博多
08
Nov 16
17:28
新聞

福岡JR博多站前發生地陷

緊急新聞 係日本時間5時15分左右、 福岡JR博多站前發生地陷 前往該區一帶人仕請留心安全 地陷巳擴大至近17X17米左右、深約6米 JR博多站前一帶亦受地陷影響停電   近2邊行人路中間開左個大窿。個窿愈黎愈大、可以見到交通燈都跌埋落去 亦見到大窿入面水管穿左、水不停咁流出。 而博多駅前街道全面禁止行駛。   而呢一段路家下進行緊福岡地下鐵七隈線延長工程!
04
May 17
23:26
博客

爭鮮價錢日本國產級數!博多「超平激新鮮」自助壽司!

日本有好多地方都可以食到平價壽司,但如果想平之餘仲要夠新鮮,咁就一定要去位於博多嘅「博多豊一」!由於喺正福岡中心地帶,所以交通都好方便,由天神駕車前往都只需10分鐘左右,就會到達「Bayside Place博多港」。   走入去灣岸市場就會見到林林總總售賣魚類、肉類、蔬菜等等唔同嘅攤檔。   而今次嘅目標「博多豊一」就係位於市場嘅其中一角。   遠遠見到咁多壽司就知今次大穫啦!一定會買勁多!   呢度嘅食材全部都係由長濱市場日日新鮮直送,平日大概有20款以上嘅壽司可以揀,週末嘅種類就更多,最重要係所有款式都係¥97,想食多幾款記得揀週末過嚟!   睇定想要啲乜,就可以攞個兜同夾開始夾!識食一定係食三文魚籽、海膽同中拖羅,包你一邊食一邊不停講真係好抵!   夾完之後就可以畀counter嘅工作人員點一
14
Jun 17
02:09
新聞

博多祇園山笠祭 7月1日至15日又返嚟啦!!

唔覺唔覺又差唔多7月啦,除咗煙花之外,7、8月亦係一段節慶祭典非常集中嘅日子。好似日本三大祇園祭、東北六大祭等幾乎都係7同8月舉行。而三大祇園祭之一嘅博多祇園山笠祭,今年將繼續於7月1日至15日,喺福岡縣博多市櫛田神社同博多區上川端町等地方舉行。 博多祇園山笠祭期間,「飾山笠」會設置於福岡市內,而今年大會就同『星球大戰』合作,於「飾山笠」非常有名,上川端通八番山笠背後嘅「送行」部分,可以見到『星球大戰』嘅特別版設計。 另外,今年博多運河城就配合「博多祇園山笠祭」,於7月1日至7月14日會以投影、光同水上演夜間限定嘅「山笠」SHOW,表演會每晚表演3次(20:00/20:30/21:00),每次約4分鐘。 如果係想跟足成個「博多祇園山笠祭」最精要嘅部分,就一定唔可以錯過由12日開始嘅一系列「追山笠」嘅節目。所謂「追山笠」,山笠其實係有分「飾山笠」同「舁山笠」兩種。前者可以成10米高,而於山笠背後嘅「送行」部分則裝飾有模仿武士或好似今年『星戰』等以當紅動漫或電影為題材嘅公仔。而「舁山笠」就係會由人抬住走嘅山笠。 今年由7月12日開始將進入祭典嘅高潮。因為當日就係「追山笠預演」。顧名思義「追山笠預演」就係為15日舉辦嘅「追山笠」活動進
15
Feb 17
18:08
博客

