埼玉
12
Jul 17
01:47
新聞

UFO!? 大地震先兆!? 埼玉縣川越市目擊神秘光體

今次目擊奇怪光球嘅地方係埼玉縣川越市為中心一帶。由尋晚8點左右開始陸續收到目擊報告。目擊者稱「一開始以為係隕石,不過後來光球變得前所未有咁清晰,真係非常可怕」。 而日本天像儀協議會理事長糸賀富美男回覆TBS記者詢問時指「隕石一般都係以高速一直向前墜落,不過呢個所謂『光球』由於有大幅度旋轉同掉頭,所以很大機會並非損石。雖然非常可惜,但現階段不大可能分析出那是甚麼。」 由於今次「光球」移動速度很低,所以一般都唔認為嗰個光球係隕石。不過對於佢嘅真身就有好多猜測,其中當然包括最例牌嘅「UFO」啦。不過最令人不安嘅,就係有網友認為有機會係當地出現「地震發光現象」,為地震前先兆。 所謂「地震發光現象」,為一未能以科學實質解釋成因嘅現象。傳說地震發生之前/之際,該區係會有神秘光芒產生,而關於「地震發光現象」嘅成因,有指只不過係地震時電線著火或斷開造成發光,亦有指係由於地殼入面嘅玄武岩同輝長岩因受地殼移動嘅力量擠壓而令電荷進入「充電模式」,而再加上地震波刺激,就會解放岩石內嘅電荷引致發光。當然,兩種講法都係未能夠完全解釋「地震發光現象」嘅成因。 有指熊本地震時曾有「地震光」出現
20
Jun 17
18:00
新聞

超浪漫!川越冰川神社 姻緣風鈴祭典

去年有共30萬人入場嘅川越冰川神社 姻緣風鈴祭典,今年將會於2017年7月1日~9月10日舉行。今年會有2000個七彩顏色江戶風鈴掛上,陣陣涼風吹過一定會變成很好聽嘅旋律~ 好耐以前已經好多人去川越冰川神社拜姻緣神,而呢個活動喺2014開始~呢到有條河~意味著戀愛願望會到達天河~ 今年仲有新嘅「戀之光」活動將於7月22日~8月27日舉行! 每日18:30將會舉行「特別良緣祈願祭」,同你另一半去祈願嘅話就會獲得呢個特製光球~晚上拎住行非常浪漫~! 川越冰川神社 姻緣風鈴祭典 地址:埼玉県川越市宮下町2丁目11−3 日期:2017年7月1日~9月10日
22
May 17
19:58
博客

日本7大超可愛神社

大家去過日本神社嘅話,多數都覺得比較嚴肅~但其實日本有啲神社非常可愛㗎~!   春日大社/奈良県 第一個介紹就係奈良嘅春日大社~春日大社係世界遺産之一嘅有名神社,而佢可愛嘅地方係佢個籤文啊~!籤文係由可愛鹿仔咬住,分別有「白鹿籤」同「鹿籤」兩款 白鹿籤 600yen 鹿籤 500yen 春日大社 奈良県奈良市春日野町160   川越氷川神社/埼玉県 川越氷川神社係位於川越嘅有名觀光地~佢個鯛魚籤文係用好似釣魚方法咁勾佢上嚟~「一年運程鯛魚籤」同「戀愛鯛魚籤」兩種,粉紅色嘅「戀愛鯛魚籤」非常受女生歡迎~ 一年運程鯛魚籤 300yen 戀愛鯛魚籤 300yen 川越氷川神社 埼玉県川越
19
May 17
22:37
博客

埼玉縣7大舒服溫泉

日本人假期都好鍾意即日來回附近縣嘅溫泉嘆一嘆,其實東京去埼玉坐JR都係30~40分鍾就到~所以埼玉非常多日本人即日來回去玩~今次就介紹埼玉縣7大舒服溫泉俾大家啦!   雅樂の湯/北葛飾郡杉戸町 雅樂の湯係連續4年獲選全日本第1位人氣溫泉! 入面有生源泉内温泉、高濃度炭酸温泉、石温泉、足湯等好多種温泉~除左溫泉仲有岩盤浴~可以嘆足全日~! 杉戸天然温泉 雅楽の湯 地址:埼玉県杉戸2517 官網:http://www.utanoyu.com/   彩香の湯/戸田市 非常有日本感覺嘅溫泉,有壺温泉、漢方藥蒸温泉等特別温泉,3樓仲有得唱k(另外收費)~2樓仲有3間日本料理店 彩香の湯 地址:埼玉県戸田市氷川町1-1-23 官網:http://www.saikanoyu.com   星音の湯/秩父市 除咗溫泉外,仲有岩盤浴、溶岩浴、足湯等等 環境優美,好似置身於森林享受溫泉一樣
02
May 17
23:10
新聞

