吉卜力
26
Aug 17
00:56
博客

2020年建成 ~ 3大日本新主題樂園/新搞作!

2020年除咗有東京奧運,仲有好多日本主題樂園嘅新搞作㗎!今次整理咗未來即將落成嘅新主題樂園,以及主題樂園嘅新園區,相信大家聽到都會好期待! 1. 新樂園:吉卜力Park / 預定2020年初開幕 宮崎駿迷一定好期待!因為吉卜力工作室2017年公佈要打造「吉卜力公園」,將動畫入面嘅場景還原,有得睇又有得影! 吉卜力Park將於名古屋開設,座落於名古屋嘅2005年愛知縣世博會會館,預計喺2020年初開幕。 官方公佈嘅消息就唔太多,除咗樂園名稱、地點之外,就只有說明主題樂園佔地約200公頃,以及園內將設有多個宮崎駿著名電影場景。 據日本報道稱,以《龍貓》為主題嘅主題建築已開始動工,率先重現動畫入面嘅世界觀。有網民就推測係電影中出現嘅貓巴士造型建築,亦有人創作咗全園嘅預想圖,推斷園內嘅所有設施,畫得似模似樣㗎! 其實呢個愛知縣世博會會館一早與吉卜力有所關聯,因為公園有重現《龍貓》嘅屋企,仲舉辦過兩次吉卜力展覽會,所以同吉卜力可以話好有緣! 除左還原宮崎駿嘅作品,其實吉卜力工作室仲有大師級嘅高畑勳、宮崎吾朗等導演,佢哋嘅作品好大機會都
24
Aug 17
23:11
新聞

日本橡子共和國又有新嘢出!『千與千尋』系列餐桌用品9月發售

日本橡子共和國又有新嘢出! 今次係來自『千與千尋』嘅一系列餐桌用品! 其其中包括有「無臉男 醬油樽」(1980日圓),以及「千與千尋 無臉男飯勺」(800日圓),同埋「筷子架」(900日圓)。 醬油樽同飯勺兩者造型都係來自戲中角色「無臉男」,醬油樽嘅醬油係由「無臉男」隻手倒出嚟,而飯勺嘅造型亦係取材自「無臉男」。而「筷子架」就有幾款,分別包括「無臉男」、「大鳥神」、「大口無臉男」、「小老鼠」等共4款。 各商品9月開始會於橡子共和國各分店及官方網店發售。 日本橡子共和國店舗名單: http://www.benelic.com/service/donguri.php 日本橡子共和國網店: http://www.donguri-sora.com     資料/圖片來源:benelic
01
Jun 17
19:34
新聞

吉卜力主題公園2020年代初空降愛知縣!!

最近開張冇耐嘅LEGOLAND®雖然都重有唔少人排緊期去參觀/打卡/玩,不過評價同成績就真係麻麻,不過業界對於名古屋一帶嘅旅遊業都仍然係有信心嘅。好似吉卜力嘅鈴木敏夫,尋日就同愛知縣嘅知事大村秀章達成共識,決定於「名古屋近郊」(這是甚麼地理名詞……)嘅長久手市整返個「吉卜力主題公園」!   所謂喺長久手市,其實咪就係愛・地球博記念公園囉。主題公園預定會用到200公頃地球博記念公園嘅地,並不需要再伐木造地同再開發,園內會再現宮崎駿作品『龍貓』嘅世界觀,另外官方亦正在廣泛徵求各種營業企劃。 由於單係東京都三鷹市嘅「三鷹之森吉卜力美術館」每年已有70萬人次到訪,因此鈴木敏夫對今次嘅「吉卜力主題公園」似乎都非常有信心,主題公園預定於2020年代初開放,到時又要去多次名古屋囉!     資料/圖片來源:中日新聞
15
Nov 16
00:30
新聞

退休真係咁困難!? 宮崎駿第N度復出!!

三年前隨著宮崎駿宣佈『風起了』係佢嘅告別作,最後甚至聲稱連吉卜力工作室嘅製作部門都要解體,以示日後唔會製作長篇動畫。   不過,由於宮崎駿以往戰績實在太「彪炳」,已經習以為常嘅大家反應基本都係「娘子,同牛魔王一齊睇耶穌」咁上下。宮老果然「不負眾望」,昨日於NHK電視節目「『NHKスペシャル 終わらない人 宮崎駿』」中透露:「我又復出啦☆」。   今次嘅主角係於吉卜力博物館播放的短片『毛虫のボロ』,話說宮崎駿於節目中表示,由於『毛毛蟲波蘿(毛虫のボロ)』嘅故事概念已經醞釀咗20年,如果只係得短篇會好浪費喎。於是8月佢就主動提出製作一個逾百個分鏡嘅「加長版」。   「加長版」就預計2019年起貨,話說今次製作人鈴木敏夫收到宮崎駿嘅構想時,宮崎駿同佢講「與其咩都冇做就死咗,佢寧願做到一半時死。」所以就決定「去碼」。      
03
Oct 16
22:30
新聞

AKB48島崎遙香宣佈畢業 夢想成為吉卜力聲優

要嚟嘅終於都要嚟,人稱Paruru嘅AKB48人氣成員島崎遙香今日正式宣布將會於今年年底前畢業!自此Paru將會繼續向女演員夢想進發,佢仲公開談論自己嘅夢想係成為吉卜力電影嘅聲優添!身旁嘅一姐指原莉乃同渡邊麻友仲即刻鼓勵佢話佢絕對有機會實現夢想呀。   就今次嘅畢業發表,Paru就話自己做偶像嘅7年時間、如果要講返以前嘅嘢就一匹布咁長。但係喺餘下嘅三個月,佢都會盡AKB48成員嘅本份,繼續努力做偶像,希望畢業後粉絲們都會繼續支持佢!想見身為Idol嘅Paru最後一面,佢最後嘅握手會係12月24日,而畢業公演就係12月26日,真係今年年內畢業呀!粉絲們要把握機會喇!   其實今次CM都係以畢業同轉工為主題,廣告入面宮脇咲良留住眼淚問Paru係咪要畢業,而Paru就話係呢度經歷左好多好多,終於搵到自己想做嘅事,仲叫其他成員支持佢啊!一齊睇下堅定眼神嘅Paru啦:       指原莉乃喺自己Twitter表示雖然會唔捨得Paruru,但希望喺餘
23
Aug 16
23:16
新聞

投選最心愛動畫!吉卜力作品總選!

