12
Sep 17
01:09
博客

【東京日本橋美食地圖】¥1000有找8大精選!

去日本食好野唔代表一定會貴,今次為大家嚴選8道可以喺東京日本橋食得到嘅「¥1000有找超讚美食」,如果打算喺附近落腳的話餐餐都有著落啦!   1)お多幸本店:豆腐關東煮定食 ¥670 一提到日本橋嘅關東煮,日本在地人嘅首選一定係老舖「お多幸」,關東煮經過長時間熬煮煮得超入味!嚟到呢度必試名物「豆腐關東煮定食」,經過特製醬汁調味嘅飯上面放咗一大磚非常入味嘅豆腐,連埋熱辣辣嘅大根同玉子一齊食,食完成個人都暖哂~ 日本橋 お多幸本店 地址:東京都中央区日本橋2-2-3 お多幸ビル 電話:03-3243-8282 營業時間:星期一至五 11:30~14:00、17:00~23:00/星期六及公眾假期 16:00~22:30 休息日:星期日   2)つじ半:奢華刺身丼 ¥990 由日本橋站行4分鐘左右,就會搵到呢間可以食到海鮮丼嘅「つじ半」。呢度嘅選擇唔算多,必試嘅奢華丼有梅、竹、松、特上5個size可以揀,只要九百零円就可以食到不同海鮮刺身新,難怪每日都有咁多人排隊! つじ半 地址:東京都中央区日本橋3-1-15 久栄ビル 1F 電話:03-6262-0823 營業時間:11:00~21:00 官網:
02
Aug 17
00:26
博客

【食勻全日本!】激正海鮮刺身丼物店10選!

小編去親日本嘅最終目的都係食、食同食!而喺眾多美食當中,最愛嘅一定係可以同時食到多款不同海鮮刺身嘅「海鮮丼」!今次為大家推介小編to go list入面嘅其中10間,唔知睇完之後又會有幾多間變成大家下次去日本嘅目標呢?   1. くまげら@富良野 「ぐまげら」係米芝蓮指南內嘅推介食肆,除咗質素高,營業至深夜11點都算係其中一大特點。嚟到呢度一定要試真正入口即化嘅「和牛刺身丼」,丼飯一上枱簡直係視覺衝擊,和牛顏色極之粉嫩,size剛好一塊一啖,油脂分佈得極之平均,口感滑如拖羅,一入口嘅究極滋味真係好令人感動! 詳細介紹:【 富良野鄉土料理名店!必食「 極品 和牛 刺身丼 」!】   2. 一里塚@神奈川 自問去親旅行都會變成大胃王嘅你,以極平民價錢就可以食到超多料超大碗海鮮丼嘅小店「一里塚」,一定會成為check list入面嘅其中一間!海鮮丼嘅食材會因應店主當日入咩貨而定,眼見最少有5種鮮魚刺身,好彩的話仲可以食到一大篤鮮甜海膽,男士們都可以食到飽一飽! 詳細介紹:【窮遊必到!1500円就食到神奈川縣超大碗「豪華刺身丼」!】  
25
Jul 17
00:22
博客

【 富良野 鄉土料理 名店 】 必食 「 極品 和牛 刺身丼 」!

去旅行最開心就係可以食到當地嘅地道美食,而講到富良野無人不知嘅鄉土料理名店,就係呢間距離富良野站只有5分鐘左右路程嘅「くまげら」!   「ぐまげら」係米芝蓮指南內嘅推介食肆,可想而知質素一定有返咁上下。除咗質素高,營業至深夜11點都算係其中一大特點,試諗吓喺夜晚安頓好所有行李出去仲可以慢慢歎返個豐盛晚餐,係幾咁幸福嘅一件事!   必食Menu: 和牛ローストビーフ丼 ¥1,980 嚟到呢度基本上唔需要再睇任何menu,點都要一試真正入口即化嘅「和牛刺身丼」!丼飯一上枱簡直係視覺衝擊,和牛顏色極之粉嫩,size剛好一塊一啖,油脂分佈得極之平均,口感滑如拖羅,一入口嘅究極滋味真係好令人感動!   雖然丼飯價錢唔算平,但和牛份量唔算少,食材高質仲要係米芝蓮美食,呢一餐物超所值!   粉紅色嘅肉質好誘人!   必食Menu: 熊しょうが焼き定食 ¥2,880
18
Jul 17
22:56
博客

【窮遊必到】1500円就食到 神奈川縣超大碗「豪華刺身丼」!

