可樂
27
Jan 17
21:19
博客

【超嶄新街頭美食!】3大必試「進化系可樂餅」!

可樂餅係小編去到日本必食嘅最愛小食之一,最愛入面熱到辣咀嘅餡料,常見嘅有免治肉同滑溜忌廉,不過今次帶得大家捐窿捐罅搵嘢食就當然唔會咁簡單!以下落嚟呢三間,就連日本人都食到咀舔舔!   1. 新口味可樂餅@All About My Croquette     「 All About My Croquette」喺2016年8月先開幕,但短短半年都未夠就已經成為該區超人氣嘅可樂餅專門店!點解?因為店內環境好舒服,八款常設可樂餅質素夠穩定,除咗有經典原味之外仲有墨汁、紅菜頭等坊間極少見嘅味道,自然吸引到好多年青人去幫襯啦!   呢度每次都唔會炸好多,所以櫃入面見到嘅可樂餅通常都係啱啱炸起,超熱辣辣!   成粒都紅卜卜係咪有啲得人驚呢!紅成咁完全因為呢個可樂餅加入咗紅菜頭去整,冇添加人造色素㗎!   如果肚餓的話呢個飯團可樂餅就啱哂喇!飯團事先溝咗菠菜,最中心嘅位置有少少可以牽絲嘅芝士,食兩件已經飽咗一半!  
19
May 16
19:11
新聞

百事史上最強炭酸飲料即將發售

舊年夏天,日本百事推出過打住「百事最強刺激PEPSI STRONG」名號嘅強炭酸加高咖啡因可樂。   一般百事(左)、PEPSI STRONG(右)   連罐身都寫明要等15秒先好打開 根據舊年嘅試飲報告,PEPSI STRONG係比一般百事可樂更刺激,更多泡,但配不上「最強刺激」嘅名銜,始終用一般膠樽、鋁罐,炭酸濃度高極有個譜。   所謂強中自有強中手,今年日本百事有新配方,新包裝「史上最強炭酸x高咖啡因:PEPSI STRONG 5.0GV」。今次特登用埋最強供氣量膠樽5.0GV,即係個膠樽可以抵受喺正常狀態下,每1L液體溶入5L二氧化碳嘅壓力。加上百事可樂嘅香料都有配合改良,打造最強刺激同爽快感。 另外仲有零糖零卡路里嘅PEPSI STRONG 5.0GV<ZERO>。   6月21日正式發售,490mL膠樽裝售140円 (未含稅),420mL膠樽裝售124円 (未含稅),想知道最強炭酸到底係咩感覺,會唔會乸喉就要趁呢個機會試下啦。