15
Mar 17
01:33
博客

試食神奈川厚木名物碳燒大腸!!

記得2月底小編曾經喺facebook提過比朋友「拐帶」咗去一間食豬腸嘅地方嗎?(唔好意思,小編都知成2個禮拜前應該冇人記得Orz) 賽後報告而家嚟啦! 今次要介紹嘅厚木市嘅名物「碳燒大腸」(シロコロ・ホルモン,シロ係豬腸;ホルモン就係指燒內臟;而コロ就係呢道菜嘅特色,一般燒內臟都係切開攤平燒,唯獨呢度係唔切原條上,所以就係圓滾滾コロコロ咁樣啦。話說呢個「碳燒大腸」就曾經贏過B-1 GRAND PRIX(B級全國當地美食) 冠軍(久留米大會嗰屆)。 而小編今次光顧嘅餐廳「とび蔵」,就係食呢個厚木市嘅得獎名物「碳燒大腸」,「とび蔵」喺大船同厚木市都有分別,今次小編幫襯嘅就係「本厚木站前店」,本厚木站落車行幾分鐘就到,真係方便到震。 賣點既然係燒內臟就梗係由豬心、豬脷、肝、橫膈膜、腸樣樣都有。搭埋各種前菜(堅係菜……),真係冇得頂! ​​ 主打嘅豬腸有成3款,除咗原條切開
09
Dec 16
02:37
博客

【對岸嗰啲硬係好食啲】 大阪必食嫩滑多汁「厚蛋治」!

同樣係蛋治,香港係茶餐廳水平嘅快速裹腹食物,但如果去到講求樣樣都要做到精緻好美嘅日本,佢竟然變身成為連日本人都趨之若鶩嘅B級美食,所以作為香港人,我地去到冇理由唔親口試吓佢地對我地個蛋治施咗咩魔法!   下面呢幾間都可以食到超好味蛋治,餓底們,GOGOGO!!   1. Talo Coffee@天王寺區     睇件蛋治咁厚就知道一定用咗唔止一隻蛋去整,但斷估唔到竟然用咗4隻蛋去整咁重手!唔知佢地係咪食慣甜嘅玉子燒,呢個蛋治嘅雞蛋都係甜嘅,蛋味亦唔係好重,口感勁鬆軟,加埋少少Mustard Sauce同辣椒粉去調味,個味道又幾夾喎!   嚟得呢度,啲人都係食蛋治多,不過當然亦可以食到其他料理啦!好似呢個「茄汁漢堡扒野菜可樂餅」,單係個茄汁就非常講究,用咗完熟蕃茄調製,有好濃郁嘅蕃茄味。而漢堡扒同可樂餅嘅份量都幾大件,男士們食完都要捧住個肚走!   雖然呢度係一間Cafe,但座位就用餐桌座椅取代沙發位,唔使彎低個人食,食得舒服好多~   タロ コーヒー 地址:大阪府大阪市天王寺区東高津町3-10 1F
29
Mar 16
19:09
博客

【東京Cafe推介】嘆住食<<鬆軟厚Pancake>>

去旅行其中一件最滿足嘅事,就係唔較鬧鐘訓到自然醒,再悠悠閒閒咁食返個早/午餐。今日特別推介一間位於南青山嘅Cafe「West Aoyama Garden」,南青山屬於旺中帶靜嘅一區,能夠係度食吓嘢、傾吓計真係好寫意。   除咗環境同服務之外,吸引我嚟到West Aoyama Garden嘅係「鬆軟厚Pancake」,「鬆軟厚Pancake」最近登上Twitter人氣榜,受到唔少日本人熱捧,全因其賣相吸引之餘,食落仲好熱好鬆軟,大人細路都食到舐舐脷   Cafe外貌   室內環境,寬敞舒適   開門半個鐘,入座率已經有八成,不過就冇大排長龍   室外環境   室外可以食煙,同歡迎帶狗仔入去㗎(但為健康著想,都係唔好食咁多煙喇...哈哈)   花多眼亂...