啤酒
04
Aug 17
20:10
博客

日本啤酒迷夏日必到 麒麟一番搾日本啤酒園「KIRIN ICHIBAN GARDEN 2017」

相信喜愛日本的讀者都不會對「麒麟一番搾」感到陌生啦!自去年首次在香港舉辦夏日祭典引起好評之後,今年麒麟一番搾再次將日式Beer Garden文化帶來香港,於8月3日至9月3日於尖沙咀Mira Place中庭開設「KIRIN ICHIBAN GARDEN 2017」! 除了大家都知道的麒麟一番搾之外,今年的麒麟一番搾 Frozen Beer系列更推出3款夏日風情口味:血橙、菠蘿及奇異果口味。加上獨有的零下5度啤酒泡沫,真係非常透心涼! 小編最buy的是這裏還有一系列左酒日式小菜,而且有些是用到麒麟一番搾啤酒及黑啤入饌的! 活動期間會場還會有一系列精彩活動,例如有多個精美checkpoint讓大家拍照留念。當中這個日本許願神社還可以讓現場購買任何一杯的麒麟一番搾啤酒的顧客獲得精美麒麟一番搾日式繪馬牌,即時寫上願望掛上!
18
Jul 17
02:42
新聞

澤尻英龍華 拍廣告清唱宮崎駿動畫名曲

相信大家都知道澤尻英龍華係知名日本女演員啦,不過大家又知道澤尻英龍華其實都有唱過歌、推出過單曲呢?之前Suntory搵來一班水著女星拍攝啤酒廣告引起非議(傳送門:【AV既視感?】SUNTORY啤酒廣告被批低俗下品 即遭停播),今次佢地旗下嘅微醉「ほろよい」系列就搵番女明星代言人澤尻英龍華,表演一路微醉一路清唱宮崎駿經典作品《夢幻街少女》入面,改編自外國民謠嘅日語版主題曲《Country Road》! 女神輕輕按下超懷舊錄音機就開始表演清唱,雖然唔係激昂式爆肺唱法,但就聽得更加舒服入耳。唔知各位又buy唔buy從良嘅Erika sama嘅歌喉呢?廣告最後更有一張寄俾自己、清楚寫明地址嘅明信片,唔知呢個廣告系列係咪又好似之前一樣,準備玩伏線呢?(傳送門:澤尻英龍華超短髮廣告流出電話號碼 真係可以打俾女神!)
21
Nov 16
20:24
新聞

【呢個真心想儲!】47都道府縣地方限定啤酒

日本真係好多限定野,仲次次都唔係交行貨,唔知由自可,知道咗有呢樣野又唔去試個心硬係會覺得囉囉攣!   好似呢期KIRIN推出嘅「47都道府県の一番搾り」,單單係47個唔同包裝嘅啤酒罐已經有令人有儲齊一套嘅衝動,更何況佢地唔止玩包裝,連味道都話會因為使用唔同地區嘅材料製作,所以會有少少唔同,飲開啤酒的話應該一試就試得出當中微妙嘅分別。   每罐啤酒罐罐身都會有個地圖仔顯示返啤酒生產所在地,大阪版嗰個就係金色嘅,係咪好感受到大阪嘅熱情同奔放呢!   講到沖繩一定係陽光與海灘!沖繩版味道好清爽,想像吓喺沙灘玩完水上嚟飲返罐,暑氣由內而外一瞬間消除,爽!   北海道一年四季嘅變化各有特色,是令人一去再去嘅一大原因,呢個北海道版就以北海道嘅夏天作為地圖設計概念,以北海道米同當地名水作為原料,製作出如甘露般嘅啤酒。   呢個「47都道府県の一番搾り」其實上年都搞過,販賣目標SET喺260萬罐都可以賣得哂,見到咁好反應,今年當然加碼,由260萬罐調整到去320萬罐,產量足足多咗2成,即係話照道理今年應該比上年冇咁難買到,咁好嘅機會,冇理由喺日本都唔買返罐試吓
24
Oct 16
23:58
博客

【食乜好】銀座激平企住食超熱鬧居酒屋

去親居酒屋都會想搵間坐得舒舒服服,又想有個室可以有返啲私人空間,不過有時有啲野就係唔試唔知,一試先知原來冇過室嘅居酒屋一樣好正,今次推介嘅呢一間仲要係不設座位,個個企哂喺度食,好熱鬧!     呢間「ドラム缶」位於2樓,見到拉麵店上2樓就啱喇!間野都幾隱蔽,真係可以話係一間隱世居酒屋。     呢間居酒屋今年6月尾先開,一入到去就見到幾個鐵桶放咗喺中間畀客人企住食,想感受本地人熱鬧氣氛嘅可以揀夜晚時段嚟,附近日本人放工之後都好鍾意嚟呢度飲返杯,傾吓計放鬆吓。   因為不設座位、店內空間又唔大,所以大家好容易就打成一片,傾傾吓隨時傾埋過隔離枱。     呢度好搞笑地有張野話畀大家聽喺度玩要知嘅8個重點,當中有幾點都幾得意,好似叫大家唔好飲得太多、 如果覺得企唔穩就係時候返屋企等等,令人不期然地喺個心度笑一笑。     除咗氣氛極好,喺短短幾個月內,呢度已經出哂名野食平,小食¥100一碟唔
26
Jul 16
19:59
博客

