中環
24
Oct 17
22:56
博客

蘭桂坊首度呈獻「日本秋祭」嘉年華

一同慶賀嘉年華16周年 共享正宗日本文化及祭典氣氛
「蘭桂坊日本嘉年華」將於11月11至12日,下午1時起至深夜舉行將傳統日本祭典元素帶至香港!為呈獻正宗秋祭氛圍,嘉年華將會結集超過40個日式當地美饌、日本清酒及燒酎攤位!以巨型鳥居及天燈作裝飾,市集內多達40多個攤位,其中包括日本酒造中央組合為大家帶來各種風味的日式清酒,以及來自岩手縣、高知縣、長野縣等日本各地的日式佳餚美饌。 現場更可免費試穿浴衣漫步拍照留念,以及同祭典內特色青森睡魔祭大型燈籠合照!除了有精彩魔術表演及現場樂隊演唱,更有日本傳統祭典舞蹈、忍者、空手道、劍道及武士舞台表演以及難得一見的德島縣著名藍染製品時裝表演,等大家可以親身接觸日本傳統工藝。伴隨和風音樂及舞蹈的太鼓巡遊,大家亦可體驗日式臉部彩繪及專業髮型設計,令造型更具秋祭氣氛。若果你是電動遊戲迷,千萬別錯過近期大熱的任天堂攤位!   日期:11月11至12日 時間:下午1時起至深夜 地址:中環蘭桂坊
16
May 17
23:10
博客

暑假又係去日本嘅高峰期 有冇諗住入定日元?

暑假又係去日本嘅高峰期,大家有冇計劃「返鄉下」呢? 不過而家兌換日元方法有N咁多種,有時真係唔知道用咩方法好…… 其實今時今日要唱錢(斨錢),比起以前已經好方便同多咗好多方法(雖然仍然有好大班人係同朋友唱XD)。要其中一個最傳統嘅手法,自然係去銀行換啦。其實部分銀行係有日元現鈔畀你唱,不過手續費就多數就唔甩啦。一般嚟講冇戶口嘅話隨時真係要燒舊幾水先落到樓。不過認真,以方便嚟講其實銀行唱錢真係幾OK,四圍都有,不過要預約都係個問題…… 如果唔方便去銀行,都可以直接去ATM撳外幣,有部分銀行嘅部分ATM係可以直接撳到日元嘅。不過留意係「部分嘅部分」啊! 而且通常匯率都係比較貴…… 其實而家好多時你手上嘅提款卡,係可以直接喺日本嘅ATM撳錢。只要事前喺香港過e-banking、電話理財或親自去銀行啟動咗「境外提款」,就可以於日本直接提取日元。不過有兩點要留意返:第一,請留意你張卡係屬於邊個自動櫃員機網絡,通常都係離不開Visa嘅E PLUS、MasterCard旗下嘅Cirrus或者銀聯其中一種,記得對返部機個網絡。例如E-PLUS對郵局機、銀聯就「7仔」等等。仲有記得留意每次撳錢都要俾20港元左右嘅手續費。 另外一個比較熱門嘅方法,就係去幫襯找換店,一般找