刨冰
07
Sep 17
00:24
博客

日本7-11,超香濃抹茶甜品「宇治抹茶刨冰」

日本7-11抹茶甜品大受好評,在即將結束的夏天時期,居然推出了宇治抹茶冰!    刨冰上撲了抹茶雪糕、蕨餅、以及超大粒的大納言紅豆,是一個充滿日本傳統風味的甜點! 一打開蓋子立刻驚呼,外觀配色滿分,配料超多超豪華! 實際吃起來的絕妙平衡滋味,喀哩喀哩的細冰,柔軟滑順的雪糕、超有存在感的大顆紅豆和白玉湯圓,再用有彈力的蕨餅點綴,把所有美味濃縮在一起。 雖然價格348円有點偏高,但付的心甘情願啊! 吃到一半會發現有黑糖蜜湧出,甜蜜包覆味道清淡的抹茶刨冰。就算把上面的配料都吃完了,只吃刨冰也不會感覺膩,冰涼的抹茶配上淡淡細緻的苦澀茶味,讓人不禁懷念起剛度過的盛夏時期! 這款宇治抹茶冰份量十足,吃完很有飽足感。 一口冰一口配料,配上無糖綠茶,是我最推薦的吃法,或是一開始就將所有東西攪拌在一起,也是一個不錯的選擇!   售賣地點:日本全線7-11 價錢:323円
25
Jul 17
19:28
博客

【中目黑話題刨冰店「FUWAGORI」】¥500即試名店店主作品!

最近喺中目黑目黑川沿岸出現咗一間期間限定嘅話題刨冰店「FUWAGORI」,老細竟然係城中知名馬肉專門店「Roast Horse」嘅店主!「Roast Horse」出咗名製作認真質素高,睇吓今次同樣出自佢手嘅刨冰係咪一樣高質素先~   「FUWAGORI」開設於距離中目黑站只有數分鐘步行距離嘅目黑川沿岸,利用只於晚上先開業嘅食店前嘅位置,為大家提供超消暑刨冰。   店舖雖然話由12點開到夜晚6點,但由於刨冰非常搶手,下晝4點好大機會已經賣哂兼閂門,所以想試最好早少少去。仲有就係落雨天店舖一樣唔開,如果去緊嘅途中落雨,要做定冇得食嘅心理準備。   除咗名店店主主理係一大賣點,¥500就可以食到份量級刨冰都係另一看頭!由於刨冰以特別訂製嘅機器製作,刨冰質感好明顯比坊間嘅更幼滑呈雪粉狀,入口瞬間化開。   刨冰一共有Tiramisu、草莓牛奶、薄荷朱古力3種味道,店主話之後可能會嘗試製作更多唔同味道,所以想試試現有嘅味道就唔好猶疑,呢幾日即刻去走返轉!   3款之中最清爽嘅就係呢個薄荷朱古力味道,薄荷朱古力刨冰上除咗有大量朱古力粒
13
Jul 17
22:29
博客

東京消暑呃like!5大最靚刨冰

夏天日本食野大家會唔會都諗起刨冰呢?原來日本食刨冰都好多款好講究!今次就介紹東京5間又靚又正嘅刨冰俾大家去消消暑! 1)はいむる珈琲(Haimuru coffee)/武蔵小山 第一間介紹係位於武蔵小山嘅はいむる珈琲,係一間提供拉麵同刨冰嘅店~多數人會喺到食完拉麵再食刨冰 刨冰用心製作,好似蛋糕咁靚咁可愛   「姫」 個名已經好可愛~草莓味刨冰加入蜜糖忌廉芝士呢個黃金組合真係超正!   はいむる珈琲 武蔵小山店 地址:東京都品川区小山2-16-1 ローズハイツ101 營業時間:11:30~19:00 逢星期一休息   2)Bum Bun BLau Cafe with BeeHive/旗の台
19
May 17
19:39
博客

每年夏天必大排長龍刨冰屋「ひみつ堂」

每年夏天必排長龍刨冰屋 位於東京谷中銀座商店街一間刨冰屋「ひみつ堂」,每年夏天都排哂長龍,熱辣辣都肯為咗佢排隊,證明佢真係好好食! 門口已經覺得好可愛~ 好多人排隊啊! Menu每日唔同,手寫再加一啲畫畫說明,好可愛~ 佢有好多好多唔同種類,所以真係去極都唔會嫌~刨冰每款約800~900yen   草莓牛奶味   抹茶朱古力    芝士焦糖   蜜糖蘋果   蜜柑   草莓乳酪 等等…每日種類唔同
28
Apr 17
22:00
新聞

今個暑假超級透心涼! PABLO將招牌芝士撻整成「冰」!

夏天熱辣辣,要你食哂成個芝士撻好似好滯,但如果將佢變成冰大家又點睇?芝士撻專門店「PABLO」以招牌芝士撻作為創作概念,將會喺5月1 日至8月31日期間推出創新芝士刨冰,同期仲會推出兩款同樣吸引度滿分嘅清涼味道!點算?唔識揀啦!   1. 芝士撻刨冰 由於呢個冰嘅創作概念來自招牌芝士撻,所以唔難睇得出好有芝士撻嘅影子,好似加入咗芝士撻嘅餅碎、冰入面嘅忌廉芝士煉奶,完全係將芝士撻以另一種方式重現,食得好過癮!   2. 宇治抹茶撻刨冰 去日本又點少得食返個宇治抹茶甜品!刨冰除咗有濃濃嘅抹茶味,中間亦隱藏住招牌忌廉芝士,加埋最頂嘅芝士忌廉同煙煙韌韌嘅白玉,令到抹茶嘅香味更加突出!   3. 士多啤梨撻刨冰 最後一個係女士們見到一定會變心心眼嘅士多啤梨味刨冰!味道酸酸甜甜,非常醒神!   芝士撻冰系列 發售日期:2017年5月1 日~8月31日 地點:表参道及道頓堀PREMIUM CAFE 地址:東京都渋谷区神宮前1-14-21、大阪市中央区心斎橋筋2-3-15 售價:¥1,200
14
Nov 16
20:20
博客

