全國
12
Nov 16
00:59
新聞

下年3月開始JR全國Pass可以喺日本國内購入

喺2017年3月8日開始,JR全國Pass可以喺日本國内16個指定車站或機場車站購入。   以前只可以喺指定旅行社買換票証,之後要到日本時再換返JR Pass,試過有外國客換唔到。(原因有錯名及過期) 下年開始就可以喺日本國内直接購入JR Pass,但係會比喺外國買個陣貴少少、7日普通Pass要33000円,21日Green Pass要90000円。   可以買到JRPass車站有札幌站、仙台站、新潟站、東京站、新宿站、横濱站、名古屋站、大阪站、廣島站、高松站、博多站、新千歳機場站、成田機場站、成田機場第2大樓站、東京單軌羽田機場國際線大樓站同關西機場站。   日本國内買JR Pass個計畫會試1年、之後再檢討。   但係之後18年3月31日開始,喺日本有永住資格嘅人唔會再買到JR Pass。   車長個人認為係方便咗~至少JR Pass換唔到個陣都可以再立即買返張!
29
Sep 16
01:32
博客

日本人氣No.1! 土浦全國煙花競賽大會!(附交通和注意事項)

日本嘅夏天可以話係煙花季節,而日本有三大煙火大會,分別係:全國煙花競技大會 大麯的煙花、長岡祭大煙花大會同土浦全國煙花競技大會。   不過今年嘅日本煙花大會差唔多去到尾聲喇!今個禮拜六(10月1日),日本三大煙花嘅大會之一嘅「第85屆土浦全國煙花競賽大會」將會於下午5時45分開始直至晩上約8時30分喺茨城土浦市櫻川河川上演。呢個大會係日本全國人氣最高,每年吸引70萬以上人次到訪。當晚嚟自全日本嘅花火師高手將會進行比賽,總共會打出2萬發煙花上天空,非常壯觀!   上屆嘅精彩片段: 如果想去一睹一年一次嘅盛事,不妨留意下以下幾點個人親身經歷心得!   天氣: 基於今年天氣有少少差,大會會係9月30日晩9時決定會否改期,記得上佢地網站留意喇(網址在文末)!   交通: 最好坐電車去到土浦站(東京至土浦站JR為1140円)再坐穿梭巴士到會場。土浦站至會場嘅穿梭巴士會由下午1時去到晩上7時、回程會場至土浦站嘅穿梭巴士會由晩上7時去到9時15分(收費為240円、可用日本交通IC Card)。 由於人數眾多,強烈建議各位千萬要提早出發。筆者曾試過約下午4時開始由上野出發、到土浦站約5時、但齋等穿梭巴士都等咗約70分鐘、然後坐咗20分鐘。到入口處時煙花大會巳經開始咗
02
Apr 16
06:47
博客

【日本全國】串炸放題!好玩度爆燈!

今次介紹嘅係日本全國都有分店嘅「串家物語」,串家物語主打「串炸放題」,咩叫串炸?串係指串燒,炸係指油炸,即係將串燒放落油炸咁解!而「串家物語」吸引在客人可以自由選擇鍾意嘅串燒,然後沾麵粉醬同麵包糠,再放落滾油到炸,全程自己一手一腳去做,連小朋友都會大叫好玩啊!   我今次係午餐時間去,人比較少,而價錢亦比較平,1500円 / 90分鐘   如果夜晚時段嚟食就會貴少少,2500円 / 90分鐘   放題包括幾款飲品,如果想飲汽水/特飲/啤酒呢啲,就要額外加飲品放題   我今次去呢間係錦糸町店,可以180度睇靚景,望落去會見到JR埋站   一串一件,可以揀唔同款式   見唔見到芝士竹輪?  
30
Jan 16
01:13
博客

【日本廣島】巧遇一年一度「天皇盃」全國男子接力比賽

今日本身計劃咗去滑雪,但因為積雪太厚,登山巴士停駛,所以冇辦法登山...唯有臨時改變行程喇...係就係有少少失望...不過亦令我明白到,人生有好多嘢係冇辦法控制,尤其是天氣。 由於心情有少少灰,我就決定化悲憤為食量去宮島口駅嗰邊食返個「廣島蠔任食」哄返自己!點知一出JR站就見到有好多人企係馬路邊唔知等乜嘢,我當然去湊下熱鬧,睇下發生咩事喇! 攝咗個位,順便問下身邊嘅日本叔叔等緊咩(佢哋全家出哂嚟支持!) 叔叔拎部機俾我睇,原來係跑步比賽!(但咩跑步比賽咁吸引?零下1度都出嚟捧場?) 凍到騰騰震...啲手指開始硬哂,做唔到啲細微嘢(例如:拉拉鏈...按按鈕),有Cafe免費派咖啡,好Warm啊! 第一位選手跑到過嚟喇!全場歡呼! 每位選手都代表唔同城市,當出現廣島代表嘅時候,全部人都大叫奸爸爹! 期間有個怪叔叔係咁同我講日文,我都有應佢,點知佢講講下搭咗我膊頭一下,我即刻縮!到散場嗰時又