地道
09
Feb 17
01:36
博客

【唔玩雪,唔賞花,唔睇景!】 北海道「10大地道美食」你食哂未?

去親北海道玩就覺得好忙,冬天要玩雪,春天又要賞花,仲有數之不盡嘅美食!以下10大美食都係去到北海道不得不試之選,你又食過幾多款呢?   1. 拉麵   雖然日本隨處都可以食到拉麵,但北海道嘅拉麵仍然不得不試,因為唔同地區嘅拉麵都各具特式,好似旭川同函館嘅拉麵就已經有好大分別!第一次嚟的話就當然要試札幌嘅拉麵,由元祖味噌拉麵到進化系拉麵通通都可以喺度試到,地道嘅味道絕對係北海道限定!   推介食店: a. 味の三平 地址:札幌市中央区南1条西3丁目2 大丸藤井セントラル4F 電話:011-231-0377 營業時間:11:00~18:30 休息:星期一及每月第二個星期二 網站:http://www.ajino-sanpei.com   b. 麺屋 彩未 地址:北海道札幌市豊平区美園10-5-3-3 電話:011-820-6511 營業時間:11:00~15:15、17:00~19:30 休息:星期一,其他日子不定休   c. MEN-EIJI HIRAGISHI BASE 地址:
28
Nov 16
23:32
博客

[放工新宿鬆一鬆]地道日本人必去 思出橫丁居酒屋

  香港人阿美橫丁就去得多(掃平嘢嘛),但其實講到最受東京上班族歡迎嘅橫丁呢,就一定有新宿西口依條「思い出橫丁」份! (第一次見到個陣,唔知點解覺得好有台灣夜市feel哈哈)   「思い出」係日文嘅回憶咁解。咩回憶?想當年戰火遼原,戰後嘅新宿只係淨低一埋頹垣敗瓦……當時糧食不足嘅問題好嚴重,想入口用嚟整拉麵啊、烏冬等等嘅麵粉非常困難,唯一冇入口管制嘅,就係冇人想食嘅動物內臟。於是各式各樣做內臟煮、內臟串燒嘅餐廳就陸陸續續出現,嚟到今日,大家咬住舊雞腎個陣都會諗起好多好多以前嘅回憶……就係咁,依條街個名就變咗做「思い出橫丁」啦~   成條街有好多居酒屋,有啲仲會有中文menu㖭!不過九成九食客都係日本人,可能因為啲遊客見到地道得滯唔敢坐落嚟? any肥,我發現咗一間勁勁勁多人排隊嘅居酒屋「もつ焼き ウッチャン」,主打食燒內臟嘅(有中英menu),咁就緊係快啲狗衝去試吓啦~   入到去,omg好有風味!全部都係得bar檯位,仲要係勁勁勁逼,同隔離嗰位好貼吓㗎!
15
Apr 16
01:41
博客

【日本人侍應?】味十味餐廳@銅鑼灣

鍾意日本,特別係學緊日文嘅朋友,係咪成日好想喺生活中用到日文,但又無識到日本朋友,所以無機會練到會話呢?我就成日有呢個煩惱啦!但而家我就知可以點呢!就係去有日本人嘅地方膽粗粗咁同人講日文啦!問題係通常喺香港好正宗嘅日本人鋪頭,價錢方面都會好離地,閒閒地食餐飯都幾百蚊一個人,小窮L真係負擔唔起!不過,我岩岩就搵到一間食物正宗得黎,價錢絕對可以接受之餘,全部侍應都係日本人嘅餐廳!!!即刻睇下實際去到係點嫁啦!   味十味 Ajitomi   門口係咁嘅,正常日式餐廳嘅感覺   一入到去其實坐得幾滿,所以我一個人就要坐bar枱位。而客源方面,我聽到好多日文同英文,廣東話都有,但主要都係日本人同外國人比較多。   佢個Menu係中英日對照。有好幾個都好似好好食咁,本身其實我係想叫呢個「炸雞肉芝士定食」,但我問佢推介邊個,佢又講係大阪雞肉丸餐,咁我就聽佢嘅介紹而放棄左呢個啦!
30
Mar 16
18:36
博客

體驗最貼地東京地道生活:Farmer's Market

去東京旅行,買衫買鞋出街食飯香港人都會覺得好抵,但唯獨水果蔬菜,喺一般去超市買都係偏貴。咁一般日本人係去邊到買既呢??!! 等我日本人妻帶大家體驗下東京最貼地生活啦~    原來每個週末喺潮流尖啄「南青山」附近既國際連合大學廣場都會有 Farmer's Market ,10am-4pm會聚集從日本各地而來既農家,帶來當地最新鮮產地直送嘅蔬菜水果與自製農產品   由於跳過多層大中小分銷商等等剝削,農家可以有更多空間堅持理念,無農藥、天然栽培、把最好的原始滋味保留下來(所以包裝無超市咁靚,但絕對新鮮產地直送)。 我基本上一至兩個月會去一次,次次都有啲唔同,大家可以上官網睇下每個星期有咩單位參加http://www.farmersmarkets.jp/     呢個Farmer's Market 由於地點方便(去完仲可以去南青山行街^_^),人都幾多,大部份係日本人同學生,雖然人多,但秩序好好,所以就算帶小朋友黎都無問題。 趁上星期天氣好好,我又出動啦~   一入去有而家香港好興既 ORGANIC COLD PRESSED JUICE, 好似話可以保留最多既營養