冬季
07
Dec 16
00:06
博客

【戀愛手冊】5大法寶令您和他的冬天約會變得更不一樣!

無論您的戀愛是處於剛剛開始的熱戀期,抑或是已進入逐漸平穩的安定期,或是缺乏新鮮感和心動的冷淡期,相信都會想跟另一半來多一點新意,製造更多兩人的甜美回憶。已經試過了很多方法但不見得如預期般奏效嗎?今個冬天,就讓您嘗試享受一個人生中從未經歷過,讓您熱情如火的體驗!為了於冬日能度過一個美好的晚上,我們為您準備了幾個秘訣:     1. 塑造出令他想一直撫摸的身形 想要一個完美的晚上就要令他和您有想「做」的衝動,要令他們抱有「無論如何今晚都要」「已經忍不住」的秘密,就是要令成為他所喜歡所渴望的的身體。   根據心理學來說,男性看到「曲線、圓潤的東西」,都會下意識地聯想到女性的身體。所以穿著緊身衣服,突出胸部和臀部優美線條的女性,會特別容易吸引男士的注目,就是因為男性會本能地受到女性的曲線美所吸引。另外亦可透過日常護理改善胸部手感和柔軟度,令他對你愛不釋手。   2.培養浪漫的氣氛 一個成功的約會,當然在於約會流程的安排。二人共處時,可以選擇看一些較浪漫的電影,這樣不但會有個共同可以討論的話題,也有助於紓解緊張跟尷尬感。另外在家中可以嘗試點上香薰蠟燭,有助緩解壓力和疲勞的鋼
15
Nov 16
01:12
新聞

【日本麥當勞冬季限定】黑白朱古力雙殺

期間限定係香港人嘅致命字眼,一見到限定就會唔理三七二十一買咗返去先算!梗係啦,唔買返香港後悔點算,到時真係喊都無謂。     今期冬季日本麥當勞又再次推出兩款非常誘人嘅期間限定朱古力批,一黑一白,外皮超脆,朱古力迷真係無理由唔試!     黑色朱古力批今年特別在於入面嘅朱古力量係比之前多出20%,爆漿效果更加誇張,細細啖咁咬一啖,入面嘅朱古力醬已經好唔安份咁爆哂出嚟,好香濃口感好rich!     而白色呢一個就係用咗白朱古力去整,有淡淡嘅雲哩拿味,加埋一粒粒果仁嘅口感,成個批感覺好creamy,又唔會太甜,都幾好食。   呢兩個批過多2日就有得試,不過因為供應期唔長,要試就要快啲試啦!唉.......食完返到香港一定會超掛住,如果香港都有得食就好啦。   三角朱古力批「三角チョコパイ」 發售地點:日本各大麥當勞 發售日期:黑色朱古力批 2016年11月16日~2017年2月中旬 白色朱古力批 2016年11月16日~12月中旬 售價:¥120        
18
Nov 16
23:55
新聞

【Starbucks冬季限定第3彈】甜蜜蜜烤蘋果特飲

臨近聖誕,日本Starbucks不斷推出同冬天有關嘅限定飲品,今次作為Holiday Trio Berverges第三彈,佢地將會喺12月1日起推出「Hot Baked Apple」同「Baked Apple Frappuccino」兩款烤蘋果飲料,陪大家渡過甜蜜蜜嘅聖誕~     呢兩杯烤蘋果特飲都係以自家製嘅烤蘋果醬作為最主要嘅原材料,熱嘅「Hot Baked Apple」感覺有啲似加入咗烤蘋果嘅蘋果汁,入口酸酸甜甜,味道香濃到真係好似食緊烤蘋果咁!加埋上面嗰一大堆cream令到成杯野個口感更加順滑,冬天一路行一路飲個人勁暖笠笠!   而另一杯「Baked Apple Frappuccino」就係喺Cream base frozen drink上面加入大量嘅烤蘋果汁同焦糖蘋果肉,口感同味道都同熱嘅「Hot Baked Apple」好唔一樣,口感更豐富。   第3彈係「Holiday Trio Berverges」嘅最後一彈,粉絲們記得唔好錯過呢3杯咁特別嘅期間限定飲品啊!左起: Ginger Bread Latte, Hot Baked Apple, Snow Pecan Nuts Latte   心絲細密的話應該都留意到Starbucks最近換咗新裝,為咗配合聖誕節呢個咁喜氣洋洋嘅大日子,喺11月10日開始就已經換哂用以紅色為主嘅「Starbucks Red Holiday Cups」,係咪好有聖誕氣氛呢!  
09
Dec 16
19:15
新聞

