倉野尾成美
28
Jul 16
05:42
博客

Like Japan訪問:AKB48 Team 8三成員初訪香港 會熱情粉絲感驚喜

  7月26日就係AKB48 Team 8 3位成員嚟香港舉行簽名握手會嘅大日子啦。 我哋Like Japan梗係把握機會去左採訪3位喇。 佢哋係分別來自北海道嘅坂口渚沙、東京嘅小栗有以同埋熊本嘅倉野尾成美。     人稱Nagi嘅坂口渚沙就話覺得香港嘅粉絲好多都識得講日文,好犀利呢。有二萬年一遇嘅美少女之稱嘅有以就話大家嘅聲援一啲都唔輸日本嘅fans,非常熱情。雖然成美就透露咗佢哋已經答咗雙層嘅露天巴士睇風景,不過有以想睇到嘅係維港嘅景色,相信佢哋握手會之後就去咗觀光啦。   三位身為Team 8嘅成員,各自都有憧憬嘅前輩。Nagi就話鍾意今年總選排第二嘅渡邊麻友,因為佢企係度嘅姿勢都靚過人!有以就鍾意Paruru,話覺得佢跳舞時散發出偶像嘅魅力好可愛。今年總選排34名,人稱Naru chan嘅成美就話好鍾意畢咗業嘅大島優子,因為佢除咗表演力高之外,仲有獨特嘅個性。身為後輩嘅三位透露今年暑假Team 8會有好多好多活動,仲話希望可以係日本嘅活動到見到香港嘅粉絲添!各位,你要識做呢   尋日無得去fans meeting?唔緊要,我哋條片已經有花絮俾大家望下親愛的偶像~三位小妹妹真係好可愛,最近係日本嘅媒體出現率都越來越高,簡直係AKB新世代嘅新星呀!希望佢哋嚟緊係團入面嘅發展都會越來越好啦!支持嘅話記得like and share條片呀~ 想睇番見面會詳細既Repo,可以睇下新東方不敗篇
27
Jul 16
18:28
博客

[不敗日記]AKB48見面會報告

琴日7月26日,星期二,原本Lunch時落大雨,但當準備出發去AKB48見面會時,就變得超好天! 真係天助我也!好Lucky!   3點鐘都未到,已經嚟到荃灣悅來酒店,諗住自己太早到啦! 點知一上到5樓,已經見到超多巴打排定隊等入場喇!真係不得了!     喺4點鐘,大家就開始入場,不過唔係爆speed咁衝上前霸頭位坐,而係要先經保安檢查。 由於之前喺日本,曾經發生不愉快事件,為保障AKB48成員安全,一定要好仔細咁檢查大家嘅隨身物品。 就連一支水,都唔俾帶入場,要放低!除非,你即場飲一啖,證明無問題先可以拎得入場=0=   我就走上前,先影張「到此一遊」先!     睇相就知,大家可以同偶像有幾近啦>w<     好啦,大家都坐定定等見偶像! 等到5點半左右,AKB48 Team 8嘅倉野尾成美、坂口渚沙、小栗有以終於出場。 一嚟就唱「会いたかった」,我開心到好想跟住跳!不過,怕跳錯俾人鬧,都係同巴打們一齊做furi!  
19
Jul 16
22:22
新聞

想見AKB48!?係機會喇!

想見AKB48!?係機會喇!!!   下星期二,AKB48 Team 8成員--小栗有以、倉野尾成美,仲有坂口渚沙會嚟香港舉行握手及簽名會呀!     日期 : 7月26日(二) 17時30分~21時(暫定) 出席成員:AKB48 坂口渚沙、小栗有以、倉野尾成美 活動費用:HK$350/張 認購期間:最後今日 !!!!! 會場 : 荃灣悅來酒店5樓宴會廳(大窩口地鐵站) 詳情請參閱: http://www.facebook.com/Akb48OfficialShopHongKong/   資料來源︰Akb48 Official Shop Hong Kong