傳說
18
Nov 16
22:06
新聞

【等咗15年!】傳說中嘅雙重燒肉牛肉堡返嚟啦!

今年係麥當勞登陸日本第45年,繼之前介紹過嘅「芝士吉列漢堡」,今次呢個雙重燒肉牛肉堡「かるびマック」更加吸睛!有啲人可能已經覺得佢有啲熟口熟面,無錯!佢就係15年前曾經名震一時嘅漢堡包,雙重牛肉嘅豐富口感令人對佢愛不釋手!     呢個包最大嘅特色就係「Beef on Beef」嘅紅合,喺勁Juicy嘅漢堡牛扒上面放住嘅係以微辣特製醬汁熬煮嘅牛肋骨肉,加埋自加製嘅甜酸汁完美嘅配搭,牛肉嘅肉味極為突出,大大啖啖落去啲汁唧哂出嚟,漢堡扒同牛肋骨肉嘅雙重口感非常豐富,唔怪得15年後嘅今日依然有咁多日本人對佢念念不忘!     呢個包單買¥390,買餐連薯條同可樂就¥690,如果單純想試吓個包有幾特別,單買就得啦,反正薯條同可樂同香港嗰啲都差唔多~   未試過嘅年輕一代真係要試吓!   雙重牛肉堡「かるびマック」 發售地點:日本各大麥當勞 發售日期:2016年11月22日~ 售價:¥390
05
Nov 16
02:32
博客

【都市傳說】你是誰?!

你有冇照鏡嘅習慣?係咪見到鏡就會習慣性地照吓?唔知睇完呢個都市傳說之後,大家會唔會以後見到鏡都唔係好夠膽望......   傳聞只要日日都抽時間對住塊鏡望住自己個樣問「你係邊個」,維持一段時間就會出現精神崩潰,只要短短一個月,就會唔記得自己係邊個。   有心理學家話呢個其實係一種心理學現象,只要眼定定咁集中望住某樣野,可以係一個熟悉嘅文字、家人、朋友,甚至係日日都瞓喺你身邊嘅另一半,你都會發覺對佢個樣越來越陌生,好似唔識佢咁。   日本為咗證實呢個理論,竟然特登搵人去做呢個實驗,叫個男仔對住塊鏡不停問「你係邊個」,睇吓佢會唔會令到自己意識崩壞唔認得自己。雖然都知道成段片有誇張咗嘅成份,不過氣氛真係好恐怖,睇完之後夜晚黑真係唔係好夠膽慢慢欣賞自己個樣......   以吓係實驗嘅部份截圖,留意返,可能會造成不安。   喺實驗嘅第一日,個男仔係可以好正常咁望住塊鏡問「你係邊個」   第三日,依然冇咩異樣   過咗幾日,同事問個男仔覺得點,個男仔本身都話冇咩特別,仲話個實驗好無聊冇料到,點知轉個頭就瞓咗
21
Oct 16
23:44
博客

【都市傳說】不存在的車站---キサラギ駅 (下)

尋日講到有個獨腳阿伯叫停咗樓主,今日繼續講埋落去。 要睇返尋日講咗咩,可以click返呢度。   以下開始無責任簡單翻譯,紅色文字係樓主嘅留言。   422: 2004/01/09 02:09  「喂!你行喺路軌上好危險喎!」我以為係工作人員叫我,望返轉頭見到個獨腳阿伯企咗喺度,同我距離有10米倒,轉頭就唔見咗,我已經驚到郁唔到啦……   435: 2004/01/09 02:13  我行唔郁啦,太鼓嘅聲音好似越來越近   492: 2004/01/09 02:35  我打咗電話返屋企,阿爸好似幫我報咗警,太鼓嘅聲音越嚟越近啦   516: 2004/01/09 02:45  我已經行到去隧道口,
21
Oct 16
22:46
博客

【都市傳說】不存在的車站---キサラギ駅(上)

  2004年,日本BBS 2ch上出現咗一個震驚無數日本人嘅post。   樓主誤闖一個之前未曾去過嘅車站,更加以直播方式將恐怖經歷用文字喺留言板同網友分享,緊張嘅氣氛即刻得到唔少網友回應,係真係假到而家都冇辨法證實,不過樓主講到似層層,即使到而家已經事隔多年,夜晚睇依然有少少心寒……     以下係無責任簡單翻譯,等大家都可以感受吓呢個令人不寒而慄都市傳說。 文章有啲長,紅色文字係樓主嘅留言。   98: 2004/01/08 23:14  唔知係自己心理作用定點,大家會唔會聽我講?   99: 2004/01/08 23:16  你講嚟聽吓先啦   100: 2004/01/08 23:18  發生咩事?   101: 2004/01/08 23:18  我而家坐緊某架私鐵,但覺得有啲奇怪
17
Aug 16
22:59
博客

膽量挑機31之淺草寺恐怖傳說

又到咗星期六晚嘅膽量挑機時間喇! 相信好多人去東京旅行,都會去淺草! 去得淺草,就一定會去淺草寺!     好多人都知淺草寺係拜觀音嘅。 但係,淺草寺嘅恐怖都市傳說,你又知唔知呢?   求籤求到「凶」時,你會點做?     話說,大約喺十年前,有人同朋友一齊去咗淺草寺到求籤。 自己就求到「大吉」,當然開心啦。 不過,朋友就求到「凶」,咁就唔信邪咁求多次,點知都係「凶」。 朋友又再求,都係「凶」,死都唔信咁邪再求,但都係「凶」。 連續四次求籤都求到「凶」,朋友好無奈咁嗌走人。 正當佢地落樓梯時,朋友突然失足碌落樓梯,個頭撞咗落梯級邊位,搞到係咁流血。 由於朋友流血過多,就打電話叫救護車。 喺等待期間,途人都被當時情景嚇親,紛紛走上前問有冇事。 結果,朋友個頭縫咗十幾針。   其實求籤係求神明俾指示自己,而唔係為求「大吉」而求。 同一個問題求籤咁多次,根本就係唔相信神明。 正所謂「佛都有火」,唔相信神明,唔尊重神明,神明點會唔嬲? 所以,記得下次求籤求到「凶」時,唔
05
Jul 16
00:30
博客

