和牛
02
Nov 17
18:08
博客

《胃食香川》:入口即融!香川縣人氣新種「橄欖」和牛!

胃食日本一直以來帶大家係東京周圍食,今次就衝出東京,一連四集帶大家去到四國的香川縣繼續食! 第一集就帶大家去食香川縣特產「橄欖牛」! 日本和牛之中的松板牛,近江牛,神戶牛大家都應該好熟識,但「橄欖牛」唔知大家又有冇聽過呢? 今日嚟到「さぬき焼肉庵 じゃぽん」同大家試食「橄欖牛」!餐廳位置十分便利,距離片原町站徒步大約5分鐘路程。 店入面的座位大部分都係4-6人枱,所以都可以坐得舒舒服服咁慢慢燒,而且係無煙燒肉,所以食完都唔會怕成身都係燒肉味。點餐後大約5分鐘內就會上肉,店員都係一貫日本貼心服務。 餐單方面牛肉種類尚算齊全,有里脊肉(ロース)、五花腩(カルビ)、橫隔膜(ハラミ)、牛舌(タンブツ)、里肌肉(ヘレ)提供。記得要有「特選」字樣的先係橄欖牛嚟㗎。牛肉以外亦提供內臟類、豬雞類、韓式炒飯、冷麵等等料理。 今次小記揀左三款部位試食,想食脂肪比較多嘅就可以揀里脊肉同五花腩,脂肪比較少嘅就揀橫隔膜。(圖中為2人份,價錢為含税) 左上:特選和牛ロース(¥1480) 特選和
13
Sep 17
00:44
博客

食肉獸注意!60種類 東京上野 高質和牛放題!

想食盡和牛又想食得抵就緊係要去食放題啦~ 今日就同大家去直擊一間5000Yen就可以食到超正和牛放題嘅「一心たん助」! 一心たん助嘅和牛放題由中午12點就已經可以點,不過因為好多人預約嘅關係, 去之前最好Book定位先~ 放題限定時間為兩小時,一並有60種類料理可以任叫,除咗和牛之外,豬,雞,海鮮,蔬菜,飯類都有㗎~!   佢哋好多人氣Menu,例如有招牌名物「仙台牛舌」,即叫即燒嘅和牛肉壽司,一人得一份嘅限定里脊肉同埋TKG生蛋飯等等~ 唔好睇佢係放題所以質素好似會好低咁,佢哋一樣質素好高㗎!   仙台牛舌算厚,但食個陣肉質好軟(當然唔可以燒太耐),點少少檸檬汁一齊食,開胃又唔膩~   和牛肉壽司1次可以叫幾多件都可以,1件又得,10件都得(但一定要食得哂先好叫)店員仲會喺你面前燒俾你㗎~
17
Aug 17
22:58
新聞

【名物集結!】食盡22店和牛料理!「牛肉SUMMIT2017」8月末正式開始

牛魔王注意!集結日本各地和牛料理嘅「牛肉SUMMIT2017」將會於8月26日至27日於滋賀縣大津港一帶舉行,到時將會有成22間名店齊齊開店為食客們提供激讚和牛料理,包括「近江姬和牛3秒燒涮涮鍋」、「火炙近江牛手握壽司」、「近江一口牛」等等,入口即化嘅口感同超濃郁嘅肉香諗起都流哂口水!   活動場地就喺琵琶湖西南岸位置,由京都站搭JR去大津港只係需要約30分鐘,如果時間充裕,除咗今次嘅和牛料理美食祭,建議大家可以多留兩三日沿住琵琶湖玩一圈。   曾被多間日本媒體介紹嘅宮澤和牛名物「喝得到的漢堡扒」以100%黑毛和牛製作,入口非一般Juicy!   株式会社 朝日屋嘅A5松阪一口牛扒已經3度獲得第一位嘅榮譽,牛扒size剛好一啖一粒,肉味香濃無比!   即場燒製嘅和牛串香氣四溢,好難忍到口喎。   官網有齊22款料理嘅介紹同攤位位置,出發前記得上去睇一睇,規劃最佳美食路線。今次嘅活動採取金券制,即係想食好野就要入場時購買金券,去到攤位就可以用金券換美食,省卻摷錢嘅麻煩。  
25
Jul 17
00:22
博客

【 富良野 鄉土料理 名店 】 必食 「 極品 和牛 刺身丼 」!