【奈良話題之作!】「暖」上凍刨冰

最近嘅天氣真係好難搞,早兩日凍到好似突然步入冬天,但今日又話回暖,原本仲諗住可以喺凍冰冰嘅天氣下喺街頭食返個熱辣辣火鍋暖吓個胃,而家又要將計劃推遲啦......   不過講到暖胃,奈良都有一間老舖「柿の葉ずし総本家 平宗」可以食到個好特別嘅暖笠笠甜品,並唔係大家可以想像得到嘅紅豆湯嗰啲咁普通,而係可以令你食完好暖笠笠嘅巨型刨冰。     平宗係一間一年四季都可以食到刨冰嘅老舖,已經有超過150年歷史,因為店家覺得冬天都有好多人鍾意食刨冰,所以就研發咗幾款連冬天都好適合食嘅暖刨冰,等客人一年四季都可以享受到刨冰軟綿綿嘅口感。     店入面一共有大概6款刨冰,當中嘅南瓜刨冰「かぼちゃ氷」、番薯刨冰「さつまいも氷」、甜酒刨冰「甘酒氷」就係傳說中嘅暖刨冰喇!     個刨冰一上枱嘅一刻都幾震撼,個冰勁大兜!南瓜同番薯係比較大路同多人點,如果對酒唔抗拒的話亦可以試吓個甜酒刨冰,因為喺第二啲地方基本上係搵唔到嘅。   除咗個冰之外,一齊上枱嘅仲有一碗暖笠笠嘅泥狀配料同一杯冒緊煙嘅透明不明液體,千祈唔好以為嗰杯係清水就咁飲咗佢
17
Oct 16
22:13
博客

【食乜好】池袋4大人氣爆燈必試甜品

去得日本玩,一日一定唔止食三餐,計埋甜品宵夜5餐已經算少,不過唔係個個都食到咁多野,嘅然個胃嘅quota有限,我地當然唔可以浪費空間,要食就食好味嘅!今次為大家推介4個可以喺池袋食到嘅甜品,等大家行街行到攰嘅時候知道有個地方可以坐吓食吓甜品。       1. 銅鑼燒@Suzumeya     係咪想話「唓~ 銅鑼燒香港都食到啦!」?話俾大家知,呢度嘅銅鑼燒喺你一拎上手嗰吓就會覺得好唔同,拎上手好重手,一搣開,即刻見到粒粒紅豆都好大粒!唔止,細心啲留意佢地銅鑼燒個外皮係有2層,口感比一般食到嗰啲豐富好多!   間舖頭好細,基本上啲人都係買走食嘅,不過店入面都有一張長椅,想係埋先走都ok。除咗銅鑼燒,仲有其他幾款菓子,不過當然都係銅鑼燒最受歡迎啦!   佢地都有入咗盒嘅10件裝,不過因為無添加防腐劑,嚐味期限翌日就係,所以大家都係唔使諗住買嚟做手信。   すずめや 地址:東京都豊島区南池袋2-18-5 電話:03-5391-0196 營業時間:10:00~15:00 (售罄就收舖,想買早啲到) 休息日:星期日   ===
02
Aug 16
00:52
新聞

炎炎熱日必備!六本木「テレビ朝日」刨冰集會!

炎炎夏日,最啱就係食番杯刨冰解解暑。位於六本木嘅「テレビ朝日」就舉行咗一個大型嘅「刨冰集會」,現場有好多唔同刨冰店家出售佢地嘅招牌刨冰。     現場除咗傳統果味刨冰之外,亦有好多特別嘅刨冰,好似:   左:宇治綠茶紅豆冰   右:造型水果冰     左:Tiramisu冰   右:原個蜜瓜冰     活動由7月16號至8月28號,每間店舖嘅展出時間都唔同,詳情可以睇番官方網站。   參展店家:   -Patisserie Merci -たい焼きなみへい -果報 -果実堂 -雪みるく -あずきや安堂 -クラフトカフェ -雪うさぎ   【かき氷コレクション】 地址:東京都港區六本木六丁目9番1號 (テレビ朝日正面エリア) 期間:7月16日~8月28日
31
May 16
00:11
新聞

PABLO芝士撻刨冰登場

喺日本講起芝士撻,大家腦海最先彈出嚟嘅兩間舖,應該係BAKE同PABLO。炎炎夏日,食住啱啱出爐嘅芝士撻真係大汗搭細汗。但作為芝士控嘅你又想滿足食芝士嘅欲望,PABLO就新推出芝士撻刨冰。後日6月1日開售,一共有3款口味,包括草莓味,芒果味同朱古力味。     芝士撻點解變刨冰呢﹖ 首先,刨冰頂有打起咗嘅CHEESE CREAM,重現PABLO芝撻嘅「入口即溶」嘅口感。另外,刨冰仲加入咗芝士撻皮嘅碎粒同糖霜做TOPPING。   呢個芝士撻刨冰由6月1日至8月31日,全個夏天都陪住大家㗎!   【售價】 芝士撻刨冰-草莓味:1200円 (未含稅) 芝士撻刨冰-芒果味:1200円 (未含稅) 芝士撻刨冰-朱古力味:1100円 (未含稅)   【發售點】 關東:PABLO 表参道店、ららぽー店、立川立飛店 關西:PABLO 道頓堀店2樓、神戸元町店、姫路店