北海道
15
Mar 18
00:53
博客

《北海道導遊》EP.6 北海道新千歲機場 必食必買手信11選

機場除咗係搭飛機嘅地方,仲係一個畀大家臨上機前衝刺買手信嘅地方!!!!以下小編精選咗11樣北海道新千歲機場國內線航廈2樓嘅必買手信,下次去個陣記得跟住嚟買啦~~   新千歲機場限定 : #1 新千歲發 180円 「新千歲發」個名好似新年菜式咁,其實係一款白朱古力夾心批嚟~依款甜品係由名店「六花亭」同新千歲機場聯合出品,講到明「新千歲發」就緊係喺新千歲機場先買到啦!新千歲發外層嘅酥皮脆卜卜,入面冰凍嘅藍莓果醬白朱古力食落有少少似乳酪咁,酸酸甜甜,好清新㗎~如果想帶返香港做手信,可以同店員講想要乾冰帶走,不過大家都話即買即食最好食,更加有人話因為要即刻食先食得出個酥皮嘅鬆脆口感,所以講笑話依個批嘅最佳賞味期限只有 10 分鐘㖭!   販賣店舖:スカイショップ小笠原 營業時間:7:00~20:30 ------------------ #2 迷你小熊冬甩 盒裝7件 950円 #3 招財貓冬甩 390円 #4 朱古力字句冬甩 390円 日本人非
07
Mar 18
22:10
博客

《北海道導遊》EP.5 任點各種高級刺身 和商市場勝手丼

位於北海道釧路嘅和商市場可以話係釧路居民嘅大廚房,佢同函館朝市、札幌嘅二條市場合稱北海道三大市場,好巴閉㗎!和商市場入面有大約60間舗頭,當中有賣新鮮海產、肉類同野菜等等,而其中和商市場最出名嘅,就係「勝手丼」啦! ------------------------- 是甚麼勝手丼? 「勝手」喺日文入面指「任意」、「隨便」,勝手丼就即係大家可以隨便點自己鍾意嘅刺身放上個飯上面嘅丼飯啦~ ------------------------- 怎樣買勝手丼? 步驟一:買飯 首先大家要去買個飯!!!唔好睇少買飯依個步驟啊,因為冇飯就冇碗,冇碗就點唔到刺身㗎啦w 飯嘅價格會隨住飯量多少而增減,大家可以揀100円、150円、200円、250円、300円嘅飯,加50円仲可以將普通白飯轉成醋飯(壽司飯)㖭!另外本身味噌湯盛惠150円,但係如果你已經買咗飯,就可以憑住個筷子套用100円去換味噌湯,咁你就唔洗拎住碗湯買刺身,仲有50円優惠㗎~   步驟二:買刺身
01
Mar 18
02:05
博客

《北海道導遊》EP.4 新千歲機場30分鐘直達 札幌三井OUTLET PARK

日本OUTLET出名平靚正,啱晒各位購物狂!今次同大家介紹依間三井 OUTLET PARK 札幌北廣島,唔只平靚正,交通仲非常方便,臨返香港前去血拼就啱晒啦~ 北海道最大型OUTLET 180家店舖任你逛 三井 OUTLET PARK 札幌北廣島,係全北海道最大型嘅OUTLET,分為主幢CLOVER MALL同MAPLE MALL,2個MALL加埋一共有177間店舗咁多!OUTLET內大部分店舖都有約4~7折優惠,另外仲有得免稅或退稅,真係幾抵買㗎! CLOVER MALL一樓有唔少香港人都熟悉嘅名牌,例如ANNA SUI、COACH等等,另外家品雜貨店例如FRANC FRANC同LE CREUSET亦都可以喺一樓搵到~二樓有比較多運動品牌,例如ADIDAS、REEBOK等等~至於喺MAPLE MALL嘅商品多數比CLOVER MALL嘅平價少少,想買嘢又怕荷包大出血的話不妨轉戰MAPLE MALL~ ------------------------ 大型美食廣場 各類餐廳應有盡有 一個成功嘅OUTLET最重要就係有美食廣場,因為等大家行到攰可以食啲嘢叉叉電,然後去買更多更多嘅嘢w(誤)。而三井 OUTLET PARK 札幌北廣島美食廣場大到有成700個座位咁多,唔洗怕同人逼要爭位坐之外,餐飲仲有好多選擇!想食日式料理可以揀札幌拉麵、魚生飯、蕎麥麵、天婦羅…唔想食日式,亦都有其他選擇,緊有一樣包你滿意~ ------------------------ 交通方便 一程巴士直到
07
Feb 18
23:55
博客

