八王子
07
Sep 17
21:33
博客

【食評網高票當選!】日本網民力推「東京拉麵TOP7」

講起日本美食,好多人都會諗起拉麵。有說東京嘅拉麵源自1910年左右嘅淺草,經過過百年嘅發展後都內已經有超過3000間拉麵店。喺日本相當有名嘅餐廳指南「食べログ」就喺今年設立咗「食べログ 百名店 2017」大獎,表揚喺唔同種類中總評分榮獲首100位嘅餐廳,當中因為拉麵部門太多優秀嘅小店仲分咗東京、東日本同西日本三個地區。今次我哋就一齊嚟睇下東京入面TOP7嘅拉麵店啦。 「食べログ」使用嘅評分方法係以5分滿分,但總評分拎到3.50分嘅已經係全站TOP4%,超過4分嘅更加只係得500間連資深「食べログ」食評用家都讚不絕口嘅餐廳。「想喺呢刻就品嚐到人間美味嘅話,就係呢間。」雖然準備介紹嘅小店都唔喺東京嘅熱門旅遊地區,但絕對值得你去一試! **注意:呢7間小店真係好細,所以成日都排長龍。建議去嗰時預鬆時間,並不時留意官方Twitter/Blog更新嘅營運情況,以免因為完售或臨時休業而撲空!另外,大部份小店都係完售就會早收,想去朝聖嘅話唔好等到就收舖先去啊!** 第7名:つけ麺 道 得分:3.93 先去葛飾區食沾麵。雖然同區仲有一燈呢個TOP,不過道個湯底以豬骨同海鮮熬成,同一燈係唔同嘅感受。有網友就話覺得明明同平時食開嘅湯底好似,但又有啲唔同,係又熟悉又新鮮嘅感。特別一提佢地嘅服務都好好㗎,排隊嗰時會提供麥茶,見到你個麵好似涼咗仲會問你使唔使加熱。不過佢地係每四個咁入座嘅,所以如果多人一齊去但係要排隊嗰時就未必可以一齊入到座。
20
Mar 16
03:34
博客

膽量挑機10之八王子猛鬼寺廟

又到咗星期六晚嘅膽量挑機時間!   好多人問我去神社你唔驚咩? um…日光日白就唔驚嘅…但係夜晚嘅話就真係……(汗) 今晚就同大家講一間猛鬼寺廟…位於八王子市…   道了堂寺廟     曾經係當地好有名嘅寺廟黎㗎~ 好可惜…係1983年遭當地政府拆除…… 大家都會諗好地地一間寺廟點解無啦啦俾人拆㗎!?     原來,係1963年,曾經發生兇殺案,一名年老婦人慘遭兇徒謀殺。 從此,經過寺廟嘅人都會聽到個位老婆婆嘅淒厲喊聲……       事隔十年,係1973年,同一地方… 一名女大學生同大學助教發生不倫關係,繼而遭對方殺害並埋屍係寺廟路旁。 由於慘遭埋屍路旁,個位女生死後變為地縛靈… 係夜晚嘅時候,經常係前往寺廟嘅路上出現徘徊……     寺廟雖