任食
24
Nov 16
19:27
新聞

【期間限定!】東京¥1000喪食「熱辣辣蒸蠔」

生蠔我諗大家點都會食過,但北海道特有嘅鐵罐蒸蠔「ガンガン蒸し」,你又聽過未?呢種食法原來係北海道漁師們嘅行內食法,將生蠔放入月餅罐大小嘅鐵罐蒸十零分鐘,蒸出嚟嘅生蠔鮮甜味會完全被鎖住,好JUICY。     係咪睇見都想食呢?而家唔使去到北海道咁遠啦,東京六本木嘅「オホーツク丸」都有得食,仲係¥1,000無限時任食,雖然一日只限10組,不過可以用電話預約,咁就唔使神咁早去排隊等開門啦~     話多少少畀大家知,「オホーツク丸」係一間以提供鄂霍次克海地方食材為主嘅居酒屋,今次放題所用嘅就係來自北海道佐呂間湖最出名嘅「1年牡蠣」,隻隻都有手掌咁大,食落帶有海水鮮味,口感creamy,¥1,000就可以任食,真係好抵玩!     オホーツク丸 地址:東京都港区六本木5-5-1 ロアビル1階(東京 六本木横丁内) 電話:03-6721-1525 (唔識日文可請酒店代為預約) 營業時間:17:00~02:00 官網:yokocho.tokyo/restaurant-info/okhotsk-maru/   鐵罐蒸蠔 カキの「がんがん蒸し」食べ放題
23
Nov 16
22:54
新聞

【超級開心!】大阪有得「免費任試」明太子!

明太子料理喺日本好多地方都可以食到,當中嘅表表者一定係明太子玉子燒,我身邊就有唔少朋友因為呢道料理而愛上明太子!   如果你都係好明太子一族,話畀你聽大阪今年月11先新開嘅明太子見學工場「めんたいパーク大阪ATC」唔單止可以睇哂成個整作明太子嘅過程,仲有得免費任試新鮮整起嘅明太子同買呢度先買到嘅限定明太子產品,係咪好想即刻就走過去試餐飽呢!!   全個工場分為4大區:   「工場直賣店」可以買到只此一家嘅明太子產品,極力推介可以用嚟撈飯嘅飯素「ふりかけ」,攜帶方便又好味,大手買入用嚟做手信又得,留返自己隨時加餸又得~     「Food Corner」可以食到加入名太子製作嘅料理,比較大路嘅有明太子飯團,想挑戰新口味的話可以試吓明太子軟雪糕。   明太子同飯團係天生嘅絕配,呢個仲要係用新鮮明太子去製,冇理由唔買返個試吓!   以明太子去整中華包坊間真係好少見到,顏色粉紅粉紅好吸引,咬落明太子嘅味道比想像中濃郁,
27
Oct 16
21:29
新聞

Trick or Meat?仲有2日! 原宿牛角¥290任食放題開始!

唔係講笑,仲有兩日,喺原宿牛角只要畀¥290,就可以食到有成29款唔同食材嘅燒肉放題!   事源上年牛角都曾經搞過¥290放題,仲喺18秒之內就已經派哂啲籌!所以為咗滿足上一次食唔到嘅人客,佢地就趁住今年20周年再搞一次¥290任食放題,而因為臨近萬勝節,到時只要同店員講「Trick or Meat?」就可以以¥290任食燒肉放題㗎啦!     喺決定menu嘅時侯,牛角仲特登喺twitter畀大家投票最想食嘅menu,第一位跑出嘅係「霜降鹽燒牛脷」,所以到時牛角將會不惜工本咁提供呢款超好味menu,真係皆大歡喜~     不過想食¥290任食放題都唔係咁簡單,因為有好多人由一朝早就會去排隊,好似上年,竟然有超過400個人喺未開門就開始等,真係少啲耐性都食唔到。     如果真係真係真係好想去食,就要留意吓以下幾點,免得排餐懵但竟然食唔到。   ●為咗唔好騷擾到附近居民,禁止於當日朝早8點前排隊 ●派籌時人數以人頭計,即係話有幾多人去食就要有幾多個人去排,你唔自己親自嚟排佢唔會計你數 ●一組最多限4位 ●當日冇得指定要坐咩位,所以就算係3個人,店方都可能會安
06
Apr 16
20:02
博客

【高級燒肉放題】$350任食矜貴《山形牛》

去日本旅行,燒肉放題一定唔少得!但咁多間到底揀邊間好?而<土古里>一定係我嘅首選!只需要5000円 (約350港幣) 就可以無限任食日本最高級和牛之一嘅山形牛!係咪聽到都覺得好興奮?   放題分兩種(2小時): 1. 高級黑毛和牛山形牛放題 - 5000円 (約350港幣)  2. 特選高級山形牛奢華放題 - 12000円 (約840港幣)  *除咗各種牛肉之外,仲包括牛肉火鍋、牛內臟、豬肉、雞肉、甜品等等,基本上食5000円嗰款已經好足夠㗎喇!如果女仔食量細,單點食物會更加抵!我食10塊已經覺得好足夠喇!因為食得多好膩㗎   <土古里>係東京同神奈川都有分店: 東京:上野、浅草、大井町、八重洲、新宿 神奈川:横浜、桜木町 建議各位去之前最好預約先>>網上預約<<   山形牛產量罕有矜貴,日本和牛市場每年出產約80萬隻牛,而「山形牛」產量只佔當中1.2 至1.3%,即係大約1萬隻左右,全因農民同牛商嚴謹監控「山形牛」嘅品質,堅守「重質不重量」嘅宗旨。以往「山形牛」只係日本內銷,近幾年先開始輸出海外,但價錢都比較貴。而山形牛最大嘅特色係,肉質鬆軟無渣,脂肪豐富,肉質與脂肪比例均勻呈霜降狀態,
01
Feb 16
17:27
博客

【廣島蠔60分鐘放題】$155狂食廣島蠔!好玩又好食!

