之餘,仲比分開單點平咗¥90!拉麵嘅湯底主要有魚介醬油同魚介豚骨兩種選擇,唔好睇湯底好似好淺色,味道
02
Dec 16
17:53
博客

【真.超好味!】大阪5間「必試丼物名店」!

大阪名物多到數之不盡,大阪燒、章魚燒、蟹料理,去親大阪都好想吞哂佢地落肚!不過當你睇完而家呢篇野,我相信大家個「必食LIST」又會多咗幾間店,因為真係好好味,淨係個賣相都夠哂力拉你去試!   1. 鰻魚飯@鰻 にしはら     講到丼物點可以少咗鰻魚飯!大阪有好多間店都可以食到好好味嘅鰻魚飯,但如果想近近哋的話呢間係唔錯嘅選擇,由谷町四丁目站行過去都只係大概5分鐘左右。佢地最大嘅特色係 鰻魚醬汁極濃郁香甜,仲要滲哂入米飯入面,連埋燒到勁軟滑、咬都唔使點咬就化開嘅鰻魚一啖放哂入口,真係極級嘅味覺享受!   不過留意返,因為佢地係即叫即燒,所以落單之後要等成30分鐘倒個鰻魚飯先上枱,如果趕時間嘅可以叫酒店幫手打電話去講定幾點會到,咁一去到就有得食,慳返好多時間。   一坐低店員就會擺企碟脆鰻魚骨,咸咸哋好好味。   喺等緊個鰻魚飯出現之前,店員又拎咗兩串燒鰻魚出嚟,呢兩串野真係唔可以睇少,鰻魚味香濃到好似濃縮咗成條鰻魚嘅味道入呢兩串野入面咁,食完有啲唔夠喉添......  
15
Nov 16
23:04
博客

【挑戰最後底線】日媒自製超大特盛料理!

最近好多舖頭都有推出超量級料理,連香港都唔例外,啲料堆到成座山仔咁高就算唔太好食都可以影張想呃吓like。   眼見大大份嘅料理而家咁受歡迎,有日媒就忽發奇想,去一啲連香港人都好熟悉嘅餐廳度叫店員幫佢整份「特盛」料理,視覺效果遠超市面有嘅超量級料理,我諗如果我咁啱坐喺佢地附近,應該會忍唔住過去影返兩張相~   1. 32塊吉列豬扒咖喱飯@CoCo壱番屋     叫咁大份量,為咗唔好阻礙到間舖頭嘅運作,佢地通常都會打個電話去問問可唔可行先,今次佢地一打去問,話想要一份等同一萬円份量嘅吉列咖喱豬扒飯,對方話冇可能,就係佢地好失望之際,店員就話係今日唔得,因為冇咁多存貨,如果係聽日打後就冇問題!心情即刻由谷底飛返上天堂。   一上枱真係嚇一跳!數一數啲豬扒有成32塊,如果一日三餐都食豬扒,都要最少10日先消滅得哂佢地!   個飯有幾大客?拎埋上手畀你睇!   真係辛