2017年最新17個「日本遺産」(上)

日本文化廳發表左2017年最新17個地方認定為「日本遺産」。 「日本遺産」係指該地方通過歷史嘅魅力、特色將日本嘅文化傳統作為一個故事表達,由日本文化廳作出認定。由2015年開始有37個地方列為「日本遺産」,加埋2017年17個,而家總共有54個「日本遺産」。 等我先介紹一下今年最新其中9個「日本遺産」啦~   1 江差町/北海道 ≪江差的五月連江戶也沒有-太平洋鯡魚繁榮作息的街道≫ 沿住江差嘅海岸線,斜坡上排住三角屋頂嘅一列屋,媛媛地向住海方面落去嘅地形,可以知道呢個地方係同海一齊生活。 呢個街道係江戶時代至明治時代,交易太平洋鯡魚同太平洋鯡魚加工品而形成。江戶時代太平洋鯡魚嘅繁榮,到而家都可以係呢個街道感受到。   2 酒田市(山形県)‧函館市‧松前町(北海道)‧鰺ヶ沢町‧深浦町(青森県)‧秋田市 (秋田県)‧新潟市‧長岡市(新潟県)‧加賀市(石川県)‧敦賀市‧南越前町(福井県) ≪越過怒濤的男人連系著夢想的異空間~北前船寄港地‧船主集落~≫ 日本海沿岸,一啲附近有山嘅港口城市。通去港口嘅小路,小路附近有好大嘅商人、船主嘅屋,寺院神社有以前供奉船嘅繪馬同模型。越過怒濤嘅商人變得富貴,各地繁榮過嘅北前船寄港地‧船主集落,經過時間綻放出獨有色彩嘅異空間。
04
Mar 17
03:14
博客

漫遊小江戶 輕鬆川越一日遊

嚟過東京咁多次,每次都淨係留係市中心點都覺得唔夠喉嘅~今次就特登嚟到有「小江戶」之稱嘅埼玉縣川越市嚟感受下慢活遊。唔嚟親身睇到唔知原來呢度真係好有古時候嘅日本風味,直到有少少覺得自己好似拍緊啲時代劇咁呀! 睇以下行程推介之前強烈建議大家睇咗上面條FULL VERSION嘅遊記VLOG先喔~~ 會更加明白每個地方有咩好睇 由於今次係自駕遊喺東京過嚟,到達嘅時候已經係差唔多12點(體驗慢活嘛XD 遲少少唔緊要啦)。於是一落車即刻搵嘢食先~ 餐廳推介:甘味茶房かすが  地址:埼玉県川越市幸町6-1 りそな銀行川越支店北側 營業時間:10:30~18:00 (ランチ営業、日曜営業) 見到呢度寫住有川越名物就衝左入嚟,原來呢度係一間開咗120年嘅名店,入面嘅湯麵(素麵)係用蕃薯整㗎!除咗set lunch之外,呢度仲有好多日式甜品同好出名嘅醬油燒小丸子~仲勁多明星嚟食過,而且可以買住一邊行一邊食。
01
Mar 17
00:57
博客