去旅行最開心就係可以食到當地嘅地道美食,而講到富良野無人不知嘅鄉土料理名店,就係呢間距離富良野站只有5分鐘左右路程嘅「くまげら」!   「ぐまげら」係米芝蓮指南內嘅推介食肆,可想而知質素一定有返咁上下。除咗質素高,營業至深夜11點都算係其中一大特點,試諗吓喺夜晚安頓好所有行李出去仲可以慢慢歎返個豐盛晚餐,係幾咁幸福嘅一件事!   必食Menu: 和牛ローストビーフ丼 ¥1,980 嚟到呢度基本上唔需要再睇任何menu,點都要一試真正入口即化嘅「和牛刺身丼」!丼飯一上枱簡直係視覺衝擊,和牛顏色極之粉嫩,size剛好一塊一啖,油脂分佈得極之平均,口感滑如拖羅,一入口嘅究極滋味真係好令人感動!   雖然丼飯價錢唔算平,但和牛份量唔算少,食材高質仲要係米芝蓮美食,呢一餐物超所值!   粉紅色嘅肉質好誘人!   必食Menu: 熊しょうが焼き定食 ¥2,880
05
May 17
23:11
新聞

試食人氣店「員工膳食」,一期一會的隱藏版美食!

有冇試過去餐廳食飯咁啱撞正員工放飯時段,偷偷望吓佢地食乜餸,覺得佢地嗰邊好似好味啲呢?唔講唔知,原來坊間有唔少料理都食由員工膳食演變而來,好似奄列飯、咖喱鍋等等。而將會於5月中分別喺東京、大阪同名古屋舉行嘅「an まかないフェス2017」就可以食到咁「特別」嘅料理!   今年嘅「an まかないフェス2017」3個會場總共有36間舖頭出店,主打以一個銀仔¥500就可以食到連店內都唔會食到嘅「員工膳食」!唔好以為員工膳食就一定係用料差賣相差,睇完以下介紹,係咪對「員工膳食」呢四個字另眼相看呢!   大阪會場 SABAR「鯖魚三文治」 鯖魚三文治係大阪嘅獨有美食,將鯖魚拖羅加少許鹽燒到香一香,每一粒都係一口size,揸住食勁方便!食嘅時候可以夾埋搽滿茄醬同薯仔沙律嘅脆多士一齊食,份外香口!   北新地ぎょうざ家「芳壽豚叉燒」 芳壽豚係長崎嘅名牌豬,肉質香甜脂肪多,非常適合用嚟整叉燒!北新地用咗自家製醬汁去醃製,再以低溫烤焗,焗出嚟嘅叉燒極之入味軟滑。   東京會場
19
Apr 17
23:00
博客

【慎入!小心失控!】齊集100款以上咖喱的「大使館」

日本咖喱真係好味到食極都唔會厭,唔好以為咖喱就只有一種味道,當中唔同嘅食材、調味都會令到咖喱嘅味道變得非常唔一樣!唔信?即管去位於蔵前嘅「咖喱大使館」走返轉,唔單止味蕾大滿足,簡直係大開眼界!   就係呢間自稱係隸屬咖喱王角嘅大使館!與其話佢係大使館,其實呢度係一間集合咗來自日本各地多達100款唔同即食咖喱嘅餐廳。   只要畀¥1,000左右就可以以Buffet形式食到名店嘅咖喱、大使館自家製嘅原創咖喱同埋當日精選嘅地方咖哩,單單係呢3種咖喱就已經夠你慢慢享受!   想試埋一盒盒嘅即食咖喱的話,只需要付費購買咖喱,大使館就會幫你即場將咖喱加熱,勁方便,試完覺得好味可以即刻掃多幾盒做手信!如果自問唔係大胃王,建議大家唔一定要選擇¥1,000嘅Buffet Menu,因為揀好即食咖喱之後只要加¥480,大使館一樣會幫你加熱,仲會奉上熱辣辣嘅白飯!   呢度有一點好貼心,就係考慮到可能有啲人會覺得齋食咖哩會口寡寡,所以容許客人自攜小食上嚟加料!有興趣可以去附近便利店買兩件炸雞同可樂餅,極力推介大家最少最少都要帶隻溫泉蛋上去!  
02
Apr 17
21:14
博客

名古屋之旅:高質日式巴士一日遊 白川鄉+飛驒高山(上)

之前小編同大家直擊LEGOLAND® JAPAN開幕時有日空檔,梗係好好把握時間遊埋名古屋周邊啦!如果你哋同我一樣走去問身邊去過嘅朋友一定10個有8個都會叫你去埋岐阜縣嘅飛驒高山同白川鄉。 不過好似我咁又忙時間唔多唔想太花時間plan同跟時間表行動嘅話,真係非常推薦你好似我一樣join呢個高質日式巴士一日遊!今次我就係透過Klook預約嘅,詳情可以參考返呢個網址呀:https://www.likejapan.com/klookbustour 只要朝早按時間抵達位於名古屋嘅名鐵巴士站,上咗巴士之後基本上乜都唔駛煩亦唔駛諗!不過提提大家一定要預定多啲時間,因為巴士站好大,由地鐵站行上嚟都用咗我十幾分鐘,而日本人係好準時出車架!上車前要先到位於四樓嘅counter簽到拎返個襟章牌仔同座位資料,上車跟住坐就得架啦~ 每團隨團都會有個日本導遊姐姐(記唔記得結衣BB都有喺《逃恥》扮過呀?就係個啲呀!),就算唔識日文都唔驚,因為一定會有一個識英文嘅Staff跟住,佢仲會好細心翻譯晒所有重要資訊(例如上車落車集合時間)畀大家知,一定唔會有問題~ 車上有WIFI,每個座位
22
Feb 17
19:46
博客