陪伴好多人成長嘅吉卜力工作室,為宣傳最新動畫《レッドタートル ある島の物語》就搞咗個叫做「スタジオジブリ総選挙」嘅選舉,投選你心目中最愛嘅吉卜力動畫。     投票候選名單由多年前嘅《風の谷のナウシカ》至到近年嘅《思い出のマーニー》都有。當選嘅動畫仲有機會喺9月10至16號期間喺5大城市嘅劇院入面重新放映?!     截至20號嘅五強名單如下。     每人限投一票,身處香港嘅你地都投得㗎!快啲入去以下網址投你心水嘅一票啦!   截止投票日期:8月28日 23:59 官方網站:http://red-turtle.jp/vote/index.html
15
Jul 16
22:20
新聞

「吉卜力工作室」博覽會現於六本木舉行

為慶祝「吉卜力工作室」成立30周年,由7月7號開始係六本木舉行咗大型博覽會展出30年來嘅作品。     博覽會由四個獨立部分組成,分別展出不同年代嘅作品。第一部份係「吉卜力大展覽」。第二部份係「嚮往天空」,展出內容主要為天空同飛機。第三部份展覽著重於吉卜力工作室嘅最新作品《紅龜》。最後係紀念品區,無論係最新嘅紀念品定係其他電影嘅經典紀念品都可以買到。     【吉卜力工作室博覽會】 地址:東京都港區六本木六本木新城6-10-1 地點:六本木新城展望台東京城市觀景天空畫廊 期間:7月7日至9月11日 時間:10:00-22:00(最終入場21:30) 收費:1,800円(大人), 1,200円(高中生和大學生), 600円(4歲至國中生
07
Jul 16
18:20
新聞

宮崎駿Fans呢邊!「ジブリの大博覧会」@六本木

有無吉卜力嘅fans?如果你係,我諗你都會去過三鷹嘅吉卜力美術館,但而家除左呢到之外,喺六本木會有一個期間限定嘅「ジブリの大博覧会」呀!唔洗傷心去完美術館就無其他野睇,一於去埋呢個啦!   開催期間:2016年7月7日~9月11日   喺呢段期間,「ジブリの大博覧会」就會喺六本木hills展望台東京city view(52樓)到舉行!   呢個係特別企劃,由「風之谷」到最新作「レッドタートル ある島の物語」(黎緊9月上映)作品嘅產生過程都可以喺呢到睇到!   一踏入會場就會見到好多好多過往嘅動畫poster迎接緊你!好似「風之谷」、「崖上的波兒」、「風起」等等。   行到最尾就會見到最新作「レッドタ
20
May 16
20:03
新聞

【喚醒童年陰影】静岡市「螢火蟲之墓」壁畫

有無人同我一樣細個嗰時好怕睇《螢火蟲之墓》,細個睇嗰時只係覺得成個故事好sad,睇完之後心情會好沉澱。尤其睇兩兄妹媽媽過身嘅畫面,猶如童年陰影。大嗰再睇返,除咗温馨感人嘅兄妹情之外,部電影仲有咩message就要自己演釋。   講返正題 靜岡市新間路有條「蛍の里」嘅公路,公路石牆上畫咗《螢火蟲之墓》嘅節子臨終前一段時間被螢火蟲圍繞下歡樂嘅情景,雖然食正吉卜力電影名作,但因為係偏遠地方所以無乜人知。   本來壁畫係畫緊係呢個畫面:   但經過歲月洗禮,日久失修而變成咁 ↓ 好恐佈呀!!!! 呢兩張相上俾人放咗上網,有網友話「節子化身厲鬼」,又驚夜晚經路會俾節子詛咒。   但我越睇越覺得節子係恥笑緊我,連帶睇返電影畫面我都覺得佢笑緊我。   幾時先可以變返可愛嘅節子?
28
Jan 16
00:32
博客

童年回憶:杉並動畫博物館

今次要介紹俾大家嘅地方我諗都無咩人去過... 因為佢係一間比較小型嘅博物館。不過近期做緊兩個都幾有趣嘅展覽,相信動畫迷都會有興趣,所以就為大家實地考察下!位置上唔難去,距離地鐵站15-20分鐘腳程,亦都有巴士可以搭。沿途會有旗仔帶路。見到咁多熟口熟面嘅角色就知已經到左啦!全館都係免費入場嘅。一入到去就有成個日本動畫歷史牆... 咁我地當然係直接睇下有咩有趣野先~日本動畫公司40週年展《世界名作劇場》大全依個就係佢地近期嘅重點展覽。《世界名作劇場》系列全部都係用外國故仔為本製作嘅日本動畫,好多香港都有播過,例如:長腿叔叔、飄零燕、紅髮安妮等等。那就是聲優! 去到之後小編就見到有另一個動畫「那就是聲優! 」嘅展覽。