便當
28
Nov 16
00:40
新聞

魯魯修吐便當!? 新作『CODE GEASS 復活的魯魯修』公佈

魯魯修嘅生死,同大河內會唔會終有一日連『CODE GEASS』都玩死一樣都係一個看似永遠冇結論嘅爭論。不過,兩個問題可能將會有結果。   今日舉行嘅『CODE GEASS』10周年記念活動,官方除咗公報2017年1月公開有新畫面同全新錄音嘅3部曲總集篇劇場版外,之前發咗邀請函嘅『復活的魯魯修』亦終於公佈。       新企劃『CODE GEASS 復活的魯魯修』暫時未有公開是電影還是電視動畫。另外除咗知道谷口悟朗做監督之外,編劇係咪大河內就未有提及,不過以佢之後嘅表現嚟睇,除咗『CODE GEASS』之外其他作品好似『革命機』同『甲鐵城』最後都係咳…咳…咳…。如果繼續係大河內做編劇真係只能夠祝大家好運……       而最令人關心嘅魯魯修,官方亦宣佈主角就是魯魯修本人(重特別強調唔係同名,係本應死咗既本尊),而時間是在ZERO鎮魂曲後幾年,即係如果冇特別扭橋嘅話,魯魯修就算係嘔咗個便當出嚟啦。   順帶一提,十二月會推出一番抽獎 CODE GEASS ~奇蹟的十週年~啊     ©SUNRISE/PROJECT GEASS  Character Design©2006 CLAMP・ST ©SUNRISE/PROJECT GEASS  Character Design©2006-2008 CLAMP・ST ©SUNRISE/PROJECT G-AKITO Character Design©2006-2011 CLAMP・ST  
13
Oct 16
23:23
博客

【食乜好】東京站勁誘惑駅弁

「駅弁」即係喺車站買到嘅便當,對於要搭長途車嘅日本人嚟講可以話係旅途中不可或缺嘅必須品。   而由於東京係一個大站,有「新幹線」同「在來線」等唔同線路連接日本各地,車程閒閒哋都幾個鐘,所以喺東京站範圍自自然有好多唔同款式嘅駅弁,等乘客喺旅途中都可以享受到優質美食。   不過如果唔想騰嚟騰去物色駅弁,推介你地去一個地方,就係位於JR東京站入面一樓中央通路嘅「駅弁屋 祭」,入面有來自日本全國各地嘅駅弁,總共有成170款咁多,每一個賣相都相當吸引,下次行過就算唔係要搭長途車都可以買返酒店做宵夜~     1. ひっぱりだこ飯 ¥1,000     呢個係神戶超出名嘅明石章魚便當,喺神戶嗰邊出名到想食就要先預約,如果去到舖頭先諗住買基本上係唔會買到嘅,不過喺呢度當然係唔同講法啦,輕輕鬆鬆就買到,爽!   呢個便當最特別嘅地方係用瓦樽嚟裝,連樽身都刻咗隻章魚喺度,好精緻!樽入面除咗有章魚之外,仲有海鰻同季節性蔬菜。飯已經事先調好味,章魚好爽口,所有食材嘅口感同味道都好match,難怪喺神戶咁搶手!   一打開個蓋就見到好大隻章魚等緊我食佢落肚!  
01
Jun 16
22:11
博客

大件夾抵食 大阪人氣平價便當店

大阪有個霸氣朵「關西廚房」,行到邊美食就去到邊,大阪燒章魚燒魚生串炸,十個胃都唔夠載!估佢唔到嘅係,原來大阪連便當都一樣咁正㗎~一齊嚟睇下大阪當地人歡迎嘅便當店有幾大件夾抵食啦~     今日要介紹嘅便當店喺天神橋商店街嘅cook deli 御膳(GOZEN)~ 離遠已經聽到店員叔叔非常賣力嘅叫賣聲~ 行到門口就見到「每日特平之選」~ 我去?日嘅「每日特平之選」係炸雞扒便當計返港紙都係22蚊!啲雞多到我差啲睇唔到啲飯啊!   如果你係大胃王,一般份量唔夠食嘅話,可以考慮食以下依款大碼便當~ 有牛肉+可樂餅+餃子/蛋,另外又有炸雞+可樂餅+沙律等等等等等,總之有好多唔同組合,咁大盒都係27蚊~   如果唔想食咁多飯,淨係諗住買少少小食食吓嘅話,可以就咁買炸物/沙律~ 咁啱撞正感謝日的話就發達啦!計埋稅唔洗100yen就可以買到可樂餅/炸魷魚/新鮮野菜沙律/蛋沙律/菠菜沙律~   雖然我當日唔係感謝日,不過咁啱係炸魷魚嘅特價日!10蚊唔洗就可以帶盒返屋企!
03
May 16
23:55
新聞

【莫得罪女人】騎呢便當!

所以幾時都話唔好得罪女人,特別係你屋企個女人。我講緊阿媽。點解?因為對於日本人黎講,阿媽/老婆日日整便當比佢地帶番工番學食,如果得罪左佢分分鐘飯都無得食!不過佢地又點捨得餓親自己D仔女/老公丫,但又激鬼氣嘅話可以點?好簡單,咪喺你嘅精神食糧到玩野囉。拿下面已經好多例子,如果你仲敢得罪女人而引發左D咩後果嘅話,仲唔係抵_你死?   驚嚇篇 女人果然係醒嘅,整呢D樣嘅便當令你無乜胃口,但又叫做盡左責有整比你,怨佢唔落。   古怪篇 呢個明顯唔係激嬲左阿媽,而係阿媽整整下訓著左!
27
Apr 16
00:01
博客

【DAISO便當篇】¥100買可愛便當必備單品

DAISO的100円店,大家一定不會陌生,雖然大部分貨品香港店也有售,但日本分店的種類更多、貨源充足,而且兌換港幣大約$7,非常值得大手入貨呢!今次會介紹一些日式可愛便當的小工具!相信女生們一定會愛不擇手啊!   人氣飯團Shaker!上下搖動就可以做出小手卷,即使是3歲小朋友都可以做到!   迷你飯團Shaker,這兩款Shaker香港經常斷貨呢!     這些卡通小牙籤,可以插在三文治、水果、飯團...儘管是多平凡的便當,也會變得好可愛呢!   小男孩一定會喜歡的新幹線   小動物們   Hello Kitty單品也只是100円而已   放在火腿、芝士上,輕輕