好食嘅料理多多都食到,自問去親旅行都會變成大胃王嘅你,今次呢間位於神奈川縣,以極平民價錢就可以食到超多料超大碗海鮮丼嘅小店「一里塚」,一定會成為check list入面嘅其中一間!   招牌唔係好明顯,不過認住個「魚」字就唔會去錯地方。   店內座位唔多,有order枱亦有counter位,如果係自己一個嚟,counter位會坐得更自在。   望望個menu發現都有幾多選擇,價錢亦中規中距,如果貪心啲想試多一種食材,強烈推介超豐盛定食set!   必食之一:海鮮一里塚丼 ¥1,650 雖然menu上已經寫明「多種・多量・大滿足」,但真係估唔到係多到咁大量到咁!海鮮丼嘅食材會因應店主當日入咩貨而定,眼見最少有
14
Jun 17
00:12
博客

¥980 食到 巨型 海鮮丼!? 識食一定係 天神 「魚助食堂」!

¥980食一個海鮮丼絕對唔係史上最平,但可以親自出手製作,想砌幾高就幾高,有得玩又有得食,係咪齋諗都想去試吓呢!   位於福岡天神嘅「魚助食堂」真係有得玩,揀選好大中細飯嘅Size,就可以出發將店內4款食材憑技術夾喺自己碗飯上面,鍾意食幾多完全自己話事。   嚟到門口一定唔會唔認得,因為大大個招牌已經印住當店名物。飯有3個size,價錢分別為¥980(細)、¥1,280(中)、¥1,480(大)。   店內有個牌寫住當日有咩小菜同剌身,不過全部都係日本,對唔識日文嘅人嚟講幫助不大。   呢間舖頭好有趣,用木鈕扣嚟取代紙製食券。   店內除咗魚生刺身之外仲會有自家製小菜,一般女仔的話可以揀最細碗嘅「並盛り」,留返多啲位試多啲唔同美食。由於店方有特別途徑直接由長浜魚市場直接購入新鮮魚介,所以嚟呢度每一日都可以食到新鮮食材,而食材有機會日日都唔同,曾經出現過嘅有黃條鰤、油甘魚、花鱸、鰹魚等等,以¥980就可以食到咁新鮮嘅刺身,真心抵食!  
24
May 17
00:42
博客

《胃食日本》:250年歷史元祖親子丼老鋪「玉ひで」〜

去日本旅行食野就緊係唔少得食丼飯啦~ 牛丼,天婦羅丼,三文魚子丼等等 今次就同大家去到東京人形町,食已經有250年歷史, 而且深受日本人愛戴嘅老鋪「玉ひで」食滑蛋親子丼! 「玉ひで」係1760年開業,係日本非常出名嘅親子丼老鋪, 位於人形町站行大約30秒嘅距離, 11:30分開始營業,只係開店10分鐘就已經有好多人排隊啦~ 不過因為Lunch時間係用「搭枱」去同時令更多客人可以入去, 所以唔需要等好耐就可以入得去㗎啦~   Lunch Menu主要係有4個單叫可以選擇, 分別係親子丼,三昧親子丼,上レバ親子丼同埋"極"親子丼, 另外亦都有豪華Lunch Set(親子昼膳3300Yen~)可以叫, 而叫Set仲唔洗排隊可以直接入去~   入到去之後其實仲要排多陣,佢哋會先叫你俾錢先希望可以縮短時間, 所以要記得排緊個陣就要諗定啦~ 因為係會有「搭枱」,所以2個人又或者係1個人去嘅朋友 就可以會有同唔識嘅人面對面坐架~
16
Mar 17
19:33
新聞

想食天丼梗係去「てんや」! 必試全新「辣咀爆漿天婦羅丼飯」!

忌廉可樂餅嘅爆漿口感真係魅力沒法擋,估唔到原來用嚟整天婦羅一樣掂!想試咁特別嘅天婦羅,記得3月23日至4月26日去天婦羅專門店「てんや」走返轉,因為佢地將會推出全新配搭嘅天婦羅丼飯,當中包括一咬即爆漿嘅忌廉天婦羅,鍾意食忌廉可樂餅的話一定會大愛!   ベーコン・チキン天丼 ¥730 就係呢個「煙肉・雞肉天丼」!一碗入面有厚切煙肉、雞肉、爆漿忌廉、四季豆4種食材嘅天婦羅,淋埋層加咗芥末醬整成嘅特製醬汁,明明視覺上係一個天婦羅丼飯,但味道同口感上都非常嶄新,係一個非一般嘅天婦羅丼飯!   呢件爆漿忌廉天婦羅就係成個丼飯嘅靈魂,食嘅時候要做定心理準備,一咬開啲忌廉漿就爆哂出嚟!   厚切煙肉天婦羅   桜海老天丼 ¥850   除咗個 煙肉・雞肉天丼之外,將會喺同期推出嘅「桜海老天丼」都好值得一試!入面有櫻花蝦洋蔥天婦羅、小銀綠鰭魚天婦羅等等豐富食材,睇落好似好普通,但意外地好味!  
25
Feb 17
01:36
博客

