千葉
14
May 16
00:05
博客

[不敗日記]金爆工作展報告

話說,之前喺千葉PARCO就舉行金爆工作展,有巴打絲打去唔到,叫我幫手影多d相返嚟! 咁我就一放假,即刻衝去千葉!!! 好好彩,最後一日,俾我去到!重新!呢個展覽已經完咗!係完咗!明年請早!!! 不過,東京去千葉真係好遠,狂轉車==" 嘛…搭錯車,又miss站,搞到成兩個鐘先到千葉= ="" 如果唔係因為金爆,我應該唔會專登去千葉!!!   唔洗錢入場!十萬個感動!對於窮撚飯嚟講,真係超感謝金爆! 雖然見唔到真人,但係可以近距離睇佢地嘅嘢,已經係好幸福!!!   同場,本身有Bass手歌廣場淳設計嘅飾物賣㗎! 但係店員話第一日發賣時,已經極速完賣喇!我聽到個一刻,真係喊出嚟! 唉…唔洗食酸辣粉都已經夠傷心喇…都係入會場睇嘢吧啦!   其實,呢個展覽會,基本上係show佢地之前用紙皮箱整出嚟嘅嘢~ 一入會場,就見到呢隻象仔XDDDDD   一個轉身射個三分波,就俾我見到鬼龍院翔嘅人形紙牌。  
08
Aug 16
19:08
博客

手信推介:Q彈軟滑 開運七彩啫喱肥皂

今日Mika又帶大家嚟到千葉嘅成田表參道搵當地名物啦~ 雖然日常生活之中,一早已經清楚明白日本人對乾淨嘅堅持,之但係將肥皂當成「聖物」咁「供奉」嘅「さぼんさま」(Sabonsama)開運啫哩肥皂專門店仍然係再一次令Mika大開眼界!   由於依間鋪頭超受歡迎,人頭湧湧,離遠淨係見到牆上面嘅超夢幻發光籐袋,諗都諗唔到原來係賣肥皂!   肥皂有好多種唔同顏色,每一隻顏色都有自己獨特嘅氛香同寓意㗎!     例如琥珀(橙色)嘅代表神明係不動明王,可以增強整體運情,有金木犀嘅香味; 江戶紫嘅代表神明係觀音娘娘,可以保家庭安全,有淡淡嘅鈴蘭香味; 蒲公英(淡黃色)嘅代表神明係虛空藏菩薩,可以滿願成就,有好清爽嘅柚子+蜜桔嘅味道; 紅乃赤嘅代表神明係愛染明王,有提先戀愛運嘅神奇功效,有香而不俗嘅玫瑰味,係Mika最鍾意嘅味道!   店面有好多洗手盆比你試洗~一拎上手,終於都知道點解依個波波肫皂咁受歡迎! 原來佢係非常之咁軟綿綿,滑劣
10
May 16
22:34
新聞

日本千葉秘境推介,濃溝の滝夢幻如畫!

每次去東京成田機場落機都會經過千葉,但又好少會特登去行下。 而《濃溝の滝》就位於日本千葉縣,離東京一個多小時車程。 不過原來千葉縣君津市清水溪流公園有個咁夢幻嘅地方!好似去咗魔戒嘅世界呀~ 睇相啦,下次大家可以去散下心喎~   黃昏成個水面變成金黃色,超級夢幻   唔係黃昏一樣咁靚   小溪流   春天開滿綠葉   秋天就變紅葉   濃溝の滝 地扯:Sasa, Kimitsu, Chiba Prefecture 292-0526日本
13
Apr 17
20:21
新聞

【日本酒專門店進駐千葉!】100種酒任飲任試!

