世界文化遺產
24
Nov 17
03:56
博客

2018白川鄉點燈須知(附交通攻略)

相信大家對白川鄉呢個地方都唔陌生,近年嚟成為旅遊景點新寵兒,冬天雪景更加係令人嘆為觀止,每年1、2月白川鄉更會有點燈活動,點綴合掌村莊,嚟緊1、2月就有4場點燈儀式。 點燈時間/地點:   第1回:1月21日(日) 和田家附近、明善寺附近、西側附近、かん町附近、下ゴソ附近  第2回:1月28日(日) 和田家附近、明善寺附近、西側附近、かん町附近、下ゴソ附近  第3回:2月4日(日)   和田家附近、明善寺附近、西側附近、かん町附近、下ゴソ附近  第4回:2月12日(一) 和田家附近、明善寺附近、西側附近、かん町附近、下ゴソ附近    點燈時間:5:30pm~7:30pm   觀賞點燈最佳地方一定係展望台,由於為點燈慕名而來嘅遊客眾多,基於安全理由,喺點燈當日,展望台會實施收費同人流管制,每次只限900人可以上展望台睇點燈。白川鄉觀光協會會優先派發展望台整理券畀當日喺白川鄉留宿嘅客人,然後以先到先得形式發售。 展望台整理券售賣處:JA停車場 發售時間:點燈當日4:30PM,售完即止 價錢:500円/人(小學生以上須購買)   拎到整理券嘅幸運兒可以坐巴士上展望台。班次可以睇番點燈官網(http://lightup.asia/transportation/?lang=tw) *留意:
10
Apr 17
02:15
博客

名古屋之旅:高質日式巴士一日遊 白川鄉+飛驒高山(下)

上集同大家介紹咗我參加KLOOK嘅高質日式巴士一日遊,去咗岐阜縣嘅飛驒高山,今日介紹埋下半部份,就係去白川鄉嘅環節啦! 如果未睇上集嘅朋友,可以參考返KLOOK嘅行程,超級啱晒我呢啲唔夠時間plan行程嘅忙人,唔駛煩交通同行程時間安排,非常方便!詳情可以參考返呢個網址呀:https://www.likejapan.com/klookbustour 遊完高山之後,其實個tour就包一個高級酒店自助午餐,有中西日式美食、嘢飲都包埋,所以大家喺高山其實都唔使食太飽,唔係唔抵呀XD 食完飯酒店隔離有個物產館,想買手信嘅朋友可以喺嗰度行下睇下,大概一個鐘內就要出車前往白川鄉架啦。 期待咗好耐嘅白川鄉,因為成日聽人講呢度直頭好似瑞士啲山區小鎮咁,係童話般嘅景色,三月尾嚟仲未溶雪(仲要個日真係有少少飄雪),係真係開心嘅!
22
Feb 16
02:05
博客

【廣島】日本三景之一-宮島(上)

嚴島鄰近廣島市,俗稱宮島,被列為日本三景之一,稱為安藝之宮島,島上最主要的景點是位於海上、以海上鳥居聞名的嚴島神社及後方的彌山原始林區,已被列入世界遺產。(資料來源:維基百科)     簡單啲講...即係好似香港嘅離島咁,宮島(即係嚴島)係一個小島,屬於廣島縣範圍,係廣島大約坐10分鐘渡輪就會到㗎喇!而日本有三景,分別係宮島、天橋立、松島,其中宮島上嘅嚴島神社、海上大鳥居,都係日本極具代表性嘅景點,嚴島神社係1996年更被列入為世界文化遺產,幾乎世界各地嘅觀光客都會嚟朝聖。     今次旅程我前後去咗兩次宮島,第一次去係陽光普照,好多鹿仔,第二次去就凍到落雪,鹿仔都匿埋哂,而呢篇blog會先講講我落雪當日係宮島嘅小趣事,至於主要景點、名勝、鹿仔、交通攻略,就會係下一篇blog同大家逐一分享!   由於今日落雪,凍冰冰行唔郁,揀咗坐人力車觀光   可以揀坐幾耐,坐得愈耐,睇嘅景點就會愈多,當然就愈貴喇!同埋一個人坐同兩個人坐價錢又會唔同