膽量挑機26之日本恐怖電話亭

又到咗星期六晚嘅膽量挑機時間! 上星期就同大家講咗有關沖繩搭的士嘅鬼故,今晚就同大家講有關電話亭嘅都市傳說。     「喂喂喂!搵邊位?」   唔知大家有無曾經試過去日本時,入電話亭打電話返香港報平安呢? 幾年前,我試過…… 又唔知大家有無試過打電話俾自己呢? 有無諗過,如果打通咗,係另一個人同你通電話,你會點做呢?     喺日本,傳說入10yen落電話,之後打俾自己手提電話。 留意!一定要係10yen呀!其他銀仔係唔得㗎!     接通咗電話之後,將電話亭話筒位置對住手提電話聽筒位置,然後就嗌 「さとるくん、さとるくん、おいでください。」(Satoru kun、 Satoru kun、 oide kudasai。) 意思即係「Satoru君,Satoru君,請聽電話。」 「さとるくん、いらっしゃったらお返事ください」(Satoru kun、irasshattara ohenji kudasai。) 意思即係「Satoru君,如果你喺到就請應吓我啦。」 不斷重覆呢兩句說
05
Feb 16
22:18
博客

膽量挑機3之葉純回來了

好多巴打絲打都留言話好驚,仲要咁岩搭緊地鐵、輕鐵返屋企。 唔知佢地係咪真係安全返到屋企呢?定係聽到D太鼓聲之後…… 葉純既故事仲有後續架,係發生事件既7年後,2011年6月30日,葉純再次出現係網上。 葉純寫左一篇好長既留言……「唔,雖然我覺得可能無人相信。 經過咗七年,而家我返到普通既世界喇。 返黎之後發生好多事,但我無辦法回應。 因為好多人對呢件事都好在意… 係果次留言之後,架車停咗落黎, 係昏暗既森林入面,見到對面有光。 雖然唔知揸車個人係到自言自語講咩,有個男人從右方行緊過黎,我好驚…… 在果刻,周圍都係光,架車受到沖擊。 揸車個人消失咗。 個男人同我講「點解你會係到?留係到好危險架!我已經令岩岩揸車既人消失,你趁而家快D逃走!」 當時真係好驚! 個男人拉我落車,然後叫我往光既方向跑! 個時我真係已經咩都唔知喇,一路喊一路跑。 光線變到好刺眼,一開眼,係附近既車站,父母係車入面叫我。
29
Jan 16
23:28
博客

膽量挑機2之日本無人鬼車站

上星期既心靈寫真頂唔頂得順? 今晚就要同大家講一單真人真事,仲上過新聞。 後黎,仲成為網絡上最心寒既都市傳說。 件事發生係2004年1月8日……當事人「葉純」係日本2ch論壇上既一個post同網友講自己去左一個無人既車站「きさらぎ駅」(如月站)…… 以下為留言內容…正常字體為網友留言…藍色粗字體為當事人葉純留言…… (註︰以下所有圖片為示意圖)「可能係我錯覺…但大家可以聽聽我講野嘛?」 「好!請講!」 「發生咩事呀?」「我而家坐緊架私鐵,但感覺好似怪怪地……」 「嗯嗯。」「我坐左20分鐘都未埋站,平時5分鐘左右,最長都係7-8分鐘就埋站架喇。除左我之外,得5個乘客,但佢地都訓緊覺。」 「你係咪其實已經落左車架喇?」 「會唔會係你搞錯左,搭左特急電車呀?」 「坐左快速電車呀嘛?」「可能好似你地咁講,我可能搭錯車掛,等多陣再睇下點啦。如果再有d咩奇怪事發生既話,我再搵大家商量。」 「去車頭或者車尾既車長室到睇睇啦。」「感覺好似有排都未停車呀,我去車長室到睇睇先。」
20
Jan 16
19:36
博客

日本期間限定!34萬人都去過既最大型雛人形展!

係黎緊星期五,於目黑雅叙園會舉行為期個半月既「百段雛祭」。 係園內,東京都指定有形文化會開埋「百段樓梯」。 展內集結左日本各地唔同時代既雛人形,之前開左6次,已經有34萬人去過展覽! 係都內最大型既雛人形展黎架!率先帶大家睇下雛人形啦!  「明月吐光~陰風吹柳巷~是女鬼覓愛郎~~~」 要行呢條咁陰暗既樓梯都咪話唔驚,硬係覺得咒怨BB會突然出現係面前咁…… 都幾淆底架,但點都要入去睇下!一入到去……  「二奶哂姨媽死~~~」 「歡迎蒞臨『百段雛祭』!」 好華麗呀!如果我都有件咁靚既和服就好喇!!!   就連頭飾都造得好仔細,真係不得不佩服日本人既手工藝。 阿叻畫既神鳥鳳凰你就睇得多啦!等我俾你睇下日本人畫既神鳥啦!!   連雛人形背後既屏風都畫得好靚呀! 唔係講笑,如果有實物大既話,我都想買返個擺係屋企!   你地有無聽過一個日本傳說呀?話呢D