激正改良版「熱辣辣爆醬漢堡」,超濃郁味道食到停唔到口!

大家有冇食過日本麥當勞嘅白汁可樂餅漢堡「グラコロ」?呢個漢堡原來已經推出咗成23年,係每年冬天都會出現嘅期間限定款式,年年都熱賣,今年竟然話會搞搞新意思,upgrade吓個包喎!     呢個漢堡最大特色就係中間夾住件超厚身嘅爆醬可樂餅,一咬開舊可樂餅,入面嘅白汁、大蝦同通粉就會湧出嚟,冬天凍冰冰食返件都咪話唔爽!   而今次嘅革新,麥記就選擇喺醬汁同個包落手,有蛋黃味極為香濃嘅雞蛋醬汁同有少少辣、越食越惹味嘅辣汁兩種可以揀,各有睇落都好似好好味,好想兩種都試哂佢添!至於個包,今次就落重咗cream同牛油去整,所以一食就會食得出個包比以前更香同更軟綿。     如果大家想試更濃郁嘅味道,可以叫呢個加咗塊芝士嘅「超デミチーズグラコロ」,芝士同可樂餅嘅味道本身就好夾,一大啖咬落去,所有味道好似渾然天成咁完全無違和感,難怪23年嚟都係大受歡迎之作!   超グラコロ 發售地點:日本全線麥當勞 發售日期:12月14日~ 售價:¥340   超デミチーズグラコロ 發售地點:日本全線麥當勞 發售日期:12月14日~ 售價:¥370   官網:
09
Nov 16
23:39
博客

【粉紅VS淺藍】東京勁浪漫冬季燈飾

有時去旅行食到飽飽地,好想搵個地方散吓步消化吓,最好就係靜靜地加有景睇,可以順便影吓相唔好浪費去旅行寶貴嘅每分每秒嘛~   如果大家要求要有浪漫氣氛,極度推介大家去呢兩個位於東京市內可以睇到勁靚燈飾嘅地方,拖住另一半慢慢行,真係前所未有嘅浪漫!   1. 冬之櫻@目黒川沿道     呢度嘅燈飾以櫻花做主題,42萬個粉紅色燈泡掛滿沿途樹木,好靚好浪漫。呢個燈飾活動由2011年起每一年都會搞,到今年話咁快就已經到咗第6年喇,入面嘅所有燈泡都係由附近民居同食店用剩嘅廢食油去推動發電,夠哂環保。   大家行的話可以由黑川沿道行,到品川區立五反田FUREAI水邊廣場全程大概1.1公里,十零分鐘就會行完,完全唔會覺得辛苦。   目黒川みんなのイルミネーション2016 地點:品川区立五反田ふれあい水辺広場(東京都品川区東五反田2-9)、及目黒川沿道 點燈期間:2016年11月18日(星期五) ~ 1月9日(星期一) 點燈時間:17:00~22:00   ================ 2. 青の洞窟 SHIBUYA@渋谷     事隔2年,青之洞窟嘅燈飾終於返嚟啦! 「青の洞窟」係沖繩一
16
Nov 16
23:59
博客

