壽司
04
Aug 17
01:38
博客

【東京四圍食好嘢!】超奢華「爆料壽司」食店7選!

去得日本又點可能唔去食壽司,不過食嚟食去都係嗰幾款就有啲悶。所以今次就特別啲,同大家一齊捐窿捐罅,去勻東京都內8間可以食到「超奢華爆料壽司」嘅日式料理店!   1. 魚真@新宿 除咗新宿之外,「魚真」喺銀座、澀谷、惠比壽、吉祥寺等地區都設有分店,店內最具人氣嘅就係多料到睇唔到壽司飯嘅「のっけ寿司(¥1,500)」,飯上面鋪滿海膽、三文魚籽、蔥花吞拿魚蓉同蟹肉,食材之多完全顛覆咗對壽司嘅固有概念!   刺身拼盤「刺身盛り合わせ(¥1,500)」都係呢度嘅人氣之選! 魚真 新宿店 地址:東京都新宿区新宿3-35-5 2F 電話:03-3351-3772 營業時間:17:00~24:30 官網:www.uoshins.com   2. 漁十八番@澀谷 「 漁十八番」係澀谷區內頗具名氣嘅魚介專門店,店內氣氛非常熱鬧,最為人熟悉嘅就係大份得嚟價格又非常合理嘅料理,必試名物「こぼれ寿司(¥1,500),三文魚籽、海膽、吞拿魚蓉、蟹肉多到出哂界,相當吸引。  
27
Jul 17
18:50
博客

新感覺!京都人氣高級壽司DIY店-AWOMB

京都人氣壽司店AWOMB於祇園問第三間分店!AWOMB以食店環境同壽司DIY而聞名,更係THE TABELOG AWARD 2017獲獎店舖~   首先睇下佢個環境先~ AWOMB烏丸本店 烏丸本店以簡約風為主,白色牆身,用木為主,樓上更有studio,有自家品牌衣物、瓷器、食物出售 AWOMB祇園店 新店祇園店以和風作主題,店內係榻榻米,望出去係和風園景 DIY壽司 並1680yen/上2340yen/特上2970yen 越貴刺身越多款同高級~ 排得超靚,跟餐有飯同紫菜同壽司卷俾你自己包,鍾意點配搭自己話事~! 影相又靚,又睇得又食得!   AWOMB烏丸本店 地址:京都市中京区姥柳町189番地 營業時間:12:00~16:00/18:00~21:00   AWOMB祇園店 地址:京都市東山区
16
Jun 17
02:38
新聞

夏日商品陸續登場,日本MINISTOP壽司大晒冷!

想食壽司?唔一定要入舖頭坐定定咁食嘅,因為日本MINISTOP已經由6月6日起陸續推出多款壽司,想幾時食就幾時食,勁方便!   三文魚手握壽司 ¥198 將於6月20日起發售,由於份量唔多,唔係純過口癮的過可以追加多份冷麵!   燒鯖魚押壽司 ¥540 已於6月6日起正式發售,銷量穩守第一位!   吞拿魚、熟蝦、三文魚手握壽司 ¥238 想過吓口癮,呢盒可以食到3款唔同食材嘅手握壽司係唔錯嘅選擇。   10年裝手握壽司 ¥598 將於6月27日推出,一次過就可以食到多款食材,為食鬼首選!   海鰻押壽司 ¥540 將於6月27日推出,海鰻質地柔軟,¥540就可以食到咁多件,都幾抵食。  
15
Jun 17
19:18
新聞

大型連鎖居酒屋「沖繩美食祭」, 4道必食名物料理!

食石垣牛唔使去到沖繩咁遠,因為「海産物居酒屋 さくら水産」將會於6月13日起於旗下63間分店舉辦沖繩美食活動「沖縄旨いもんフェア」,除咗有極度滋味嘅石垣牛料理,仲有海葡萄等名物,最緊要係價錢唔貴,去食返餐簡直就好似走咗一轉沖繩!   石垣牛肩扒 ¥990 油脂極之豐富,肉質香滑無比,爆汁推介非佢莫屬!   火炙石垣牛肩手握壽司 ¥290 用咗超新鮮嘅大拖羅部位,完全冇根冇渣,經過輕輕一燒,勁香口嘅油脂包裹住牛肉同米飯,非常好味!   沖繩水雲、蕎頭天婦羅 ¥390 水雲係沖繩嘅名產之一,通常會用嚟整成漬物,今次炸成天婦羅口感特別,加埋辣辣嘅調味,食食吓好容易食上癮。   海葡萄 ¥390 講到沖繩料理又點可以冇海葡萄!呢度嘅海葡萄冇添加多餘嘅調味,一咬即爆,營養滿分!   沖縄旨いもんフ
15
May 17
23:37
博客

新宿站西口行30秒即到,「一道料理」試盡3款海膽!