《北海道導遊》EP.3 企鵝散步 體感浮冰 6個北海道必去景點

北海道地大物博,每個地區都有好多好嘢玩㗎!今次小編就精選咗6個位於札幌、旭川同網走嘅必去景點,無論係室內定室外、水上定陸上都有齊,總有一處啱晒你心水~   屋頂上的摩天輪 晀望札幌美景 位於札幌嘅百貨公司NORBESA嘅頂樓並唔係一個普普通通嘅屋頂,而係起咗個摩天輪NORIA畀大家欣賞札幌嘅美麗景色!位於札幌市中心嘅摩天輪直徑45.5米,距離地面78米,每架車入面可以坐4個人~摩天輪轉一圈大約10分鐘左右,大家可以喺摩天輪入面晀望到札幌美麗嘅街景,咁啱落雪的話仲可以喺飄雪之下欣賞夜景,好浪漫啊! --------------------------------- 觀覧車ノリア 地址:北海道札幌市中央区南3条西5丁目1-1 價錢:一周600円     兩周800円 營業時間:平日及星期日:11:00~23:00      星期五、六及公眾假期前夕:11:00~翌日3:00 --------------------------------- 旭川旭山動物園 必睇冬日限定企鵝散步 每年11月中至4月頭左右,每日朝早11點同下晝2點半,去旭山動物園都有得睇帝皇企鵝喺雪地散步!企鵝仔每次散步大約會喺園內行500米,大約行30分鐘左右~當一開閘啲企鵝仔扭住patpat行出嚟時,大家就可以陪佢地一齊散
01
Feb 18
00:18
博客

《北海道導遊》EP.2 魚生 燒肉 甜品 札幌美食之旅

札幌美食真係數之不盡!今次介紹依3間餐廳喺當地都係好有口碑嘅名店嚟,大家快啲抄低筆記啦~   海鮮処 魚屋の台所 重量級高質魚生飯 「海鮮処 魚屋の台所」嘅本店位於有「札幌的廚房」之稱嘅二条市場,店內幾乎所有海鮮都係來自北海道當地嘅海產㗎~依到除咗受過好多當地媒體嘅訪問之外,喺當地人之間嘅口碑亦都相當之好,小編今次就嚟試食咗兩個招牌海鮮丼上級海膽丼加三文魚籽同上級海鮮丼~ ------------------------------- 上級海膽丼加三文魚籽(上級海膽丼3500円,加三文魚籽500円) 大家可能會好疑惑,上級海膽丼加三文魚籽同海膽三文魚籽丼(3500円)有咩分別呢?答案就係海膽份量上嘅分別!海膽三文魚籽丼嘅飯面有一半海膽,一半三文魚籽,而上級海膽丼加三文魚籽嘅飯面就鋪滿晒海膽,即係佢嘅海膽份量比海膽三文魚籽丼嘅海膽多成倍!!好抵啊~~兩款丼飯嘅海膽都一塊塊好分明,非常鮮甜;三文魚籽咬落去仲會有爆汁效果,好味程度10粒星! ------------------------------- 上級海鮮丼(3000円)
25
Jan 18
03:44
博客