AEON Card JAL 之《胃食日本》:肉汁超Juicy~真材實料100%A5黑毛和牛漢堡扒〜

喺日本食和牛最常有嘅方法除咗有燒肉, Shabu Shabu又或者係牛扒之外,仲有日本人最中意嘅漢堡扒, 就連櫻花妹都成日話佢哋最拿手嘅料理就係漢堡扒 今日就同大家去一間排長龍嘅常客, 用100%A5黑毛和牛去做嘅肉汁漢堡扒~「ミート矢澤」!   「ミート矢澤」位於JR山手線嘅五反田站,11點開門, 我大約11點左右去到,但已經係排到咁(店入面仲已經係爆咗) 入面一共大約有60個位,所以其實都唔怕要等好耐~   排緊隊嘅時候店員會俾個Menu你睇住先等你可以慢慢揀~ 除咗有今次要介紹嘅漢堡扒之外仲有牛扒, 而想兩個都食嘅話都可以叫漢堡同牛扒嘅Crossover㗎~ 所有嘅Menu都係跟一個沙律,味噌湯,同可以揀大中細嘅飯~ 佢哋仲標明係唔會用任何嘅中國食材
01
Feb 17
20:12
新聞

【一年一度「肉の日」又到!】牛角燒肉特典大放送!

「29」同日文嘅「肉(Niku)」同音,今年係平成29年,所以牛角除咗將每月29日定為「肉の日」之外,更加將今年定為「肉の年」,由2月9日到28日,以勁爆肉之日活動「すごい肉の日キャンペーン」作為主題,率先推出3個人人受惠嘅特別企畫!     第一個特別企劃對於嘴刁嘅燒肉愛好者嚟講簡直係大喜訊,因為喺呢段期間牛角將會推出牛肩位置及鬈毛豬兩款平時都比較難食到嘅食材!   牛肩位置「うわみすじ」口感同牛腰肉一樣軟腍,一隻牛只有600到700g,非常稀稀,平時想食到都唔係咁易!而另一個被譽為匈牙利國寶嘅鬈毛豬由於產量唔多,喺2004年更加被鑑定為稀少品種,所以可以話係世界級珍貴食材,可以一次過食到呢兩款美食,點冇時間都一定要搵時間去!     第二個特別企劃係一系列嘅coupon,唔係就咁打折咁簡單,而係每張coupon都有唔同主題,好似「放題折扣券」、「牛折扣券」、「眼鏡會折扣券」等等共29種coupon,每張仲有個好得意嘅message,實有一款啱用!   部份Coupon種類: 「食べ放題派割」:食肉嚴喜訊!叫放題全單減¥300! 「牛割」:個名有個「牛」字即送豚肉椰菜絲一客: 「メガネの会割」:唔再畀人叫四眼仔,今日戴眼鏡即變英雄!
08
Nov 16
19:19
博客

【視覺味覺五感多重享受】必食超罕貴燒牛肉丼飯3選!

燒牛肉丼飯同牛肉丼飯完全係兩回事,雖然牛肉丼飯都好好食,不過如果畀我揀,我一家揀粉紅粉紅睇見都知嫩口嘅燒牛肉丼飯,一篤爛個蛋黃,蛋黃醬滲透每一片牛肉嘅超治癒嘅視覺效果,真係諗起都想即刻食返碗!   日本有好多店舖都食到燒牛肉丼飯,以下落嚟係東京市可以食到嘅幾間,間間都極度吸睛,真係引死人!不過想食都唔係咁易,因為人地每日都限量供應,要食最好等佢一開門就入去食。好在呢3間開店時間都唔算太早,要食到難度唔算太高。     1. 雲丹ローストビーフ丼@Gottie's Beef ¥1,680     Gottie's Beef嘅燒牛肉丼飯個賣相做得超靚,好可惜一日只賣10客,要食唯有等佢開門就入去食啦。見到店員拎住個飯行埋嚟嘅一刻,勁想叫佢行快兩步,快啲放低個飯畀我食!   呢個燒牛肉丼飯比較特別嘅地方係,蛋黃嘅周圍圍咗一圈海膽,當你一篤爛個蛋黃,啲海膽就會瞬間沾滿蛋黃汁,再睇住充滿海膽味嘅蛋黃汁流入啲半熟嘅牛肉入面,呢一刻到底應該係要食海膽先定係牛肉先,好難揀添......   食燒牛肉丼飯最期待就係將個蛋黃篤穿嘅呢一刻!   沾滿咗蛋黃汁嘅海膽係