一場嚟到廣島,冇理由唔試下啲廣島蠔㗎...如果唔係點同鄉親父老、叔伯兄弟交待呢? 只不過單單幾隻廣島蠔又點能夠滿足到我...所以今次去嘅係【燒蠔放題】!係咪聽到都覺得興奮呢!唔好以為廣島蠔加上放題就一定好貴,食足60分鐘都只係2300円,即係港幣$155左右咋!係咪平到笑出嚟? 喂喂喂...擔心平嘢就一定冇好嘢?放心喇...島田水產係一間已經超過三百年歷史嘅老字號,由江戶時期到依家,一直販賣廣島蠔,質量仲頂呱呱添,分別有新鮮生蠔同新鮮燒蠔兩種,諗好食咩之後,就可以坐係牡蠣小屋入面慢慢食。生蠔係逐隻計,15個2750円(約港幣$185),20個 3500円 (約港幣236)、30個 5000円(約港幣$337);而燒蠔放題就係2300円(約港幣$155),如果女仔食量唔多,或者純粹想試下味嘅朋友,可以揀買一公斤燒蠔(大約10個)  1100 円 (約港幣 $ 74),不過記得留意6月至9月係休漁期,計劃出發嘅朋友要注意喇!​ 店鋪名稱:島田水產 地址:廣島縣廿日市市宮島口西1丁目2-6   前往方法:「宮島口駅」步行約10分鐘 開放時間:10:00 - 19:00 暫停時間:16:00 - 17:00 休漁期:6月至9月島田水產靠近海邊,隔個海就係宮島,仲有位可以泊車添 燒蠔放題60分鐘2300円(約港幣$155),另外提提你,燒蠔係會收租爐嘅費用,一個爐係400円,可以幾個朋友share
16
Jan 16
02:00
博客

【超有愛】全世界首間吉野家任食火鍋!$138食足120分鐘放題!!!!

吉野家為咗慶祝25週年,係西環豐業大廈分店攪咗個120分鐘火鍋放題,店長話俾我知,原來呢到係全世界第一間吉野家攪火鍋放題啊!我居然有機會參與,感到好榮幸啊!(hahaha...超誇張的)呢個放題只係做一個星期(13-19/1/2016),想食就要快喇! 平時吉野家個火鍋細細,食完都唔飽,所以有好多人會偷偷地自己買嘢入去加料(唔洗唔認...我知你都有份haha)但今次終於唔洗鬼鬼崇崇喇!就算你想食1000嚿芝士竹輪都唔會有人阻止你! 俾你哋睇下吉野家張宣傳單張了解下~細路仔唔夠140cm收$98~ 吉野家放題一共三款湯底同五種火鍋醬料俾大家選擇,湯底有番茄湯、日式雪濃湯和野菜清湯,牛肉、雞腿肉、豚肉無限量供應,仲有我嘅最愛芝士竹輪、黑白墨魚包、響鈴.....多到講唔哂!自己睇喇!仲有仲有....呢度飲野唔洗加$3,汽水、茶、麵豉湯任飲,仲唔收加一。 總共有兩段時段可以揀18:00-20:00、20:15-22:15,不過我建
13
Jan 16
07:16
博客

【集體回憶】元綠$48迴轉壽司任食!全港執淨一間!

(起歌)我最初面紅...現在雙眼通紅...再幼稚還是覺得戀愛如夢.... 集體回憶呢啲,到咗某個年紀就會明㗎喇...8、90後由細食到大嘅元綠,由以前同元氣鬥到你死我活,連Twins都係佢地代言人,到今日執下執下淨返最後一間!聽講水準已經大不如前,更被冠以「新。明將」嘅稱號。正所謂新年新開始,元綠決定攪個[$48任食迴轉壽司]睇下可唔可以起死回生,但網上就有前員工勸籲各位為身體著想千祈唔好去,既然係咁,就等我入天水圍做死士,幫大家探下路喇。 點知去到發現有超多人係門口等緊,由於好多人放棄唔等,加上我係1個人去,所以大約等咗2個鐘左右就入得喇!(我在場聽到3-4個人去嘅,由12:00等到4:00先有得入啊) 5點前入座$48(60分鐘)/5點後入座$68(90分鐘) 以前我好鍾意Twins㗎!有佢哋代言嘅產品就會試!你鍾意阿Sa定阿嬌啊? 今次呢個優惠打響旗號,$48食到飽!咦?啲壽司呢? 有啦!煙鴨胸、鴨煙胸、胸煙鴨? 等咗足足差唔多成分鐘先有下一碟壽司!咁計法,1分鐘一碟,如果你食得快嘅....都真係可以食60碟嘅!