日本酒專門店「KURAND SAKE MARKET(クランドサケマーケット)」將於4月21日進駐千葉,到時只要畀¥3,000入場費,就可以無限任飲店內100款以上唔同種類嘅日本酒,最正就係冇時間限制,想飲幾多就倒幾多,仲可以自攜食物,啱哂樣樣酒都想試吓嘅人! 喺100種日本酒入面千葉縣嘅地酒就佔咗12款之多,而店內亦提供100款來自姊妹店嘅燒酌專門店「HAVESPI」嘅燒酌俾大家任試。   而為咗慶祝新店開張,喺4月21日至30日期間入場費除咗比平時平咗¥500之外,仲可以試到千葉旭鶴嘅特別限定酒「旭鶴 大吟醸しずくしぼり結」,頭150名客人更加可以穫贈千葉地酒一支,有得飲有得拎,就算唔識飲酒都會想去開吓眼界!   KURAND SAKE MARKET 船橋店 地址:千葉県船橋市本町4-40-23 1F奥 營業時間:星期一至五 17:00~23:00;星期六日及公眾假期12:00~16:00、17:00~23:00 官網:kurand.jp/sakemarket/  
11
Oct 16
05:41
博客

懸掛式單軌電車、飛一般嘅體驗

係上野動物園入面個個懸掛式單軌電車大家只會覺得似遊樂設施 其實係東京都係50年代研發、用黎改善東京都交通。所以真名係東京都交通局上野懸垂線。 造成懸掛式係因為路面電車會做成交通擠塞、地下鐵成本過高、而普通嘅單軌鐵道又因路軌高度過低、重心過高、離心力太強而影響左舒適度、所以参考左德國伍珀塔爾空中鐵路而設計出上野式單軌電車。 但係結果東京都無再起新單軌鐵道。。。 係另一方面、 東京下面嘅神奈川大船地區 就因為地方工業三菱重工想出售其下懸掛式單軌技術、就起左湘南單軌江之島線(大船至湘南江之島)   車長有段時間經常去江之島、通常坐JR去到大船再轉湘南單軌。 有個Pass幾好用(鎌倉-江ノ島パス(JR)包江之電全線任坐、湘南單軌全線任坐同JR横須賀線大船⇔鎌倉任坐)、 坐湘南單軌去江之島係最快~~ 坐湘南單軌似飛緊多過坐鐵道、好得意 個人認為佢係香港西港島線最好嘅選擇 原因
21
Nov 16
17:42
新聞

23日晩去到24日去東京要帶多件衫,有機會落雪

由於有強寒流及低氣壓吹襲, 23日晩去到24日日本氣象廳預計關東有機會落雪。 今次東京真係落雪的話,將會係54年以黎東京咁早係11月落雪。 而氣温有機會跌至零度或以下,所以去東京,千葉,埼玉及神奈川嘅朋友要帶多件衫喇! 同埋因為今次第一場雪比往年早得多,以車長所知關東鐵路公司有機會未可以應付咁早落大雪,延遅機會率都幾高。 所以車長建議呢幾日要坐火車,高速巴市或飛機嘅朋友要早啲去坐車去車站,巴士站及機場喇!   另外香港都係呢幾日有冷鋒,所以香港嘅朋友都要着多件衫出街,小心冷親!
05
May 17
01:57
博客

關東地區5月~7月花田集合

春天櫻花季完咗,迎接初夏嘅花田~5至7月推介嘅美景花田~! 玫瑰 京成バラ園 / 千葉県, 横浜イングリッシュガーデン / 神奈川県 紫陽花 明月院 / 鎌倉(神奈川県), 小田原城址公園 / 神奈川県, 国営昭和記念公園 / 東京都 薰衣草 たんばらラベンダーパーク / 群馬県, 佐倉ラベンダーランド / 千葉県 向日葵 大岩フラワーガーデン / 群馬県, 座間市ひまわり畑 / 神奈川県, 成田ゆめ牧場 / 千葉県   【玫瑰】 京成バラ園 / 千葉県 花期:5月頭~ 關東玫瑰出名嘅地方千葉縣「京成バラ園」係關東最大嘅玫瑰園~ 爭相綻放嘅玫瑰花襯托附近有售嘅玫瑰雪糕,非常養眼~ 京成バラ園 千葉県八千代大和田新田755   横浜イングリッシュガーデン / 神奈川県 花期:5月頭~ 關東另一個玫瑰出名嘅地方「横浜
17
Nov 16
19:47
博客

