今期流行
14
Jul 17
00:10
博客

【今期流行】迪士尼 和風夏慶 X 加勒比海盜 濕身派對

由即日起至8月31號,東京迪士尼會舉行 和風夏慶活動,迪士尼海洋就會舉行夏日海盜世界~ 一直以嚟對迪士尼夏祭巡遊嘅印象都係普普通通有啲水花仔咁,結果… 著咗雨褸實在係太明智啦!!!!!(迪士尼夏祭雨褸1500円)   城堡前面有好多水柱噴出嚟,成個噴水池咁!   迪士尼人物們個個都拎住個「花灑」係咁噴水~ 難怪迪士尼官方都話:「和風夏慶巡遊表演會比你想像中濕身!」   迪士尼海洋依邊嘅特別節目更加誇張,將成個加勒比海盜入面嘅海盜船都還原晒出嚟!   啲水直程好似淋雨落嚟咁!!!!成個show大家係咁打拍子、叫口號,好high啊~   如果冇雨褸一定由頭濕到落腳趾尾!   除咗巡遊表演之外,仲有好多期間限定好嘢玩~ 例如迪士尼樂園依邊有夏祭特別大抽獎,500円抽一次,一人限抽3次,有機會贏走咁大個cushion㗎!
28
Jun 17
00:04
博客

6月23日新開幕 全新大型旗艦店 - 銀座LOFT

為慶祝創業30週年,LOFT於6月23日喺東京銀座嘅全新大型旗艦店「銀座LOFT」正式開幕! 除咗有好多潮流雜貨可以之外,仲有得食有得玩, 等我地即刻為大家介紹喇!   位於銀座二丁目嘅「銀座LOFT」全4層,分別喺3-6樓。 3樓有美容、健康雜貨、手錶、iPhone維修服務。 4樓有生活雜貨、家庭用品、家具等。 連Cafe亦都有! 5樓有多唔同種類款式嘅文具及實用背包。
20
Jun 17
02:13
博客

【今期流行】日本 七夕限定 著浴衣 去 迪士尼

由即日起至7月7 日,東京迪士尼同東京迪士尼海洋都會搞七夕活動「七夕Days」, 迪士尼角色們會著到牛郎織女咁,樂園仲叫大家著住浴衣去玩,感受吓和風嘅迪士尼^^     日本人七夕時會放棵願望樹出嚟許願,迪士尼就依住依個傳統,整咗一棵好大嘅願望樹! 願望樹附近有好多著住浴衣嘅員工會派願望紙比大家,好似神社啲繪馬咁比大家寫低自己嘅願望~   東京迪士尼同東京迪士尼海洋都分別會搞七夕特別版巡遊,咁和風嘅迪士尼真係好少見^^   另外,七夕特別版商品都吸引咗好多人入貨!例如依條毛巾係識得夜光㗎!(1400円)   Duffy匙扣係咪好得意呢~(1800円)   每日六點之後,每十分鐘就會有一場迷你燈光匯演~ 希望大家會願望成真^^   迪士尼七夕Days 日期:6月15日~7 月7 日
24
Nov 16
22:55
博客

【幫手指改頭換面】日本人原來鍾意呢啲!

如果有藝術天份,手指甲係好好用嘅移動畫板,鍾意咩就畫咩,仲可以帶住佢地隨街去,想成為焦點,輕輕一揮手就搞掂,但如果係整以下款式,舉手投足都要睇清楚附近有冇人先,如果唔係小心大動作小小都會拮親隔離嗰位。   1. 將鍾意嘅角色癡哂上指甲!   圖片來源:pbs.twimg.com   圖片來源:cdn.kaumo.jp   圖片來源:cdn-obs.line-apps.com   帶住最爰嘅動漫角色或者卡通人物一齊去街係好開心嘅,不過10隻手指拍埋一齊啲指甲大到成把扇咁,行出街好似有少少唔方便噃?!仲有,要癡咁多野上去,啲假甲要做得好穩陣,下面呢個係必經過程,睇落好似有啲恐怖......   圖片來源:pbs.twimg.com   2. 有幾長整幾長!