500系 TYPE EVA B-train入線報告

車長好耐之前出過一篇留有遺憾嘅世界記錄王者JR西日本500系新幹線嘅文章, 入面都有講過500系 TYPE EVA,一列型到爆嘅Crossover新幹線。 當然大把周邊產品,最注目都係3大日本火車模型生產商出嘅N Scale 500TYPE EVA模型。而上個月TakaraTomy旗下N Scale品牌TOMIX都正式出貨,終於都可以拎黎比較! 不過車長會講講Bandai旗下嘅Bトレインショーティ(B-train Shorty)出嘅N Scale (N Scale係指9mm 軌距大小1比150-160嘅鐵道模型)500 TYPE EVA先。B-train Shorty(大家會就咁叫B-Train,下面都會用B-Train表示),係Bandai喺2002年開始係進入日本N scale市場嘅産品。不過之前日本一直由KATO同TOMIX呢2間大廠佔市場,而1比160嘅火車模型對地小人多嘅日本大城市都係太過長,所以Bandai就將N Scale短縮化。而制造出Bトレインショーティ(B-Train)系列。之後成功打開咗個車卡長度較短嘅新市場。   不過B-train有2個缺點,第一個就係要砌,第二個要行的話,要另外再買動力佩件先可以行得。   今次B-Train嘅500 TYPE EVA,喺普通商店係好難買到,一定有貨的話最好喺網上買。Eva Store同JR西日本商事都仲有貨。 另外B-Train嘅500 TYPE EVA分為A Set同B Set。分別係頭四卡同尾後四卡,每Set售價都係4428円連税,要買晒A
19
May 17
18:10
新聞

博多魔法學校主題民宿

博多魔法學校主題民宿 成日都好憧憬魔法學校,成日幻想自己啲朋友仔都係魔法學校同學~呢間魔法學校主題民宿唔知幫唔幫到你呢~ 於2017年5月17日正式開幕嘅呢間民宿就係用某有名魔法主題電影作概念裝修!油畫、設施、用色都能呈現出魔法學校感覺~   佢有兩個臥室,單棟式,快啲call朋友仔一齊去啦~   民宿名:EXPECTED INN(エクスペクテッドイン) 地址:福岡県福岡市博多区博多駅前4-24-3 最多容納人數:16人 訂購:https://www.airbnb.com.hk/rooms/18478627
05
Sep 16
20:09
新聞

【新過關需知】日本法務省執行新措施力減旅客過關時間

相信去過日本嘅朋友都知道,有時(尤其是假期旅遊高峰期),喺日本機場等過關都幾費時。根據法務省調查,入境最長平均等候時間排首嘅係關西機場嘅38分鐘,其次係中部國際機場嘅26分鐘、羽田機場嘅24分鐘、以及成田機場嘅18分鐘。   面對持續上升嘅旅日人數,日本法務省宣布將會執行一系列新措施,當中包括緊急增加62名入國審查官,以及由秋天起引入可減省入國審查時間嘅機器BIOKART。新引入嘅可動式BIOKART將會設置於遊客排隊嘅地方,利用遊客排隊等候嘅時間事先採集遊客樣貌及指模情報。遊客嘅個人情報隨即會連同護照嘅資料一同傳送到櫃台,減省櫃台進行嘅手續。咁以後大家等過關就唔使等得咁辛苦喇!   連接多家廉航、24小時運作嘅關西機場因遊客數目急速上升導致入境情況混亂,另外一個重災區係連繫多架來自中國等地區郵輪嘅博多港口。緊急增加嘅62名入國搜查官將會被派到關西機場、成田機場以及博多港口。另外,關西機場亦會放置62台BIOKART,其餘19台暫時會先引入至高松、那霸機場。   舊年訪日人數達至1974萬人,比起2014年嘅1341萬人高出47.1%。日本政府就希望到2020年東京奧運嘅時候可以破到4000萬人,並希望2030年會達至6000萬人。作為遊客希望當日本政府期望咁高嘅時侯都要做好配套設施啦!
06
Jan 17
23:31
博客

【勁量級「海鮮塔丼飯」】 未食眼睛先興奮!

