吉野家
14
Mar 17
19:08
新聞

快餐店都可以食好啲!吉野家有得食「熱辣辣明太子飯」!

雖然古語有云「空肚唔好食早餐」,但一去到美食之都嘅日本,成日都會忍唔住一大早就走去覓食,即使係快餐店,都有令人難以抗拒嘅理由!好似吉野家,明明香港都有,但就唔知點解硬係覺得日本嗰啲好食啲...... 睇完呢個新推出嘅menu係咪更加想即刻走去試吓呢!呢個係吉野家將於3月16日推出嘅「辛子明太子定食」,有「納豆明太子定食」、「明太子牛小鉢定食」、「焼魚明太子定食」三款選擇,五百幾円就可以食到咁豐富嘅早餐,下次去日本玩又有藉口去食吉野家~   納豆明太子定食 ¥500 個set其實係由圖中不嬲都有嘅「納豆定食」演變而成,入面有明太子、納豆、生雞蛋、紫菜同味噌湯,想試埋納豆的話必選!   焼魚明太子定食 ¥590 個set係由圖中不嬲都有「燒魚定食」演變而成,燒魚係日本人早餐最常見嘅食材,呢度都食到,仲要整得唔柴口,撈埋明太子一齊食,感覺寧舍唔同!   明太子牛小鉢定食 ¥530
28
Oct 16
02:07
新聞

【吉野家全新登場!】地域限定熱辣辣惹味火鍋

  天文台話下個星期開始轉涼,又有藉口去食火鍋~   話你聽,日本吉野家嚟緊11月會推出6款全新熱辣辣火鍋,除咗牛肉壽喜燒,當中有5款都係地域限定,即係話呢個鍋會喺日本指定嘅地方分店先有得食,要食齊哂6款真係唔係咁容易!     牛肉壽喜燒「牛すき鍋膳(¥650~)」唔單止有勁多牛肉,入面仲有成人一日所需蔬菜量嘅一半,加埋濃郁嘅特製醬汁,好豐富,好想即刻就食到啊!如果想獨自好好享受個火鍋,大家可以攞走拎返酒店慢慢食,天寒地凍之下食返個火鍋真係暖到入心~     既然有限定火鍋,如果個胃仲有位又點可以唔試!至於你到時食到邊款,就要睇你當時身處咩位置啦。   「北海道味噌鍋 (¥680~)」:北海道、東北、北関東、新潟 「横浜牛肉鍋 (¥680~)」:東京、神奈川、千葉、埼玉、山梨 「名古屋鶏肉味噌鍋 (¥680~)」:東海、富山、石川、福井 「大阪咖喱牛肉鍋 (¥680~)」:関西 「博多豚骨鍋 (¥680~)」:中国、四国、九州、沖縄   6款火鍋由2016年11月1日星期二就開始喺日本有得試啦,記得買返個食住過個暖笠笠嘅冬天!  
14
Oct 16
01:51
博客

【話你知】吉野家另類點餐法

唔知點解,食過日本嘅吉野家之後硬係覺得日本吉野家好似好食過香港嗰啲咁,搞到去日本諗唔到食咩好就會自自然走咗去幫襯。   日本應該亦有好多人同我一樣鍾意食吉野家,因為一上網Search「吉野家 裏メニュー」,(即係唔喺吉野家Menu上嘅料理),就出咗好多當地人嘅點餐心得,今次為大家做咗個少少嘅整合,咁大家下次去就可以試吓係咪真係Work喇~   1. 多洋蔥 → ねぎだく(negidaku)     吉野家啲洋蔥煮到?哂入哂味,根本就係牛肉飯嘅精萃之一,喺日本原來可以叫佢畀多啲㗎喎!相對地,唔鍾意食洋蔥可以叫走洋蔥「ねぎ抜き(neginuki)」,咁佢就會一條洋蔥都唔畀你㗎啦~   ================= 2. 淨洋蔥 → ねぎだけ (negidake)     原來真係會有人鍾意食洋蔥到走牛肉,定係點餐嗰個人唔鍾意食牛肉呢?點呢個要留意返,佢同「多洋蔥」只係差最後嗰個音,多洋蔥係「ku」,淨洋蔥係「ke」,小心一叫錯就一塊牛肉都冇得食㗎啦!   ================= 3. 牛肉放底 → 肉下 (nikushita)  
21
Apr 16
19:50
新聞

【感動‬】日本飲食集團災區派飯送暖!

熊本地震發生多日以嚟,好多災民依然等待救援,物資短缺亦係佢地面對嘅問題之一     不過各界都紛紛提供援助,日本兩大連鎖飲食集團「すき家」同埋「吉野家」都有份參與     佢地連續幾日派車去到災區,為當地居民提供熱辣辣嘅牛肉飯,兩家每日合供約派二千幾碗         新鮮嘅食物當然好味道,不過其實最重要嘅都係個份「人情味」   呢個亦都係我鍾意日本嘅其中一個原因❤加油呀熊本!      
16
Jan 16
02:00
博客

【超有愛】全世界首間吉野家任食火鍋!$138食足120分鐘放題!!!!

吉野家為咗慶祝25週年,係西環豐業大廈分店攪咗個120分鐘火鍋放題,店長話俾我知,原來呢到係全世界第一間吉野家攪火鍋放題啊!我居然有機會參與,感到好榮幸啊!(hahaha...超誇張的)呢個放題只係做一個星期(13-19/1/2016),想食就要快喇! 平時吉野家個火鍋細細,食完都唔飽,所以有好多人會偷偷地自己買嘢入去加料(唔洗唔認...我知你都有份haha)但今次終於唔洗鬼鬼崇崇喇!就算你想食1000嚿芝士竹輪都唔會有人阻止你! 俾你哋睇下吉野家張宣傳單張了解下~細路仔唔夠140cm收$98~ 吉野家放題一共三款湯底同五種火鍋醬料俾大家選擇,湯底有番茄湯、日式雪濃湯和野菜清湯,牛肉、雞腿肉、豚肉無限量供應,仲有我嘅最愛芝士竹輪、黑白墨魚包、響鈴.....多到講唔哂!自己睇喇!仲有仲有....呢度飲野唔洗加$3,汽水、茶、麵豉湯任飲,仲唔收加一。 總共有兩段時段可以揀18:00-20:00、20:15-22:15,不過我建