夢幻
04
Aug 17
19:59
博客

原宿粉紅夢幻呃like雪糕店

剛剛喺上個月開幕嘅雪糕店「Eddy's Ice Cream」成為原宿最新地標!可以俘虜一眾少女心嘅雪糕店到底有幾吸引呢? 首先店內嘅粉紅牆已經非常吸引~雪糕賣相更係非常搶眼!雪糕味道可選雲尼拿同士多啤梨或兩溝~ Kiss me 1400yen 超巨大心型,紅色咀唇非常搶眼!   Unicorn 1000yen 雪糕面有超夢幻顏色混入,仲有隻獨角獸係中間~   Flamingo 1200yen 充滿夏威夷感覺一款,剩係睇樣已經好正!   大家買完之後都會係呢到影返幾十張相,因為入面有粉經牆外仲有可愛懷舊粉紅電話做背景影~ 大家去原宿記得買呢個又靚又好味雪糕呃下like啦! Eddy's Ice Cream 地址:東京都渋谷区神宮前4-26-28 1F 營業時間:11:00~20:00  不定期
25
May 17
02:14
博客

櫻花妹近期最愛!仙氣夢幻の紗泳衣

踏入初夏,大家都開始搜羅靚靚泳衣,而最近日本SNS就瘋傳呢件好多女仔都為之著迷嘅夢幻紗裙泳衣! 呢款泳衣其實係泰國品牌Chuan Pisamai嘅作品,舊年已經推出咗,之所以咁hit係因為小嶋陽菜同AKB48成員河西智美都曾經著過佢哋嘅代表作~ ↓小嶋陽菜 ↓河西智美 由於立體花瓣識別率極高,因次馬上被日本引入,而且最大嘅一個原因係--呢款泳衣超適合貧乳!因為胸前嘅立體花瓣太有份量感,著左之後視覺效果UP~ 而今季hit嘅就係呢款紗裙款式,公主袖同紗裙睇落似係出街著嘅衫,但加入咗花瓣點綴,加上若隱若現嘅設計,極有仙女下凡感覺,令好多鍾意夢幻感嘅日本少女為之瘋狂~
20
May 17
00:36
博客

沖繩5大超夢幻cafe

嚟緊夏天應該都有好多人去沖繩旅行~就等我介紹一下5間沖繩最靚cafe啦! coffee&bread caracalla okinawa(コーヒーアンドブレッド カラカラ)/中頭郡北谷町 以彩紅貝果而聞名嘅coffee&bread caracalla okinawa,好多人都為左呢個包而慕明而來㗎!   Coffee&bread Caracalla okinawa 地址:沖縄県中頭郡北谷町浜川155 營業時間:8:00~15:00   Magenta N blue(マジェンタ エヌ ブルー)/国頭郡恩納村 用粉紅色作店舖主要色調,收銀處有個好大「LOVE」字眼,非常可愛! 沙冰同果汁顏色非常夢幻而且味道濃郁~ MAGENTA n blue 地址:沖縄県国頭郡恩納村瀬良垣1780 營業時間:10:00~16:00   The Junglila Cafe and Restaurant(ザ ジャングリラ カフェ アンド レストラン)/中頭郡北谷町 坐位係鞦韆、沙發,非常寫意~ 空間亦好大,以木材作設計,非常有大自然感覺~
17
Apr 17
11:57
博客

超重口味!入場5分鐘足以令你精神崩潰-夢幻博覽會

尋日喺Twitter,有日本網民吹雞問有冇人想同佢一齊去呢個聲稱「入場5分鐘足以令你精神崩潰」嘅まぼろし博覧会(夢幻博覽會),佢仲話死之前點都想去睇一次添!到底呢個地方有咩咁巴閉?   誰か静岡県にある「まぼろし博覧会」行きませんか、、入場して5分で精神崩壊するらしい。こんなにカオスで狂気溢れてる博覧会日本でここだけだと思う、、死ぬまでに絶対行きたい pic.twitter.com/GROhSyWDoC — 🥀 (@uran1600) 2017年4月16日   まぼろし博覧会嘅官方網站就聲稱自己係一個以嘔心可愛(キモ可愛い、即係核突嘔心得嚟又有kawaii嘅地方,係咪好難明呢?簡單啲嚟講即係重口味)為主題嘅天堂樂園。而人氣綜藝節目《交給嵐》同《有吉學堂》都有去採訪過,所以有睇開日本綜藝嘅可能對呢個地方唔陌生! 小編雖然仲未去過,不過為咗介紹呢個地方時搵咗以下堆圖,真心覺得堅重口味。真係千奇唔好帶小朋友去,應該會嚇到佢哋有童年陰影。如果你ready嘅話,我哋即刻,去圖。 首先門口會見到呢個牌。
21
Sep 16
19:37
新聞

日本超夢幻幼稚園!令人唔捨得放學嘅校園!

相信好多家長都好煩惱小朋友開學嘅時候會扭晒計唔肯返學,不過日本就有一間超夢幻嘅幼稚園,分分鐘可以令到班小朋友唔捨得放學?,到底係點嘅呢?   呢間位於長崎嘅小濱幼兒園(小浜こども園),就以簡單、自然設計為主。上學期間唔單只可以享受微風同海洋,仲可以俾小朋友喺室內外遊玩同接觸大自然。     美觀且自由開放嘅活動空間受到好多家長嘅追捧,希望可以俾自己嘅小朋友入讀。     到處都可以係小朋友發揮創意嘅地方。     而呢啲咁別出心裁嘅設計都係出於「日比野設計」之手。「日比野設計 幼兒的城堡」(HIBINOSEKKEI + youji no shiro)係一間專門設計幼稚園等兒童相關建築嘅事務所。佢哋秉持使用自然建材、不過度依賴冷氣同人造燈光為設計理念,將大量陽光同自然風引入作開放式建築。   就連一向俾人隱秘感覺嘅洗手間都可以變得自然明亮。     就連樓梯都玩味十足。  
31
Mar 16
22:18
新聞

【東京】超夢幻《比卡超》民宿

去日本旅行經常都會遇到一個情況,就係酒店房太細,連打開個喼都有困難,所以我多數會租bnb,鍾意佢價錢低啲之餘,地方又大啲,仲分分鐘租到特色民宿添㗎!今次就俾我係Air bnb網站搵到一個以「比卡超」為主題嘅民宿,真係忍唔住大叫「比卡!比卡!」   民宿位於東京淺草,去各個主要景點都非常方便,鍾意比卡超嘅朋友,下次去東京不妨考慮下!   PIKACHU HOUSE 預訂網址:https://www.airbnb.com/rooms/7667500?guests=1&s=tdESnKOQ&check_in=2016-11-02&check_out=2016-11-06 價錢:HKD $463/晚起