JR東日本年尾通宵車及新年日出號

JR東日本發表咗年尾通宵車及新年日出號嘅資料 年尾31日喺東京嘅朋友要留意喇 先講咗年尾通宵車先   1月1日首都圏零晨班次 ・山手線内回り(内圏) 1點至5點左右維持約12分鐘一班・山手線外回り(外圏) 1點至5點左右維持約10分鐘一班   ・京濱東北・根岸線(大宮~桜木町 ) 1點至4點左右維持約30分鐘一班 ・京濱東北・根岸線(桜木町~大船 ) 1點至4點左右維持約60-80分鐘一班   ・中央・總武線(各站停車,中野~千葉 ) 1點至5點左右維持約20-50分鐘一班   ・中央・快速線(各站停車,東京~高尾,東京至中野各駅停車) 1點至5時左右維持約20-40分鐘一班   ・埼京線(大崎或新木場~大宮 )1點至5點左右維持約60分鐘一班、同臨海線作直通運轉   ・京葉線(東京~海浜幕張)1點至5點左右維持約15-30分鐘一班(廸士尼開通宵、所以班次最密)・京葉線(海浜幕張~蘇我)1點至5點左右維持約45分鐘一班 ・京葉線(東京~西船橋) 12點半至5點左右維持約45分鐘一班
18
Nov 16
19:45
博客

2016關東,東海同近畿入場式Countdown精選

又到年尾嘅時候 巳經有人問緊喺大阪有乜Countdown好去嘅! 所以車長先集合關東,東海同近畿地區主要入場式Countdown介紹吓先。 由北到南數!   1.大江戸温泉物語 大江戸カウントダウン(大江戸温泉物語 ​大江戸Countdown) 年年大江戸温泉物語都會喺台場個大江戸温泉物語倒數。 呢度好處係離東京都心最近,同埋幾凍都好,之後可以跳返落去浸温泉暖返晒!   ・名稱: お台場 大江戸温泉物語  ・地點: 東京都江東区青海2-6-3 ・倒數時間: 23:45~24:00 ・電話號碼: 03-5500-1126 ・收費:大人 2,936円(夜晩6點後入館,會以特定日料金計算算) ・公式網站URL: http://www.ooedoonsen.jp/     2.東京ディズニーリゾート・ニューイヤーズ・イヴ(東京迪士尼渡假區新年前夜) 迪士尼樂園同迪士尼海洋世界年年都會搞倒數,仲有煙花、燈光及音樂匯演, 不過個晩要買特別飛,先至可以係31夜晩8點玩到1
14
Oct 16
20:08
博客

【去邊好】日本激靚天空之鏡

世界上最出名嘅鹽湖係位於玻利維亞嘅烏尤尼鹽湖,喺每年12月到3月雨季期間,烏尤尼湖會反映出天空倒影,做成海天一色,極之迷人。     不過去呢個地方坐飛機去都要成幾十個鐘,唔係個個都抽到時間特登走去睇。不過唔緊要!話你知日本其實都有啲靚到同烏尤尼湖有得揮嘅超級靚湖景,而且仲唔算難去,只要預啱時間帶埋腳架,影完放上fb、ig,一定個個都會問你喺邊度影!     1. 江川海岸@關東千葉     江川海岸最出名嘅就係海中間嘅電柱,喺呢度影相記得留意潮漲時間,大家一定要把握潮漲嗰黃金一小時先可以企埋啲電柱側邊影相,如果太早去只會見到「天空之泥」,太晏去又只會見到一片汪洋,入唔到去影靚相㗎啦!同埋要趁冇風一刻影,如果唔係好容易會影到啲泥。   仲有,記得著水鞋去,出發前亦最好記低酒店電話,咁回程嘅時候就可以請酒店幫你call的士返去啦~   係咪有啲《千與千尋》feel呢!好多人就係因為覺得佢似《千與千尋》入面千尋同無面人坐火車嘅場景,所以特登嚟影相㗎啦!