北海道限定的…酒

日本每個地方都有其限定產品,地大脈搏的北海道當然不例外。北海道盛產稻米,故此北海道啤酒早已聞名。我在北海道也搜羅不同北海道或日本限定的酒   Sapporo Classic北海道新幹線限定版 北海道新幹線將於2015年底通車,開通青森至函館。 Sapporo Classic推出限定版作慶祝,味道跟其Sapporo Classic相同。Sapporo Classic味道不像Asahi般清淡,或許使用北海道米釀製,米的氣味較其他品牌重,我頗喜歡這種味道   余市 余市町臨近日本海,由札幌乘坐函館本線,約需70分鐘。這款余市的日本威市忌雖然在日本各大便利店有售,但絕對是北海道限定。售價約850YEN,折合港幣只需$54,絕對是手信之選   男山 這支日本sake是我在超級市場隨意購買,因為那晚住溫泉酒店,清酒加溫泉是絕配。想不到這支只需934YEN (港幣$60) 的清酒是這麼清醇。因為友人住的房間有私人風呂,我們把清酒放到溫泉內,讓溫泉水把它弄熱。跟一把好朋友暢飲,美酒加好朋友,是個美好回憶。   啤酒Zero 北海道隨處可見沒有酒
13
Jul 16
10:56
博客

真心推!表參道 麒麟一番搾り啤酒園

  去日本,食居酒屋就最能夠體驗日式嘅又飲又食文化。今次係日本stay咗一個月,去居酒屋去到厭喇,但呢次去麒麟嘅Beer Garden竟然有驚喜!經過今次之後,麒麟已經成為我心目中嘅number 1啤酒添呀!真心唔係hard sell,而係呢個beer garden入面所有嘢都有水準。睇埋片都唔信?等我好好介紹下啦!     位於南青山嘅麒麟啤酒園喺正地鐵表參道站嘅B1出口。以淺色木材同白色貨櫃為主題,有一番小清新嘅感覺。呢度除咗啤酒外仲有好多好嘢食(西式下酒菜、pizza、炸物、甚至甜品都有),天氣好時露天飲嘢食嘢,鍾意企又得坐又得,勁好氣氛。我見到好似有收埋咗嘅帳篷,落雨的話應該都有得遮下嘅。   睇下個menu幾齊全!   我就事不宜遲點咗個樣好得意嘅麒麟Frozen生啤~(正常size 一杯750yen,¾ Size一杯650yen) 勁凍喎,而且上面果層泡感覺似思樂冰個種沙冰,完全唔怕攤長嚟飲啊!不過論好飲,就真係麒麟Premium好飲啲喇。
07
Apr 16
22:34
新聞

【啤啤佢】大江戸啤酒祭!!

鍾意飲酒嘅朋友望下呢邊!! 無論日本人定外國人都可以一齊享受嘅國內最大型,免費入場勁正嘅啤酒祭要黎啦yoho!   「大江戸ビール祭り2016春」 將會喺4月29日~5月8日,喺東京都新宿區高田馬場到舉行!     日期時間: 4月29日・16:00~22:00 4月30日・10:00~21:00 5月1日(日)〜5日・10:00~21:00 5月6日・16:00~22:00 5月7日・10:00~21:00 5月8日・10:00~20:00     有D咩要注意? ・未夠稱嘅朋友要有個夠稱嘅同你一齊先可以入場,但只能入場,因為未成年飲酒係犯法嘅。 ・禁止酒後駕駛!請用公共交通工具。 ・懷孕/哺乳中嘅媽媽都唔建議飲酒! ・酒係比你歎嘅,切勿不要過量。   地點係ベルサール高田馬場。(紅色位置)
25
Feb 16
00:43
新聞

名古屋世界啤酒博物館3月9日開幕!

香港旅遊發展局每年都會搞啤酒節,好多人去捧場~ 不過今年要等到8月先有,而且地點係老蘭(包括蘭桂坊, 德己立街及和安里一帶) 唔想同人迫,又唔想俾旅行箱撞,又又想盡情咁飲啤酒~ 點算好呢?不如考慮下呢到~~~   世界啤酒博物館,其實係東京、大阪同橫濱都已經開左架喇~ 黎緊3月9日,名古屋個邊都會開張大吉! 可能有人見「博物館」三個字就諗起「不准飲食」既告示牌~ 舒咪媽腥~大家係可以係館內飲啤酒架~   仲要有超過200種味既啤酒俾你揀,亦有多個產地既啤酒,總有一隻岩你口味~   原來除左有啤酒飲之外,都有得食野架~ 呢張係之前其他分店既宣傳單張,可以預約搞忘年會party,成班happy together!   入面既職員都會著民族服飾,等大家感受異國風情~~ 呢個職員幾靚女,唔怪得搵佢影相~