要食好野,緊係要去遠少少㗎啦!呢間位於福岡博多站駕車10分距離嘅「海輪亭」嘅海鮮塔丼飯「特上海鮮丼」無論係價錢定賣相都極度吸睛,¥1,800就可以一次過食到爆多新鮮好料,抵食到喊!不過提提大家,呢個丼飯只會喺上午11點半到下午1點半呢段午飯時段供應,唔好去錯時間!     「海輪亭」雖然下午專供丼飯同定食,但一到晚上就會搖身一變成為炭火燒肉同海鮮七輛燒專門店,風味同午飯時段截然不同。     當日定食嘅Menu嘅選擇其實唔算好多,不過都足以令你選擇困難,有鹽燒秋都魚定食、燒豚肉定食、炸豬扒定食、炸魚定食、炸蠔定食、三文魚籽丼,但呢啲通通唔係今次目標!     如果熟食唔係你杯茶,呢個Menu仲有好多唔同種類嘅海鮮丼,而今日嘅Target「特上海鮮丼」就喺左上角啦!     (°Д゚;) 咩事!?係咪海鮮唔使錢!!   個丼一上枱一定會唔小心嘩
01
Jun 17
02:34
博客

3日2夜新手遊福岡篇-Day2

Day1 重溫:3日2夜新手遊福岡篇-Day1 Day2 能古島→住吉神社→天神地下街→天神中洲屋台街   一朝早去博多站前A車站坐西鐵巴士到「能古輪渡站(渡船場)」落車,再轉船10分鐘就到 船票單程230yen、小童120yen,船最早5:15開出,每一小時一班,所以睇好時間準時到,唔係就要等好耐㗎啦!   終於到達能古島啦! 俾咗入場費後,一入去就見到好靚嘅花田~ 然後繼續行前就會見到個個好出名嘅絕景~ 就係呢到啦!一片花對住一望無際嘅海! 呢度唔同時期都會盛開唔同嘅花,所以幾時都可以嚟睇~ 亦有唔少人喺到一邊睇靚景一邊野餐~   能古島亦有少量食店,其中推介呢間
01
Jun 17
19:47
博客

3日2夜新手遊福岡篇-Day3

Day1 重溫:3日2夜新手遊福岡篇-Day1 Day2 重溫:3日2夜新手遊福岡篇-Day2   嚟到最後一日啦! Day3  太宰府天滿宮→光明禪寺→福岡塔   太宰府天滿宮 有當地人話,未去過太宰府天滿宮唔好話自己去過福岡! 太宰府天滿宮有學問之神菅原道真,非常有名 坐西鐵電車到太宰府駅行5分鐘就到~ 每逢考試都有好多人嚟呢度寫絵馬祈求保佑 入面呢個御神牛,摸你想治療嘅部位就會康復 如果摸頭嘅話就會令你聰明,好多人都專程嚟摸佢個頭㗎~ 太鼓橋 行過呢條太鼓橋就可以去到本殿,而呢度有3道橋有3個意思,「過去」「現在」「未来」,行完有邁向未來嘅意思~ 所以要注意!!去完本殿之後千萬唔可以行返呢條橋走,代表回到過去不能向前嘅意思!記住行池周邊嘅路返去
12
Nov 16
00:59
新聞

下年3月開始JR全國Pass可以喺日本國内購入

喺2017年3月8日開始,JR全國Pass可以喺日本國内16個指定車站或機場車站購入。   以前只可以喺指定旅行社買換票証,之後要到日本時再換返JR Pass,試過有外國客換唔到。(原因有錯名及過期) 下年開始就可以喺日本國内直接購入JR Pass,但係會比喺外國買個陣貴少少、7日普通Pass要33000円,21日Green Pass要90000円。   可以買到JRPass車站有札幌站、仙台站、新潟站、東京站、新宿站、横濱站、名古屋站、大阪站、廣島站、高松站、博多站、新千歳機場站、成田機場站、成田機場第2大樓站、東京單軌羽田機場國際線大樓站同關西機場站。   日本國内買JR Pass個計畫會試1年、之後再檢討。   但係之後18年3月31日開始,喺日本有永住資格嘅人唔會再買到JR Pass。   車長個人認為係方便咗~至少JR Pass換唔到個陣都可以再立即買返張!