21
Jul 17
18:55
新聞

『ONE PIECE』決定拍美劇!!

近年將ACG實寫化同輸出海外就已經唔係咩驚人嘅事,由日本自己搞出嚟嘅『冰菓』到『銀魂』、『齊木楠雄的災難』甚至『JOJO』,到輸出海外嘅『死亡筆記』,以至最近話會搞嘅『三國無雙』同『棋魂』等等,真係數都數唔晒。終於,連國民級人氣漫畫『ONE PIECE』都決定:拍‧美‧劇! 呢個消息就係於喺東京芝公園「東京ONE PIECE TOWER:ONE PIECE LIVE ATTRACTION」當中嘅『少年JUMP』連載20周年紀念活動記者會上,由總編中野博之宣佈山嘅。據稱新劇將會由負責『逃』嘅tomorrow studios製作,中野博之仲好有信心話出嚟嘅成品唔會「整臭」『OP』個名喎。大家話期唔期待先?
30
Nov 16
19:21
新聞

到底真定假?坂口健太郎與高畑充希戀情曝光 事務所否認

24歲嘅女演員高畑充希同25歲嘅大熱鹽面男演員坂口健太郎被爆已經正式交往半年有多!兩人曾於NHK晨間劇《當家姐姐》飾演情侶、亦喺日劇《那一年我們談的那場戀愛》同場演出。今朝就有日本傳媒報導兩人由舊年年尾到今年年初起關係越來越親密,更指佢哋其實已經拍咗半年拖添!   (NHK晨間劇《當家姐姐》劇照)   不過粉絲又唔使心碎住...雙方事務所已經即刻發表聲明指對方都只係朋友關係,完全否認咗戀情~不過兩位都係依家上緊位嘅新晉演員,就算戀情係真嘅都一定唔會公佈架喇。   新聞來源:Yahoo.jp、Oricon
19
Oct 16
19:35
博客

好消息?日本2019年可以全面係網上睇電視?

以前喺海外想睇日本電視,免費就解像度差到不得了(大時大節仲要窒到唔睇好過睇)。 收費就月費貴到飛起,仲要買個超貴嘅專用TV Box同交一年費用。萬一間公司執左,咁就欲哭無涙...結果為荷包安全都喺要搵Download先得。   家下算喺好少少,有提供大概月費200左右兼可以毎個月畀嘅服務。車長都用緊,但最怕之後又無得睇...   未來呢?可唔可以喺香港睇到就未知道,但至少喺好消息先~今日朝日新聞報導,日本総務省決定禁止電視節目喺網上同時同歩嘅放送法,將於2019年全面解除。   即係話,以後各電視局可以自由決定喺咪好似香港咁,喺電視台網站直播Live!   其實唔只香港,連日本都越黎越多屋企無電視得電腦嘅家庭,総務省希望可以吸引番無電視族睇電視~~ 好似美國Netflix咁,無論係電視、電話、遊戲機定係平板電腦都可以睇到!   叧外家下不論喺咩地方,都只能睇當地電視台決定播嘅節目。以後不論喺日本咩地方,都可以睇到全日本嘅電視節目喇!! 不過喺香港睇唔睇到就喺另一回事。 有機嘅,有機嘅!  
12
Feb 16
21:44
博客

日本新世代清純勢力

仲睇緊堀北真希?out啦!人地婚都結左,唔好再ff啦~ 唔緊要,唔洗失望,等我介紹下日本新上位嘅清純女星啦~ 廣瀨鈴 17歲 嬴得「Miss Seventeen」模特兒大賽而入行。電視劇初主演係同神木隆之介合作嘅《學校的階梯》。最近憑電影《海街日記》獲得三項電影新人獎。 小芝風花     18歲 出演真人版電影《魔女宅急便》而為人熟悉。係播映中嘅NHK晨間劇《阿淺來了》古裝打扮大獲好評。 土屋太鳳   21歲 係「Miss. Phoenix」選秀活動中脫穎而出。一開始以模特兒工作為主。後來爭取到成為NHK晨間劇《希》嘅女主角。最近係電影《圖書館戰爭》中飾演失聰後不再講野嘅少女亦有亮眼表現。 有村架純 22