公德心
01
Sep 17
02:34
博客

日本學生們世大運主動清理垃圾 遠在他方保持住公德心嘅日本人

喺啱啱完結咗嘅世界大學生運動會(世大運)中,受人注目嘅除咗有喺競技場活躍嘅選手外,仲有去觀戰嗰時幫手執垃圾嘅日本學生們。 就喺23號嘅美日棒球賽完結之後,幾位愛媛大學嘅學生主動執拾觀眾們留低嘅垃圾,保持返場館清潔。3日後,又有來自日本嘅足球選手都主動去咗選手村附近嘅公園幫手打掃。佢地喺今次世大運嘅善舉引嚟多方面嘅稱讚,被台北議員蔡淑君放咗上Facebook之後2日已經引嚟超過5000個likes,網民仲紛紛表示佩服。 對於呢件事,有日本網民睇到之後就虛心回應話日本人係以打掃去表達佢地嘅謝意。 喺Yam蕃薯藤嘅報導中都有提及到,佢地會自發執垃圾只係單純覺得「呢度係比小朋友玩嘅地方,唔應該咁污糟。」不過講起日本人呢個舉動,其實已經唔係第一次㗎啦!2014年世界盃嗰時,日本隊雖然輸咗比科特迪瓦,但一班日本球迷自發留低清理好場地嘅垃圾。呢件事無論喺日本國內外都好大迴響,甚至影響到2年後嘅FIFA世界盃預賽嗰陣,沙特阿拉伯隊輸咗比日本之後,佢地嘅球迷都主動清理垃圾。 (翻譯:日本代表vs沙特阿拉伯 比賽後,沙特阿拉伯人清理咗垃圾。場比賽好正呀。多謝你地。 截自東京沙特阿拉伯學生會Twitter) 但原來早喺1998年日本第一次出戰世界盃
04
Aug 17
21:23
新聞

「中國人10倍收費!」係咩玩法!?

「中國遊客10倍收費!」 你冇睇錯,小編都冇打錯! 話說喺沖繩縣宮古島市嘅「砂山沙灘」,有一家租借休閒活動用品嘅店家,原本價錢牌標示:「太陽傘套裝(即係太陽傘加幾張櫈) 2000日圓」。 驟眼睇都好正常,不過望多兩望,旁邊好似仲有個告示?「太陽傘套裝 中國人20000日圓」   作反啦! 今次仲唔傷害14億人民嘅感情!? 琉球新報嘅記者就有為此事去訪問過佢,佢就回應「中國觀光客5條友坐一張櫈,成日坐爛櫈唔貴啲點回本!?」,不過因為有人見到去咗市政府投訴,最後佢都係驚畀人告所以已經收起咗個牌。   原來佢14年前已經喺砂山沙灘開店,不過隨著中國遊客不斷增加,「文明嘅衝擊」亦開始出現,而老板忍無可忍終於就喺7月出現咗20000日圓呢個價錢。而事實上2002年北海道小樽市亦曾有入浴施設因為拒絕外國人入場而最終要賠300萬日圓,所以老板火滾還火滾,都係要小心有位畀人「入」啊。
26
Oct 16
23:58
博客

坐交通工具化妝都叫無公德心?

近日東京嘅東京急行電鐵出左個叫人保持公德心嘅廣告~   第一個廣告係叫人唔好歩行時使用智能電話,車長個人認為就算無智能電話,以前I-mode年代都係歩行時使用電話㗎啦! 其實第一個廣告無咩大問題。   問題喺第2個廣告: YouTube:   「都会の女はみんなキレイだ。でも時々、みっともない」 呢句標語指喺大都會中每個女性都好靚,但有時令人無眼睇。 其實個廣告就係叫人唔好喺電車上面化粧。   網絡上就出現左大量支持同反對嘅聲音。 反對嘅聲音指: 「喺電車上面化妝有邊忽係無公德心?」「個廣告喺對女性嘅打壓」 仲指男性喺車上面飲酒、強烈體臭、發酒瘋、騒音、痴漢...等