東京 3日2夜 鐵路迷朝聖之旅 - 第一天

東京 3日2夜 鐵路迷朝聖之旅 - 第一天   行程時間表: 12:00:從香港出發 07:00:到達東京,搭Skyliner出市區再轉 JR 到JR大宮駅 11:00:先放低行李於大宮Marroad Inn酒店,再轉車到埼玉新都市交通鐵道博物館駅 18:30:出發前往 TOMIX World 大宮遊覽1 小時 20:30:回大宮Marroad Inn酒店休息   鐵道博物館 鐵路朝聖之旅當然要去全日本最大同收藏車輛最多嘅鐵路專門博物館【鉄道博物館】啦。位於埼玉縣埼玉市嘅鐵道博物館前身就係位於秋葉原嘅交通博物館。為記念JR東日本成立20周年,因舊有交通博物館已經有70幾年歴史,地方太小無辦法再放火車入去同埋無方法增加無障礙設施,所以2004年正式宣布喺舊有嘅JR東日本大宮工場嘅車輛解體場,興建一座全新嘅鐵路專門博物館。 要由東京去鐵路博物館的話,要先去到埼玉縣嘅大宮先,喺山手線圏嘅渋谷、新宿同池袋嗰邊的話可以坐埼京線或湘南新宿線,係山手線圏嘅品川、東京同上野嗰邊的話就可以坐高崎、宇都宮線、東京上野線或京濱東北線去大宮,車程約30 - 50分鐘左右。去到大宮就要再轉埼玉新都市交通伊奈線,坐一個站就到鐵路博物館站(大成)。車費就要190円,另一個方法就係行過去,不過要由大宮行成30分鐘先去到
10
Feb 17
02:10
博客

【碳烤香味遠遠都聞到!】帶你去關東食「北海道名物」!

早幾日介紹過北海道十大必食名物,當中嘅「豚丼」真係隔住個Mon都勁想將佢吞落肚!不過當知道要去到北海道咁遠先食到係咪又有啲想褪軚?唔使唔開心住,日本地大脈搏,美食又點食局限喺一個地方先食到!     今次帶大家嚟到位於東京附近嘅埼玉縣嘅「野さか」,由西武秩父站行過去大概只需5分鐘,附近又有停車場,點去都好方便!呢度嘅豚肉真係香得好誇張,即使仲有10步先到門口,碳燒豚肉嘅香味已經撲鼻而來,聞到呢陣味個肚即時打鼓!     一入門口就會見到呢個餐牌,選擇其實唔多,得背脊肉「ロース肉のみ使用した丼」、肋骨位置嘅肉「バラ肉のみ使用した丼」同兩種肉嘅mix version「ロース肉とバラ肉がミックスされた丼」,第一次來的話店方極力推介mix version,可以一次過試哂兩種肉嘅分別。     諗好食乜野就可以去部機度買食券,留意返呢間舖頭假日真係超超超多人,唔想排成個幾兩個鐘先有得食,可以選擇平日接近關門嘅時間去。     呢度每日嘅營業時間只有短短4個鐘,不過高峰期試過一日大
30
Nov 16
23:18
新聞

日本三大曳山祭之一,秩父夜祭又到喇!

話咁快又到左十二月,一年一度同京都祇園祭、飛騨高山祭齊名嘅日本三大曳山祭之一,秩父夜祭又到喇!喺每年十二月二及三號舉行嘅秩父夜祭,連日本重要有形民俗文化財産同重要無形民俗文化財産都2邊都登録咗。日本只有5個㗎咋!     最特別係仲有煙花大會!   平時抬山車已經唔易,秩父夜祭仲要上斜!   上年都好精彩、有Youtube睇!!   呢個週末喺關東或者埼玉縣附近嘅朋友千祈唔好錯過呀~       《交通攻略》   由西武池袋出發,可以坐西武池袋線去到西武秩父站(收費特急ちちぶ(秩父號)列車車程約80分鐘 車費連特急費14
24
Nov 16
00:50
新聞

東武加多啲小新25週年記念列車喇

之前講過為記念蠟筆小新25週年,貼上全車黄色及扮上儀象隊嘅春日部防衛隊、小新一家、小白、不理不理佐衛門、動感超人大家熟悉嘅角色等等嘅東武小新列車巳經登場。   而東武發現小新列車太受歡迎~~ 所以係25號開始,加多4列小新25週年記念列車。 分別為風間號,妮妮號,正男號同阿呆號! 毎列記念火車都唔同顔色!   風間號會係25號登場, 妮妮號就會係29號登場, 而阿呆號12月13號登場, 最尾正男號就會係12月20號登場。   同様地行走於伊勢崎線久喜戓東武動物公園至押上、日光線南栗橋至東武動物公園、東京地下鐵半蔵門線押上至渋谷及東京急行電鐵田園都市線渋谷至中央林之間!   不過酢乙女 愛、娜娜子同小白號呢?