《北海道導遊》EP.1 ICE LAND阿寒湖 香蕉船 冰上活動任你玩

冬日限定冰上樂園 「ICE LAND阿寒」 冬天去北海道,一定要玩返幾種冰上活動先不枉此行!位於北海道釧路市嘅阿寒湖一帶氣溫非常之凍,每年冬天湖面都會結成一片厚厚嘅冰原,而「ICE LAND阿寒」就係每年阿寒湖面結冰時先有嘅冬日限定冰上樂園啦! ----------------------------------------------- 6款冰上活動 大人細路都啱玩 ICE LAND阿寒依到有6大款冰上活動可以參加,唔需要畀入場費,淨係買自己想玩嗰樣活動嘅飛就可以㗎啦~6款冰上活動包括冰上電單車、冰上四輪電單車、冰上香蕉船、平地滑雪、溜冰同天然冰洞釣魚。依到所有活動都開放埋畀小學生參加,啱晒一家大晒嚟玩! ----------------------------------------------- 3種必玩冰上活動推介 1.冰上香蕉船 瘋狂甩尾好過癮(大人500円 小童300円) 冰上香蕉船架船其實同海上面嗰啲香蕉船係一樣嘅,但係玩落感覺就好唔同!第一次試玩冰上香蕉船,師傅係咁整到㗎船香蕉船向左轉彎300度再向右轉彎300度,成個人好似喺冰上飄移咁,好刺激!提提怕凍嘅朋友記得要帶返條頸
04
Jan 18
22:57
博客

NHK教你落雪防跌 6個易跣地方要注意

生活喺唔會落雪嘅香港,唔少人可能計劃冬天去日本旅行欣賞白雪美景。不過因為唔慣喺雪道行走而導致意外發生嘅情況亦都好常見。一齊睇下日本國營電視台NHK嘅防災特輯點講啦! 容易跣倒嘅6個地方 1.斑馬線 斑馬線嘅油漆令雪難以滲入,所以有時斑馬線表面會有一層冰。 2.巴士、的士車站 由於有好多人上上落落,所以上落位嘅積雪會踩到實咗,特別容易跣親。 3.行人路、車路之間 行人路同馬路之間嘅級位特別容易積雪,而店鋪門口嘅積雪亦都被踩實。 4.斜路、天橋 斜路特別跣,而天橋上面嘅雪比較難融化。 5.行人路兩側 積雪令人睇唔清楚行人路同馬路嘅界線。要小心唔好踩到兩邊坑渠。 6.磁磚上面 行完雪地入到室
04
Jan 18
01:02
新聞

北海道年頭又係雪嘅世界! 五大雪祭懶人包!

一到年頭,北海道呢個白色世界又要熱鬧起來!皆因每年1、2月都係北海道嘅「雪祭期」。北海道各地不同雪祭,除了各種冰雕及雪景外,仲會玩點燈、點蠟燭同放煙花,名副其實「冰火嘉年華」,亦因此每年都會吸引以百萬計遊客遠走北海道。今次就同大家介紹一下北海道不同地方的祭典,讓大家去北海道時有更多行程參考。 1. 札幌雪祭 作為北海道最有標誌性的雪祭,每年都吸引海內外數以百萬計的遊客到來,祭典分為三個會場,大通會場(冰雕展覽)、薄野會場(冰雕活動)及TSUDOME會場(冰雪滑梯),整個會場會有約250座大大小小的冰雕雪像。當中最出名是位於市中心的大通公園會場,全長1.5公里的會場會成為一個夢幻世界。 往年的札幌雪祭 地點:大通會場(大通公園1~12丁目)、薄野會場(南4條通~南7條通的西4丁目線市道)、TSUDOME會場(札幌市體育交流設施COMMUNITY DOME) 舉辦期間:大通會場(打燈至22:00)薄野會場(打燈至23:00,最後一天至22:00)5/2/2018~12/2/2018、TSUDOME會場(9:00~17:00)1/2/2018~12/2/2018 前往方法:大通會場(乘坐地下鐵南北線、東西線或東豐線到大通站下車,薄野會場(乘坐地下鐵南北線到すすきの站下車),TSUDOME會場(乘坐地下鐵東豐線到栄町站下車) 官網:http://www.snowfes.com/index.html ===============
12
Dec 17
01:26
博客