500円就可以食到! 滿到瀉「吞拿魚雙色丼」

窮遊都可以食好嘢嘅!今次介紹呢碗吞拿魚雙色丼啲料滿成咁都只係¥500,計返港幣$40都唔使,真係唔食都對唔住自己!     就係呢間位於京都嘅「魚樂」,佢係一間壽司店,不過亦可以食到大大碗滿到瀉嘅吞拿魚丼,價錢同質素完全唔成正比!店入面只有counter位,茶水全自助,係好典型嘅小店格局,但往往平靚正嘅美食都會出現喺呢啲店舖!     呢碗就係店內最人氣嘅料理「吞拿魚雙色丼」喇!一半係切粒嘅吞拿魚,而另一半就係吞拿魚蓉,唔同食法都有唔同嘅口感同味道!切粒嘅吞拿魚越食越覺得甘甜,而吞拿魚蓉就油脂比較豐富,一入口就已經喺舌尖化開,加埋下面嘅醋飯,一啖接一啖,食到停唔到口!     睇唔睇到層吞拿魚蓉有幾厚!絕對唔會得薄薄一層敷衍你!     至於點食先食最好食,除咗原味同撈醬油,最奢華嘅係法係將吞拿魚蓉同飯撈勻,再加少少醬油調味,連埋切粒嘅吞拿魚一切放入口,食到吞拿魚嘅油脂香之餘又有粒粒吞拿魚口感,簡直係極品!   如果自問比較大食,可以加¥30變大盛,相反,如果係比較細食嘅女仔,就可以叫小盛,價錢可以減¥30~   最後溫馨提提大家,
24
Feb 17
00:36
博客

又癮起想食海膽!?狙擊東京4大「海膽料理」!

講到高級美食,除咗魚子醬、鵝肝、鮑魚、三文魚籽之外,又點可以少咗海膽!新鮮嘅海膽真係可以好好食,入口即溶嘅口感、濃郁嘅甘甜,雖然就咁用嚟整軍艦壽司已經好好食,但以下落嚟幾款終極海膽料理,試過包你再三回味!   1. 海膽綜合丼@うに虎   食海鮮又點可以唔去築地!呢間叫做「うに虎」嘅店舖可以食到唔同種類嘅海膽,而識食嘅就一定係揀「国産五種 うに食べ比べ丼」,可以一次過試哂5種唔同嘅海膽,一碗就可以試到每種海膽喺口感同味道上明顯嘅分別,吸引好多名人特登去試!   「国産五種 うに食べ比べ丼」會因應時節提供唔同嘅海膽,呢一個就係來自落合嘅馬糞海胆,顏色非常橙黃,入口好甘甜質感好順滑,海膽味夠濃,好新鮮!   第二種都係馬糞海膽,不過今次就係來自北方四島,比起落合產嘅呢個口感更紮實,比較有彈性。   呢個來根室嘅馬糞海膽有海膽迷最愛嘅經典味道同口感,用羹輕輕撩起已經感覺到佢有幾半溶,一入口簡直不得了,比起落合嘅馬糞海呢個更加柔軟,唔單止入口即溶,呢個根本就係即化,一放入口已經搵唔到海膽嘅蹤影
15
Feb 17
02:39
博客

【齋食早餐都覺得回本!】 北海道「勝手丼酒店」3選!

住酒店除咗地點同房間質素,小編最關心嘅就係早餐有咩好嘢食!喺北海道,好多酒店嘅早餐都可以食到新鮮海鮮,所以今次就為大家介紹3間可以食到「勝手丼」嘅酒店,等大家一擘大眼就可以食到超豐富早餐,食完包你一整天都有好心情!    1. 天然温泉 灯の湯PREMIUM dormy INN      第一間就係位於小樽嘅「灯の湯」,同小樽站只有一分鐘步行距離,超方便!附近又有勁好行嘅「驚安の殿堂」,夜晚食完飯都仲可以逛返圈掃吓貨!至於房間就同一般酒店分別不大,細細地但又唔會覺得好迫狹,起碼打開咗件行李,仲有空間可以行。而講到小編嘅最愛,就一定係呢度嘅餐飲,唔單止早餐超豐富,浸溫泉仲可以食免費蕎麥麵,所以喺呢度留宿一定長時間都係keep住滿腹嘅狀態......