唔使去到北海道,喺新開於新宿嘅「北海寿司うに丸」都可以一次過食到唔同海膽整法嘅海膽壽司同料理!呢間壽司店喺今年5月10日先正式開業,夠哂新鮮滾熱辣,最正嘅係地點超方便,由JR新宿西口站行過去只要30秒左右!   店如其名,入面以海膽料理為主,不過亦可以食到一般壽司店都食到嘅款式,好似三文魚、玉子、甜蝦、海鰻等等通通都有!牆上嘅日文就係唔同食材嘅名稱,識日文嘅不妨慢慢研究吓~   而主角嘅海膽料理,呢度一共有7款可以選擇,好似海膽天婦羅、原板火炙海膽,喺呢度全部都食得到!   必試海膽料理! 雲丹食べ比べ ¥1,800 必試嘅就係呢個唔係度度都食到嘅「雲丹食べ比べ 」,一次過就可以試哂3款唔同嘅海膽,最左邊嘅係海水味較重嘅「鹽水海膽」、中間係海膽味香濃中帶點甘甜嘅「馬糞海膽」,最右
04
May 17
23:26
博客

爭鮮價錢日本國產級數!博多「超平激新鮮」自助壽司!

日本有好多地方都可以食到平價壽司,但如果想平之餘仲要夠新鮮,咁就一定要去位於博多嘅「博多豊一」!由於喺正福岡中心地帶,所以交通都好方便,由天神駕車前往都只需10分鐘左右,就會到達「Bayside Place博多港」。   走入去灣岸市場就會見到林林總總售賣魚類、肉類、蔬菜等等唔同嘅攤檔。   而今次嘅目標「博多豊一」就係位於市場嘅其中一角。   遠遠見到咁多壽司就知今次大穫啦!一定會買勁多!   呢度嘅食材全部都係由長濱市場日日新鮮直送,平日大概有20款以上嘅壽司可以揀,週末嘅種類就更多,最重要係所有款式都係¥97,想食多幾款記得揀週末過嚟!   睇定想要啲乜,就可以攞個兜同夾開始夾!識食一定係食三文魚籽、海膽同中拖羅,包你一邊食一邊不停講真係好抵!   夾完之後就可以畀counter嘅工作人員點一
27
Jan 17
18:40
新聞

【真係有咁大隻蛤乸隨街跳!】 免費請你食「原隻松葉蟹壽司卷」!

見到真係嚇一嚇,呢件原隻松葉蟹壽司卷竟然唔使錢!     玩到咁大嘅就係ShabuShabu專門店「しゃぶしゃぶ温野菜」,官方話只要喺2月3日於銀座5丁目店、赤坂店、梅田北店點放題,再download個叫做「温野菜公式アプリ」嘅App,向店員show入面張coupon就可以食到呢個咁浮誇嘅原隻松葉蟹壽司卷「極太極上恵方巻き」㗎啦!不過只限頭23組食客,所以真係想食就要早啲去排隊!   呢件壽司卷好誇張地用咗成隻松葉蟹去整,唔單止有八隻蟹腳任你慢慢食,壽司卷入面亦加咗飛魚子、青瓜、梅等6種食材,夠哂豐富,秤一秤條壽司,足足有成555g重,18cm長,唔同朋友開心share真係驚你食唔哂!     如果無緣食到個免費嘅原隻松葉蟹壽司卷都唔緊要,因為個App入面仲有好多好使好用嘅coupon,好似呢個原條松葉蟹腳恵方巻「湯葉恵方巻き」都好正,喺2月1日開始只要show到app入面張coupon畀店員睇,就可以每一都有一件免費嘅松葉蟹腳恵方巻!呢個優惠並冇講明話會限量,所以就算唔係一早去排隊,都有好大機會會食到!   しゃぶしゃぶ温野菜 活動日期:免費原隻松葉蟹壽司卷「極太極上恵方巻き」 2017年2月3日;免費原條松葉蟹腳恵方巻「湯葉恵方巻き」 2017年2月1日~ 官網:
26
Jan 17
23:01
博客

