地方限定
21
Nov 16
20:24
新聞

【呢個真心想儲!】47都道府縣地方限定啤酒

日本真係好多限定野,仲次次都唔係交行貨,唔知由自可,知道咗有呢樣野又唔去試個心硬係會覺得囉囉攣!   好似呢期KIRIN推出嘅「47都道府県の一番搾り」,單單係47個唔同包裝嘅啤酒罐已經有令人有儲齊一套嘅衝動,更何況佢地唔止玩包裝,連味道都話會因為使用唔同地區嘅材料製作,所以會有少少唔同,飲開啤酒的話應該一試就試得出當中微妙嘅分別。   每罐啤酒罐罐身都會有個地圖仔顯示返啤酒生產所在地,大阪版嗰個就係金色嘅,係咪好感受到大阪嘅熱情同奔放呢!   講到沖繩一定係陽光與海灘!沖繩版味道好清爽,想像吓喺沙灘玩完水上嚟飲返罐,暑氣由內而外一瞬間消除,爽!   北海道一年四季嘅變化各有特色,是令人一去再去嘅一大原因,呢個北海道版就以北海道嘅夏天作為地圖設計概念,以北海道米同當地名水作為原料,製作出如甘露般嘅啤酒。   呢個「47都道府県の一番搾り」其實上年都搞過,販賣目標SET喺260萬罐都可以賣得哂,見到咁好反應,今年當然加碼,由260萬罐調整到去320萬罐,產量足足多咗2成,即係話照道理今年應該比上年冇咁難買到,咁好嘅機會,冇理由喺日本都唔買返罐試吓
14
Jun 17
22:43
新聞

地方限定可樂! 超靚收藏版6月19日起有售!

日本可口可樂將會於6月19日起喺北海道、東京、關西、中國.四國、九州5個地區推出地方限定可樂,250ml嘅鋁質樽身將會印上各地地標同特色祭典,極具代表性,非常值得用作留念!     北海道限定可口可樂 樽身上印有北海道地標之人嘅「札幌時計台」,將於6月19日起開始發售。   東京限定可口可樂 樽身上印有「Tokyo Tower」,將於6月19日起開始發售。   京都限定可口可樂 樽身上嘅大文字山係每年8月16日舉行五山送火嘅地方,將於7月17日起開始發售。   瀨戶內限定可口可樂 樽身上印有「瀬戸大橋」,將於7月17日起開始發售。   熊本限定可口可樂