別府
12
Apr 17
01:09
新聞

「別府市・湯~園地」落實推行! 真係可以「邊浸溫泉邊玩旋轉木馬」!

仲記唔記得幾個月前別府市曾經拍過條片介紹異想天開嘅「湯~園地計画」?仲話只要條片嘅觀看次數超過100萬次就會開始做野,點知反應異常地好,短短幾日就已經夠哂數,市長亦出嚟找數表明話會認真考慮應該點實行呢個看似不可能嘅任務!   想了解多啲成件事嘅來龍去脈可以重溫【推到100萬次播放率!「別府市・湯~園地計畫」真實呈現!】   成件事到而家已經過咗好幾個月,原來別府市已經靜雞雞地完成埋集資行動,成功為計劃集得3,000萬上以資金,即係話個計劃好大機會真係會實行得到,邊浸溫泉邊玩遊樂設施並不是夢!   為咗可以真實推行到呢個計劃,別府市喺承諾會認真考慮點推行呢個計劃之後就開始進行集資行動,最誇張嘅係距離結束時間仲有5小時,佢地就已經湊夠3千2百幾萬日圓!而「湯~園地」亦宣佈預計會喺7月29至31日期間開放!   呢個計劃嘅初期目標為1,000萬日圓,一達到呢個目標,樂園就已經公佈園內會開放「溫泉吊橋」、「溫泉滑梯」、「特製溫泉」等4個遊樂設施。   當中識飛上飛落嘅「ミストアストロファイター」喺最早期嘅宣傳片中其實都有出現過,估唔到真係有得玩!  
23
Nov 16
01:29
新聞

推到100萬次播放率!「別府市・湯~園地計畫」真實呈現!

日本人真係好異想天開,竟然諗得出以溫泉作為主題去搞個主題樂園,仲拍哂片話畀大家聽入面會有咩玩。今次佢地都玩得都幾大,有得浸住溫泉玩過山車,浸住溫泉玩摩天輪,仲有好多其他遊樂設施!   不過要實現呢個「湯~園地計画」,別府市話條片嘅觀看次數要達到100萬次先會開始做野,咁大家識做啦!我地就即管將條片推到去100萬次觀看次數,睇吓別府市幾時會找數,我地幾時先有得入去玩呢個咁別開生面嘅「湯~園地」~   溫泉過山車   溫泉旋轉木馬   溫泉纜車   溫泉摩天輪   記得入去條片睇多幾轉,仲要share埋畀啲friend一齊睇!有冇得玩呢個「湯~園地」,睇你地啦!   2016年11月24日最新update:已經過咗100萬次觀看次數啦!  
26
Jan 17
01:32
博客

【第30回「日本溫泉百選」出爐!】 帶你巡遊「5大必到溫泉」!

日本觀光經濟新聞早幾日發表咗第30回日本溫泉百選,當中大家又認識幾多個呢?呢100個溫泉全部都係由日本專業旅遊業者就溫泉氣氛、周邊地區充實度、溫泉泉質及當地鄉土食文化4點去嚴選出嚟,以下落嚟為大家介紹吓頭5位!   第一位 草津     草津溫泉已經係第14年連續獲得溫泉百選嘅第一位,最出名嘅就係由一行行整整齊齊嘅木箱排成嘅熱水田「湯畑」,呢度係草津溫泉嘅主要源頭,每分鐘可以湧出五千公升嘅溫泉水,而啲木箱除咗可以沈澱泉水嘅礦物質之外,仲可以起到降溫嘅作用,將高達90度嘅泉水降溫之後就會經導管分送到周邊旅館同公共浴場。   草津溫泉嘅泉水量好大,溫泉旁邊嘅石頭都被泉水染成硫磺嘅顏色。由於溫泉水非常高溫,冬天嘅時候四圍都會升起濃濃嘅白煙。   冬天想即刻暖吓個人,唔使趕返旅館浸溫泉嘅,喺湯畑隔離就有一個足湯,不過記得準備定毛巾去抹腳。   湯畑附近係草津溫泉最熱鬧嘅地方