【捐窿捐罅搵美食!】帶你平食「百年壽司老店」

日本美食當中,食極都唔會厭嘅一定係勁新鮮嘅手握壽司,今次帶大家去位於日暮里嘅百年老店「蛇の目鮨」,好味之餘最緊要價錢夠平,8粒壽司都只係¥800,爭鮮價錢頂級質素,仲唔快啲mark低下次去食!     想去「蛇の目鮨」可以坐JR山手線喺日暮里站落車,由南改札口行10分鐘左右就會到,雖然唔係好遠,不過由於呢間店位於住宅街當中,所以作為遊客,都係建議大家開住個Google Map一路睇一路行最穩陣。     除咗又平又好味嘅壽司喺呢一區出哂名,¥500 5杯嘅燒酎都係呢度一大賣點!見唔見到?門口個牌已經大大隻字寫住「焼酎5杯セットが ¥500」!     一入去,就已經見到店主密密手準備緊食材,店主一見到有客到,仲即刻好熱情咁走出嚟打招呼添!店內氣份勁懷舊,counter位完全感受到古早嘅味道。     酒量有返咁上下,可以飲返兩杯的話當然要試吓呢度嘅酒啦!佢地個玩法係一杯¥200,兩杯¥400,之後無論飲三杯四杯定五杯,都只會收多你¥100,即係¥500就可以飲到5杯,每
30
Dec 16
02:19
博客

【壽司都可以「鐵板」上!? 】 又真係幾好味喎!!

日本連鎖食店多,小店更多,要搵好野食,除咗參考網上食評,最好就係親身捐窿捐罅睇吓邊度聚集本地人排隊!   呢間位於難波嘅「ときすし」絕對係本人私藏list之中嘅一大推介,如果第一次嚟一定要試呢度嘅名物壽司燒「すし焼き(sushiyaki)」,一Set八件用鐵板上,雖然上枱嘅時候鐵板唔會熱到滋滋咋咋,但每粒壽司都因為鐵板嘅熱力一路keep住微暖,加上部份食材用火炙過,誇張啲講句,粒壽司好似有生命咁!勁好味!     餐枱上面放咗大堆menu,雖然好多都好吸引,又數量限定又盛,不過第一次嚟一定一定要試咗個「すし焼き」先,其他?留返下次嚟再慢慢試。     點完菜店員會先上碗幾足料嘅味噌湯,入面啲菇菌好明顯經過特別處理,滑嘟嘟,湯底又唔會過咸,剛好可以畀個胃打一打底,準備迎接超好味嘅鐵板壽司!     因為店入面人客真係幾多,壽司亦冇咁快上到枱,如果識日文不妨而家揭吓啲Menu,睇定下次嚟應該要食啲乜!     等咗10分鐘左右
22
Nov 16
00:44
博客

【半夜三更去邊好?】「磯丸」有得食24小時壽司放題!

大家有冇聽過「磯丸水產」?係咪覺得好似好熟口熟面呢?磯丸水產係一個以海鮮料理為主嘅連鎖居酒屋,目前喺全日本已經有成100間分店,所以曾經喺日本見過一啲都唔出奇,啲野食都幾好味㗎,未試過的話都可以一試。     不過今次想介紹嘅並唔係呢間居酒屋,而係集團旗下新開嘅姊妹店「磯丸壽司」。呢間壽司店喺上年11月先開,主打海鮮壽司,同磯丸水產一樣都係24小時營業,仲有得食放題,係一眾深夜餓狼半夜三更嘅好去處!如果大家到日本之後或者離開日本之前都咁啱係凌晨,不妨過嚟食返餐超豐盛壽司放題先~     放題有兩種價錢選擇,平啲嗰種可以食到80道料理,貴啲嗰種可以食到100場種料理,當中包括中拖羅、海鰻、海膽等等高級食材,全部都好新鮮,以呢個價錢半夜三更都可以食到咁高質嘅壽司,都幾驚喜!   店內係一貫磯丸風格,裝修到成個漁港市場食堂咁,食都食得有feel啲!   Menu都幾豐富,壽司仲可以一件一件咁叫,想食幾多叫幾多,啱哂想試多幾件唔同款式嘅人。