【北海道冬季限定秘景】仙境般的純白霜花海

阿寒湖係北海道釧路市嘅一個淡水湖,一到冬天就會有好多人鍾意嚟呢度滑冰同釣魚,不過講到呢度最大嘅魅力之處,就一定唔少得係日本人都知嘅純白霜花海!     呢啲冰花其實係水蒸氣嘅結晶,由湖面嘅水蒜氣形成,因為水蒸氣一吹就會散,所以要見到呢種霜花一啲都唔容易,除咗朝早唔可以有風之外,前一晚仲唔可以落雪加上要天晴,但氣溫要介乎零下15度左右,如果唔係喺度留低住幾晚,睇到呢個霜花海嘅機會率可能只有20%。     要睇呢個咁靚嘅霜花海,就一定要係嚴寒嘅時候去,阿寒湖冰花海嘅最佳觀賞月份就係12月到3月,雖然好彩的話到朝早10都仲有可能睇到,不過如果萬一嗰朝突然落雪,啲霜花就會畀啲雪蓋破壞哂,所以如果可以的話當然就係一早起身就走過去睇啦!     行近少少睇會睇到會霜花嘅結構好靚,不過話哂都係喺個湖上面,大家影相嘅時候記得注意安全。   =================================== 咁難得嚟到阿寒湖,梗係唔好睇完霜花就即走,因為呢度仲有其他野玩㗎!好似冰釣咁,喺香港根本唔會有機會玩到,趁呢邊有哂所需裝備,當然玩埋先走啦!  
14
Dec 16
18:56
新聞

【2016年最後一彈!】炭燒香蕉黑×白朱古力

Starbucks不停出新飲品,今次真係2016年最後一彈啦!繼早幾日嘅極品抹茶,呢個冬季期間限定嘅炭燒朱古力又係不得不試。一次半次,肥就肥啦!     呢杯「Choco Latte Banana Coco(チョコラティ バナナ ココ)」用咗濃郁嘅朱古力做Base,再加入炭燒香蕉調味,頂層嘅忌廉上面仲唧咗朱古力醬同撒滿香蕉蛋糕碎碎,鍾意撈混哂佢飲又得,當甜品咁食完個頂再飲朱古力又得~     有黑當然有白,同系列香蕉味仲有白朱古力版本「White Choco Latte Banana Coco(ホワイト チョコラティ バナナ ココ)」,成杯白雪雪勁靚!不過因為連埋topping嘅白朱古力醬成杯都係白朱古力,略嫌有啲啲太甜。   既然Starbucks都話呢次係2016年最後一彈,就試埋呢次啦~   Choco Latte Banana Coco「チョコラティ バナナ ココ」 White Choco Latte Banana Coco「ホワイト チョコラティ バナナ ココ」 發售地點:日本各大Starbucks 發售日期:2016年12月26日~2017年2月14日 售價:Hot Drink ¥420~、Frappuccino ¥560~ (黑白同價)  
06
Apr 17
00:58
博客

《東京白日夢女》聖地巡禮!跟住KEY同倫子遊東京~

*播住上面主題曲睇呢篇文可能會有feel啲XD* 上季人氣日劇《東京白日夢女》就已經曲終人散~(雖然唔知會唔會有第二季,真係好好睇呀!)其中小編好enjoy睇呢套日劇嘅原因係因為佢真係去咗非常能夠代表東京嘅地方取景,每次睇到都會好掛住東京,同埋會真係好想去好似「吞兵衞」嘅居酒屋同閨蜜把酒談歡!今日等我精選當中話題以及經典場面取景地,等各位日劇粉都可以跟住「聖地巡禮」啦!(唔知會唔會都遇到有KEY君咁型嘅花美男呢~~) 外景篇: 1)赤坂氷川神社 東京都港区赤坂6丁目 唔知眼利或者記性好嘅朋友認唔認得呢到?《東京白日夢女》第一集佢哋就係喺呢個神社做新年參拜(初詣)喇! 2)外苑前駅 東京都港区北青山1丁目:神宮外苑のイチョウ並木)