兔島
15
Feb 16
01:31
博客

【日本最萌小島】大久野島-兔仔島(上)

貓島就聽得多,日本最萌小島「兔仔島」你又聽過未?其實兔仔島嘅正名係「大久野島」,係日本瀨戶內海藝予群島嘅其中一個島,二戰期間曾被選中作為日軍生產化學武器的實驗基地,後來戰爭結束,大久野島被棄,變咗荒涼的“無人島”。 到底島上點解出現咁多兔仔,坊間流傳幾個說法,有人話係實驗室嘅兔仔走咗出嚟,亦有人話係有幾個學生帶上島放養,最初只有寥寥幾隻,但由於島上溫暖舒適又冇天敵,慢慢由幾隻兔仔變成今日嘅兔仔大家族喇。 今時今日,島上仍然冇任何居民居住,不過就多咗一個小小嘅渡假村,渡假村入面有得浸溫泉、食自助餐同租單車環島遊添,所以除咗外國遊客之外,大久野島仲係唔少日本人嘅渡假勝地添。 今次主要俾兔仔相你哋睇先,島上其他設施、風景、交通資訊等等...就會係下一篇blog講。 出發去大久野島前,記得係忠海站嘅超市拎啲菜入去餵兔仔啊,佢哋認食物唔認人㗎 超市門口有免費菜拎去餵兔仔,真係好有愛。不過個人認為,最好自己另外買多啲入去,因為島上冇得賣㗎,到時就後悔都冇用 我將啲菜撕碎哂,方便餵兔仔 幫幫手望下鏡頭吖
15
Feb 16
19:14
博客

【日本最萌小島】大久野島-兔仔島(下)

上一篇blog講到,兔仔島正式嘅名係「大久野島」,其實仲有另一個名....就係毒!氣!島!吓?毒氣島?唔係呱...毒氣同可愛嘅兔仔大欖都扯唔埋喎!點解會咁嘅?會唔會有危險㗎? (講故佬語氣)話說呢...二戰期間,大久野島因為地理環境方便軍隊匿藏,而被日軍選擇作為生產化學武器嘅地點,其中生產嘅毒氣分為四類:芥子毒氣、路易斯毒氣、胡椒氣體及催淚氣體。由於涉及軍事機密,當時日陸軍發行嘅日本地圖上隱匿大久野島,將所在位置繪成空白一片,所以又有「從地圖上消失的島」之稱。(資料來源:維基百科,想知多啲大久野島歷史可以睇呢度) 戰爭結束之後,大久野島長時間都係一個無人島,一個居民都冇。至於點解會由冷冰冰嘅毒氣島演變成今日萌爆兔仔島呢?坊間流傳唔同說法,有人話,本來實驗用嘅兔仔係實驗室走咗出嚟....亦有人話係由幾個學生帶咗幾隻兔仔上島放養,由於島上溫暖舒適又冇天敵,慢慢由幾隻兔仔變成今日嘅兔仔大家族喇,係1934年仲被指定為瀨戶內海國立公園添。 今時今日,島上仍然冇任何居民居住,不過就多咗一個小小嘅渡假村,渡假村入面有