下北澤
21
Jun 17
23:41
博客

夏日 甜品 大解放!東京 下北澤 吸睛 甜品 4選!

去旅行撞正落雨搞到勁冇癮?唔緊要,今次帶大家去出名美食多嘅下北澤食返幾個甜品轉換吓心情,望住窗外雨景hea吓都幾有feel㗎~   1. 微糖抹茶@しもきた茶苑大山 「しもきた茶苑大山」位置非常方便,由下北澤站北口行2分鐘左右就會到,係一間可以品嚐到由茶師十段嚴選嘅茶品嘅日本茶專門店。嚟到呢度一定要試新作「微糖抹茶」,巨型刨冰加入咗京都宇治抹茶製作,可以食到抹茶最根本嘅味道,甘甘甜甜勁解渴消暑。   抹茶軟雪糕都係必食推介,抹茶味嘅雪糕已經夠濃,上面仲要灑咗層厚厚嘅抹茶粉,真係濃郁到無話可說!   しもきた茶苑大山 地址:東京都世田谷区北沢2-30-2 丸和センター 2F 電話:03-3466-5588 營業時間:14:00~18:00 休息日:不定休 官網:shimokita-chaen.com   2. 濃縮咖啡牛奶刨冰@BALLOND’ES 由下北澤站行5分鐘左右就會見到呢間「BALLOND’ES」,必試嘅有賣相非常吸引嘅濃縮咖啡牛奶刨
04
Jan 17
22:21
博客

【滴威士忌食日本國產生蠔!】「隱世海產天堂」喺呢度!

又到食生蠔嘅季節!鍾意食生蠔的話食一兩隻又點會夠喉,但食多幾仔荷包又負荷唔到,真係好難搞。不過如果你睇緊呢篇blog,証明大家有緣,就大方啲同大家分享吓呢間位於東京嘅海產秘店有咩好料食啦!     呢間叫做「貝グリル&ワイン 東京シェルモアナ」嘅海產小店位於東京下北澤,因為付出¥200就可以食到超新鮮日本國產生蠔,所以已經有唔少識食之徒知道呢間秘店。除咗¥200一隻嘅國產生蠔,呢度仲可以玩埋「摸蜆」!點玩法?之後慢慢再講!     呢度嘅生蠔來自日本唔同地區,有北海道產、岩手縣產、佐賀縣產等等,食到邊幾款完全視乎當日老闆入咩貨,建議大家每種都試一隻先,睇吓邊款最啱自己口味。     除咗用檸檬汁調味,呢度超浮誇地準備定一小支威士忌俾你唧落去食,威士忌嘅微苦原來同生蠔都幾夾,同檸檬汁完全係兩種風味!     北海道產嘅生蠔大隻又creamy,而呢一隻佐賀縣產嘅生蠔味道就比較溫和同有咬口。  
15
Apr 16
18:55
新聞

【以物易物】下北澤古著店回收奇法!

古著係日本出晒名就係人都知!不過有一間舖頭除左用現金回收二手衫之外,仲諗咗第二樣野出嚟取代現金…   佢就係…白米!     呢名網友就係被奇怪嘅招牌吸引,仲成功「憑衣換米」添。     原來呢間咁特別嘅二手古著店叫做「FLORIDA」,位於下北澤     FLORIDA嘅回收價格係估算價值嘅3成。即係如果你件衫被估算為1000円,你就可以實收300円。   不過如果你唔想要現金,要白米!你就可以得到「2倍價值的白米」,即係總值600円嘅米,聽落都幾著數呀?   佢地真係準備左好多米等你地換㗎!     不過俾我嘅話我都係想要錢多d,之後去買鍾意嘅野食!你地又會點揀?