Club Med 北海道滑雪初體驗

每次要諗一家大細去旅行嘅時候,最煩就係要照顧同行嘅長者同小朋友,究竟點樣先可以令佢哋玩得開心自己又可以一齊享受?我諗好多家長都有呢個煩惱。 上網查過好多資料,知道 Club Med 係一間全包同埋主打一家體驗嘅度假村,所以就參加左 Club Med 四日三夜北海道滑雪package。依家就等我分享四日三夜嘅行程: 第一日: 搭八點鐘嘅直航飛機由香港出發直接去北海道新千歲機場。機程大約四小時。落機之後,大約係日本時間一點左右。今次我哋係住係 Club Med Sahoro ,位於北海道中心,由新千歲機場大約有兩小時車程。所以我決定哋先喺機場食一個午餐。食完午餐之後,就去搵到 Club Med 一個 counter,去登記之後就會有專車接送去到酒店。 由於北海道大概四點幾已經開始天黑,所以喺車程我哋可以見到有日落嘅雪景。經個兩小時嘅車程,去到酒店時已經入黑。 對於一個香港人來講,落車嗰一刻真係好凍,不過見到成呎厚既積雪,一切都係值得。重點係一落車已經聽到AKB嘅首本名曲恋するフォーチュンクッキー,即刻成個人開心晒。 好重點黎啦,一落車會有酒店嘅服務人員帶你去counter check-in,你啲屋企人呀小朋友呀會有「GO」招呼,我做爸爸嘅只需要去到counter搞手續就可以。 咩係 GO? GO(Gentils Organisateurs),係一個幫你安排活動嘅人員。除安排活動之外,佢哋仲會照顧你行情每一個細節,同你傾計,講真我開頭都唔係好習慣,但老實講佢哋真係好親切同埋當你朋友一樣。基本上呢啲GO對於一家大細來講係好重要,點解?因為當你有屋企人唔清楚點樣去玩嘅時候,佢可以直接問GO,而唔需要煩到我,唔需要煩到我,唔需要煩到我,呢個係重點,好重要所以要講三次。
14
Nov 17
03:22
博客

遊北海道慳錢大法!北海道鐵路周遊券

冬天就到啦!相信唔少人都諗緊去邊到渡假,而北海道一向都係唔少香港人冬天渡假的首選。不少人到北海道都選擇自駕遊,但如果沒有車牌的該怎麼辦XD? 接下來介紹的「北海道鐵路周遊券」,可在指定日數無限次搭乘JR北海道線的所有列車(普通、快速、急行、特急)的自由席,以及部份JR巴士路線。不過,北海道新幹線就不包括在內。各位如果想由北海道去東京或來回兩地,可以推薦大家購買「JR東日本.南北海道鐵路周遊券」(傳送門)。 一張pass就可以玩盡整個北海道,十分適合旅程集中攻打北海道的旅客。JR北海道幾乎覆蓋整個北海道,即使要去小樽﹑富良野等等景點亦可以一張pass搞掂。(巴士方面則只可以乘搭札幌市內行駛的JR北海道巴士) 特別留意:不能搭乘道南ISARIBI鐵道線、札幌市營地下鐵等其他公司經營的區間。 價格: 「北海道鐵路周遊券」分三日、五日、七日和四日任用券(於購買・兌換當日為第一個使用日,之後十日內再可任選三日使用) 三日用:成人16,500日圓   兒童(6-11歲)8,250日圓 五日用:成人22,000日圓   兒童(6-11歲)11,000日圓 七日用:成人24,000日圓   兒童(6-11歲)12,000日圓 四日任用券:成人22,000日圓   兒童(6-11歲)11,000日圓 旅